ეპოქა ქართულ ხელოვნებაში – რეზო გაბრიაძეს 89 წელი შეუსრულდებოდა - ვიდეო

გამოწერა
გამორჩეული ქართველი რეჟისორი, სცენარისტიდა მხატვარი რეზო გაბრიაძე 1936 წლის 29 ივნისს ქუთაისში დაიბადა. იგი არის 35-ზე მეტი ფილმის სცენარის ავტორი, რომლებიც ქართული და საბჭოთა კინოკლასიკად არის ქცეული
მათ შორისაა ყველასთვის საყვარელი ფილმები: „არ იდარდო!“, „მიმინო“ და „ქინ-ძა-ძა“. რეზო გაბრიაძე ასევე აქტიურად იყო დაკავებული მხატვრობითა და სკულპტურით.
საქართველოს დედაქალაქის ერთ-ერთი „სავიზიტო ბარათი“ - მარიონეტების თეატრი - სწორედ მისი შექმნილია. თავისი უნიკალური თოჯინებითა და სპექტაკლებით გაბრიაძემ თითქმის მთელი მსოფლიო მოიარა. ის არის შოთა რუსთაველის სახელობის პრემიის, საბჭოთა კავშირის სახელმწიფო პრემიის, ასევე რუსული პრემია „ნიკას“, „ტრიუმფის“ და „ოქროს ნიღბის“ მფლობელი. არის საფრანგეთის ხელოვნებისა და ლიტერატურის ორდენის კავალერი.
ლეგენდარული რეჟისორი და მხატვარი, ხანგრძლივი ავადმყოფობის შემდეგ, 2021 წლის 6 ივნისს თბილისში გარდაიცვალა.
რეზო გაბრიაძე დაკრძალულია ქართველი მწერლებისა და საზოგადო მოღვაწეების მთაწმინდის პანთეონში. 2025 წელს მისი სახელი მიენიჭა კინობიბლიოთეკას, რომელიც საქართველოს ეროვნული პარლამენტის ბიბლიოთეკის ბაზაზე ფუნქციონირებს.
ყველა ახალი ამბავი
0