https://sputnik-georgia.com/20250528/kaladze-ashsh-unda-ikos-cheni-partniori-da-ara-mbrzanebeli-293554788.html
კალაძე: აშშ უნდა იყოს ჩვენი სტრატეგიული პარტნიორი და არა მბრძანებელი
კალაძე: აშშ უნდა იყოს ჩვენი სტრატეგიული პარტნიორი და არა მბრძანებელი
Sputnik საქართველო
მმართველი პარტიის გენმდივნის თქმით, მნიშვნელოვანია აშშ-სა და საქართელოს შორის ურთიერთობების აღდგენა, თუმცა, ეს უნდა იყოს მეგობრული და პარტნიორული. 28.05.2025-ს, Sputnik საქართველო
2025-05-28T16:50+0400
2025-05-28T16:50+0400
2025-05-28T16:50+0400
საქართველო
აშშ
ბიძინა ივანიშვილი
ქართული ოცნება
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e8/0c/1d/291594113_0:0:1280:721_1920x0_80_0_0_30ab2a8de3afacb93ccf5aaa620de20a.jpg
თბილისი, 28 მაისი — Sputnik. ურთიერთობების გადატვირთვა პრინციპულად მნიშვნელოვანია, აშშ უნდა იყოს ჩვენი სტრატეგიული პარტნიორი, მეგობარი და არა მბრძანებელი, ასე გამოეხმაურა მმართველი პარტია „ქართული ოცნება - დემოკრატიული საქართველოს“ გენმდივანი, თბილისის მერი კახა კალაძე აშშ-ის საელჩოს მიერ გავრცელებულ განცხადებას. დღეს, აშშ-ის საელჩომ გაავრცელა განცხადება, რომელშიც ნათქვამია, რომ „ქართული ოცნების“ დამფუძნებელმა და საპატიო თავმჯდომარე ბიძინა ივანიშვილმა უარი თქვა აშშ-ის ელჩ რობინ დანიგანთან შეხვედრაზე, სადაც მას დონალდ ტრამპის ადმინისტრაციისგან თბილისსა და ვაშინგტონს შორის ურთიერთობების გადატვირთვის შესახებ გზავნილი უნდა მოესმინა. მისი თქმით, მნიშვნელოვანია, აღდგეს ურთიერთობები აშშ-სა და საქართველოს შორის, თუმცა, ეს უნდა იყოს მეგობრული და პარტნიორული. „სანქცირებულია ჩვენი ქვეყნის რამდენიმე თანამდებობის პირი, დასანქცირებულია ბატონი ბიძინა ივანიშვილი, თან რის გამო? იმისთვის, რომ დავიცავით ჩვენი ქვეყნის ინტერესები, არავის ვებრძვით, ვიცავთ საკუთარ ქვეყანას და ხალხს, ჩვენი ქვეყნის მომავალს. მნიშვნელოვანია, რომ ურთიერთობები დაიწყოს ახალი ფურცლიდან“, – განაცხადა კალაძემ. როგორც აშშ-ს საელჩოს მიერ გავრცელებულ განცხადებაშია აღნიშნული, დანიგანმა ივანიშვილთან შეხვედრა 22 მაისს, აშშ-ის სახელმწიფო მდივნის, მარკო რუბიოს თხოვნით ითხოვა. საელჩოს ინფორმაციით, დანიგანს ბიძინა ივანიშვილისთვის კიდევ ერთხელ უნდა გადაეცა ადმინისტრაციის გზავნილი „კონკრეტული ნაბიჯების შესახებ, რომელთა გადადგმაც საქართველოს მთავრობას შეუძლია იმის საჩვენებლად, რომ სერიოზულად არის განწყობილი აშშ-სთან ურთიერთობის გადატვირთვის მიმართ“. საქართველოს ხელისუფლებამ არაერთხელ განაცხადა, რომ ტრამპის ადმინისტრაციის მოსვლის შემდეგ საჭიროა შეერთებულ შტატებთან ურთიერთობების გადატვირთვა. კერძოდ, საქართველოს პრემიერ-მინისტრმა განაცხადა, რომ საქართველო მზადაა ხელი მოაწეროს შეთანხმებას, რომელშიც იქნება ასახული შემხვედრი ნაბიჯები. ამასთან, რუბიომ დონალდ ტრამპის ადმინისტრაციის ხელისუფლებაში მოსვლის