Silk Road Group-ი ბიზნესმენ გიორგი რამიშვილის დაკავებას განცხადებით ეხმაურება

© photo: Sputnik / Stringerხელბორკილი
ხელბორკილი - Sputnik საქართველო, 1920, 07.07.2025
გამოწერა
ბიზნესმენი თბილისის აეროპორტში სასაზღვრო კონტროლის გავლისას დააკავეს - მის ხელბარგში აღმოჩენილ იქნა კანონიერად შეძენილი, შენახვის უფლებით მასზე რეგისტრირებული ცეცხლსასროლი იარაღი
თბილისი, 7 ივლისი - Sputnik. დაინტერესებულ მხარეებს მოვუწოდებთ, თავი შეიკავონ გადაუმოწმებელი ინფორმაციის გავრცელებისგან, ნათქვამია ბიზნესმენ გიორგი რამიშვილის დაკავებასთან დაკავშირებით კომპანია Silk Road Group-ის მიერ გავრცელებულ განცხადებაში.
ცნობილი ქართველი ბიზნესმენი, კომპანია Silk Road Group-ის, Silknet-ის, Euronews Georgia-ს დამფუძნებელი გიორგი რამიშვილი (მეტსახელად „ზარალა”) თბილისის საერთაშორისო აეროპორტში კვირას, 6 ივლისს დააკავეს.
„დაინტერესებულ მხარეებს მოვუწოდებთ, თავი შეიკავონ გადაუმოწმებელი ინფორმაციის გავრცელებისგან, ვინაიდან ამ ეტაპზე მიმდინარეობს შესაბამისი კანონმდებლობით გათვალისწინებული სამართლებრივი პროცედურები", - აღნიშნულია განცხადებაში.
შსს-ს ცნობით, ბიზნესმენი თბილისის აეროპორტში სასაზღვრო კონტროლის გავლისას დააკავეს - გამგზავრების ტერმინალში რამიშვილის ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს. ცეცხლსასროლი იარაღი რეგისტრირებულია ბიზნესმენს სახელზე, თუმცა, ტარების უფლება არ ჰქონდა.
რამიშვილი სსკ-ის 236-ე მუხლის მე-3 და მე-4 ნაწილით დააკავეს, რაც ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს. დანაშაული 6-დან 10 წლამდე ვადით პატიმრობას ითვალისწინებს.
ყველა ახალი ამბავი
0