შემდეგ პირველად გააკეთა კომენტარი საქართველოში არსებულ ვითარებაზე. მან თქვა, რომ ვაშინგტონი საქართველოს ხელისუფლების წინააღმდეგ შესაძლო ზომებს განიხილავს. კონგრესმენ ჯო უილსონის კითხვის პასუხად რუბიომ საქართველოს ამჟამინდელ მთავრობას „ანტიამერიკული“ უწოდა. განცხადება კონგრესში 21 მაისს გამართულ მოსმენაზე გაკეთდა. ამას მოჰყვა რუბიოს მიერ აშშ-ის სახელით საქართველოს მოსახლეობისთვის ქვეყნის დამოუკიდებლობის დღის მილოცვა. როგორც რუბიომ აღნიშნა, ოცდაათ წელზე მეტი ხნის განმავლობაში, საქართველოსა და აშშ-ს შორის მეგობრობა და პარტნიორობა დემოკრატიის, სუვერენიტეტისა და უკეთესი მომავლისკენ სწრაფვის საერთო ღირებულებებს ეფუძნება. გუშინ, 27 მაისს აშშ-ის პრეზიდენტმა დონალდ ტრამპმა პრეზიდენტ მიხეილ ყაველაშვილსა და ქართველ ხალხს ქვეყნის დამოუკიდებლობის დღე მიულოცა. როგორც წერილშია ნათქვამი, აშშ-ის ადმინისტრაცია სამომავლოდ ელოდება ქვეყნებს შორის ეკონომიკური კავშირების გაღრმავებას. საქართველო და აშშ ამერიკის შეერთებულმა შტატებმა საქართველოსთან ურთიერთობების გადახედვის შესახებ 2024 წლის 30 მაისს „უცხოური გავლენის გამჭვირვალობის შესახებ“ კანონის მიღების ფონზე განაცხადა - აღნიშნული კანონი უცხოური დაფინანსების მქონე არასამთავრობო ორგანიზაციებს და მედიას ავალდებულებს დარეგისტრირდნენ სპეციალურ რეესტრში და წელიწადში ერთხელ შეავსონ დეკლარაცია. აშშ-მ და მთლიანად დასავლეთმა არაერთხელ მოუწოდეს საქართველოს ხელისუფლებას არ მიეღო კანონი „უცხოური გავლენის გამჭვირვალობის შესახებ“, რომელიც, მათი თვალსაზრისით, ევროპულ ღირებულებებს არ შეესაბამება. საქართველოს ხელისუფლება კვლავაც დაჟინებით ამტკიცებს, რომ გამჭვირვალობა ნიშნავს „ევროპელობას“ და არის ქართველი ხალხის ინტერესებში. საქართველოს მთავრობის პოლიტიკის პასუხად აშშ-მ სავიზო შეზღუდვები დაუწესეს საქართველოს ათეულობით მოქალაქეს და მათი ოჯახის წევრებს, რომლებიც პასუხისმგებელი არიან ქვეყანაში „დემოკრატიისთვის ძირის გამოთხრაზე“, ასევე გაურკვეველი დროით გადადეს სამხედრო სწავლება „ღირსეული პარტნიორი 2024“ (Noble Partner) და შეაჩერეს მთავრობისთვის განკუთვნილი დახმარება 95 მლნ დოლარის ოდენობით. ივლისის ბოლოს კი აშშ-ს სახელმწიფო მდივანმა ენტონი ბლინკენმა საქართველოსთან ურთიერთობის გადახედვის ფარგლებში საქართველოს მთავრობისთვის 95 მილიონი დოლარის დახმარების შეჩერების შესახებ განაცხადა. თავის მხრივ, ევროკავშირმა მიიღო გადაწყვეტილება საქართველოს თავდაცვის სამინისტროსთვის 30 მილიონი ევროს გაყინვისა და ასევე საქართველოს ევროკავშირში ინტეგრაციის პროცესის შეჩერების შესახებ. გარდა ამისა, 2024 წლის 9-11 ივლისს ვაშინგტონში გამართული ალიანსის სამიტის შედეგების მიხედვით მიღებულ დეკლარაციაში არ აღმოჩნდა ჩანაწერი, რომ საქართველო გახდება ნატოს წევრი, რაც იყო პირველი პრეცედენტი 2008 წელს ბუქარესტში მიღებული გადაწყვეტილების შემდეგ.
საქართველო
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, აშშ , ბიძინა ივანიშვილი , ქართული ოცნება , პოლიტიკა საქართველოში, ახალი ამბები
საქართველო, აშშ , ბიძინა ივანიშვილი , ქართული ოცნება , პოლიტიკა საქართველოში, ახალი ამბები
კალაძე: აშშ უნდა იყოს ჩვენი სტრატეგიული პარტნიორი და არა მბრძანებელი
მმართველი პარტიის გენმდივნის თქმით, მნიშვნელოვანია აშშ-სა და საქართელოს შორის ურთიერთობების აღდგენა, თუმცა, ეს უნდა იყოს მეგობრული და პარტნიორული.
თბილისი, 28 მაისი — Sputnik. ურთიერთობების გადატვირთვა პრინციპულად მნიშვნელოვანია, აშშ უნდა იყოს ჩვენი სტრატეგიული პარტნიორი, მეგობარი და არა მბრძანებელი, ასე გამოეხმაურა მმართველი პარტია „ქართული ოცნება - დემოკრატიული საქართველოს“ გენმდივანი, თბილისის მერი კახა კალაძე აშშ-ის საელჩოს მიერ გავრცელებულ განცხადებას.
დღეს, აშშ-ის საელჩომ გაავრცელა განცხადება, რომელშიც ნათქვამია, რომ „ქართული ოცნების“ დამფუძნებელმა და საპატიო თავმჯდომარე ბიძინა ივანიშვილმა უარი თქვა აშშ-ის ელჩ რობინ დანიგანთან შეხვედრაზე, სადაც მას დონალდ ტრამპის ადმინისტრაციისგან თბილისსა და ვაშინგტონს შორის ურთიერთობების გადატვირთვის შესახებ გზავნილი უნდა მოესმინა.
„დარწმუნებული ვარ, ბატონი ბიძინა თავად გააკეთებს განმარტებას ამასთან დაკავშირებით, თუმცა, მე გეტყვით ჩემს პირად დამოკიდებულებას: ჩვენ არაერთხელ გვითქვამს და კიდევ ერთხელ მინდა, დავადასტურო, რომ პრინციპულად მნიშვნელოვანია ურთიერთობის ახალი ფურცლიდან დაწყება. ჩვენ ამას მხოლოდ და მხოლოდ მივესალმებით. ის დამოკიდებულება, რაც იყო წლების განმავლობაში, კატეგორიულად მიუღებელია“, - განაცხადა კალაძემ.
მისი თქმით, მნიშვნელოვანია, აღდგეს ურთიერთობები აშშ-სა და საქართველოს შორის, თუმცა, ეს უნდა იყოს მეგობრული და პარტნიორული.
„სანქცირებულია ჩვენი ქვეყნის რამდენიმე თანამდებობის პირი, დასანქცირებულია ბატონი ბიძინა ივანიშვილი, თან რის გამო? იმისთვის, რომ დავიცავით ჩვენი ქვეყნის ინტერესები, არავის ვებრძვით, ვიცავთ საკუთარ ქვეყანას და ხალხს, ჩვენი ქვეყნის მომავალს. მნიშვნელოვანია, რომ ურთიერთობები დაიწყოს ახალი ფურცლიდან“, – განაცხადა კალაძემ.
როგორც აშშ-ს საელჩოს მიერ გავრცელებულ განცხადებაშია აღნიშნული, დანიგანმა ივანიშვილთან შეხვედრა 22 მაისს, აშშ-ის სახელმწიფო მდივნის, მარკო რუბიოს თხოვნით ითხოვა.
საელჩოს ინფორმაციით, დანიგანს ბიძინა ივანიშვილისთვის კიდევ ერთხელ უნდა გადაეცა ადმინისტრაციის გზავნილი „კონკრეტული ნაბიჯების შესახებ, რომელთა გადადგმაც საქართველოს მთავრობას შეუძლია იმის საჩვენებლად, რომ სერიოზულად არის განწყობილი აშშ-სთან ურთიერთობის გადატვირთვის მიმართ“.
საქართველოს ხელისუფლებამ არაერთხელ განაცხადა, რომ ტრამპის ადმინისტრაციის მოსვლის შემდეგ საჭიროა შეერთებულ შტატებთან ურთიერთობების გადატვირთვა. კერძოდ, საქართველოს პრემიერ-მინისტრმა განაცხადა, რომ საქართველო მზადაა ხელი მოაწეროს შეთანხმებას, რომელშიც იქნება ასახული შემხვედრი ნაბიჯები.
ამასთან, რუბიომ დონალდ ტრამპის ადმინისტრაციის ხელისუფლებაში მოსვლის შემდეგ პირველად გააკეთა კომენტარი საქართველოში არსებულ ვითარებაზე. მან თქვა, რომ ვაშინგტონი საქართველოს ხელისუფლების წინააღმდეგ შესაძლო ზომებს განიხილავს. კონგრესმენ ჯო უილსონის კითხვის პასუხად რუბიომ საქართველოს ამჟამინდელ მთავრობას „ანტიამერიკული“ უწოდა. განცხადება კონგრესში 21 მაისს გამართულ მოსმენაზე გაკეთდა.
ამას მოჰყვა რუბიოს მიერ აშშ-ის სახელით საქართველოს მოსახლეობისთვის ქვეყნის დამოუკიდებლობის დღის მილოცვა. როგორც რუბიომ აღნიშნა, ოცდაათ წელზე მეტი ხნის განმავლობაში, საქართველოსა და აშშ-ს შორის მეგობრობა და პარტნიორობა დემოკრატიის, სუვერენიტეტისა და უკეთესი მომავლისკენ სწრაფვის საერთო ღირებულებებს ეფუძნება.
გუშინ, 27 მაისს აშშ-ის პრეზიდენტმა დონალდ ტრამპმა პრეზიდენტ მიხეილ ყაველაშვილსა და ქართველ ხალხს ქვეყნის დამოუკიდებლობის დღე მიულოცა. როგორც წერილშია ნათქვამი, აშშ-ის ადმინისტრაცია სამომავლოდ ელოდება ქვეყნებს შორის ეკონომიკური კავშირების გაღრმავებას.
ამერიკის შეერთებულმა შტატებმა საქართველოსთან ურთიერთობების გადახედვის შესახებ 2024 წლის 30 მაისს „უცხოური გავლენის გამჭვირვალობის შესახებ“ კანონის მიღების ფონზე განაცხადა - აღნიშნული კანონი უცხოური დაფინანსების მქონე არასამთავრობო ორგანიზაციებს და მედიას ავალდებულებს დარეგისტრირდნენ სპეციალურ რეესტრში და წელიწადში ერთხელ შეავსონ დეკლარაცია.
აშშ-მ და მთლიანად დასავლეთმა არაერთხელ მოუწოდეს საქართველოს ხელისუფლებას არ მიეღო კანონი „უცხოური გავლენის გამჭვირვალობის შესახებ“, რომელიც, მათი თვალსაზრისით, ევროპულ ღირებულებებს არ შეესაბამება. საქართველოს ხელისუფლება კვლავაც დაჟინებით ამტკიცებს, რომ გამჭვირვალობა ნიშნავს „ევროპელობას“ და არის ქართველი ხალხის ინტერესებში.
საქართველოს მთავრობის პოლიტიკის პასუხად აშშ-მ სავიზო შეზღუდვები დაუწესეს საქართველოს ათეულობით მოქალაქეს და მათი ოჯახის წევრებს, რომლებიც პასუხისმგებელი არიან ქვეყანაში „დემოკრატიისთვის ძირის გამოთხრაზე“, ასევე გაურკვეველი დროით გადადეს სამხედრო სწავლება „ღირსეული პარტნიორი 2024“ (Noble Partner) და შეაჩერეს მთავრობისთვის განკუთვნილი დახმარება 95 მლნ დოლარის ოდენობით.
ივლისის ბოლოს კი აშშ-ს სახელმწიფო მდივანმა ენტონი ბლინკენმა საქართველოსთან ურთიერთობის გადახედვის ფარგლებში საქართველოს მთავრობისთვის 95 მილიონი დოლარის დახმარების შეჩერების შესახებ განაცხადა.
თავის მხრივ, ევროკავშირმა მიიღო გადაწყვეტილება საქართველოს თავდაცვის სამინისტროსთვის 30 მილიონი ევროს გაყინვისა და ასევე საქართველოს ევროკავშირში ინტეგრაციის პროცესის შეჩერების შესახებ.
გარდა ამისა, 2024 წლის 9-11 ივლისს ვაშინგტონში გამართული ალიანსის სამიტის შედეგების მიხედვით მიღებულ დეკლარაციაში არ აღმოჩნდა ჩანაწერი, რომ საქართველო გახდება ნატოს წევრი, რაც იყო პირველი პრეცედენტი 2008 წელს ბუქარესტში მიღებული გადაწყვეტილების შემდეგ.
