https://sputnik-georgia.com/20250523/tbilisi-open-air-2025-------293483463.html
Tbilisi Open Air 2025: ლისის ტბის მიმდებარედ ტრანსპორტის გადაადგილება შეიზღუდება
Tbilisi Open Air 2025: ლისის ტბის მიმდებარედ ტრანსპორტის გადაადგილება შეიზღუდება
Sputnik საქართველო
ფესტივალი დედაქალაქში 23-24 მაისს გაიმართება. 23.05.2025-ს, Sputnik საქართველო
2025-05-23T19:29+0400
2025-05-23T19:29+0400
2025-05-23T19:29+0400
ახალი ამბები
საქართველო
კულტურა საქართველოში
თბილისი დღეს
თბილისის მერია
https://cdnn1.img.sputnik-georgia.com/img/07e7/08/01/280710827_0:47:3078:1778_1920x0_80_0_0_87940f375d53abd9259c72ec680f234d.jpg
თბილისი, 23 მაისი — Sputnik. ლისის ტბის მიმდებარედ 23-24 მაისს ავტოტრანსპორტის მოძრაობა ნაწილობრივ შეიზღუდება, ნათქვამია თბილისის მერიის მიერ გავრცელებულ განცხადებაში. მოძრაობის შეზღუდვის მიზეზი ფესტივალ Tbilisi Open Air 2025-ის ფარგლებში 24-25 მაისს დაგეგმილი ღონისძიებებია. დედაქალაქის მერიის ცნობით, შეზღუდვა 24 მაისის 10:00 საათიდან მომდევნო დღის 01:00 საათამდე იმოქმედებს, დანარჩენ პერიოდში კი ტრანსპორტი დადგენილი სქემის მიხედვით იმოძრავებს. კერძო ავტომობილებისთვის მოძრაობა შეიზღუდება ლეო კვაჭაძისა და ბარბარე ყიფიანის ქუჩების კვეთიდან ლისის ტბის მიმართულებით, თავად კვაჭაძის ქუჩაზე კი მძღოლები გადაადგილებას შეძლებენ ცალმხრივად, მხოლოდ ლისის ე.წ. წრიული გზიდან იოსებ კეჭაყმაძის ქუჩის მიმართულებით. იოსებ კეჭაყმაძის ქუჩიდან ბესარიონ ჟღენტისა და პაატა დათუაშვილის ქუჩების მიმართულებით ტრანსპორტი იმოძრავებს თხინვალასა და ავთო ვარაზის ქუჩების გამოყენებით, ბესარიონ ჟღენტისა და პაატა დათუაშვილის ქუჩებიდან კი ავტომობილები გზას ჩვეული მარშრუტით გააგრძელებენ. რაც შეეხება საზოგადოებრივ ტრანსპოტს, N329 და N363 ავტობუსები სოფელ თხინვალას მიმართულებით ლეო კვაჭაძის ქუჩით იმოძრავებენ ცალმხრივად, უკუმიმართულებისას კი გაივლიან ავთო ვარაზის ქუჩას, რის შემდეგაც, N363 ავტობუსი დადგენილი სქემით გადაადგილდება, ხოლო N329 ავტობუსი პაატა დავითაშვილისა და ელგუჯა ამაშუკელის ქუჩების გავლით, დაუკავშირდება ბერიტაშვილის ქუჩას, შემდეგ კი გზას ჩვეული სქემით გააგრძელებს. Tbilisi Open Air 2025-ის სტუმრებს 24 და 25 მაისს Lisi Wonderland-ში უმასპინძლებენ ქართული თეატრი, ნაციონალური ბალეტი, ქართული მუსიკალური ლეიბლები, ბუნებრივი ღვინის ფესტივალი და თბილისის წიგნის ბაზრობა. Tbilisi Open Air თბილისში 2009 წლიდან იმართება და ის რეგიონში ღია ცის ქვეშ ერთ-ერთ ყველაზე მასშტაბურ ფესტივალია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, კულტურა საქართველოში, თბილისი დღეს, თბილისის მერია
ახალი ამბები, საქართველო, კულტურა საქართველოში, თბილისი დღეს, თბილისის მერია
Tbilisi Open Air 2025: ლისის ტბის მიმდებარედ ტრანსპორტის გადაადგილება შეიზღუდება
ფესტივალი დედაქალაქში 23-24 მაისს გაიმართება.
თბილისი, 23 მაისი — Sputnik. ლისის ტბის მიმდებარედ 23-24 მაისს ავტოტრანსპორტის მოძრაობა ნაწილობრივ შეიზღუდება, ნათქვამია თბილისის მერიის მიერ გავრცელებულ განცხადებაში.
მოძრაობის შეზღუდვის მიზეზი ფესტივალ Tbilisi Open Air 2025-ის ფარგლებში 24-25 მაისს დაგეგმილი ღონისძიებებია.
დედაქალაქის მერიის ცნობით, შეზღუდვა 24 მაისის 10:00 საათიდან მომდევნო დღის 01:00 საათამდე იმოქმედებს, დანარჩენ პერიოდში კი ტრანსპორტი დადგენილი სქემის მიხედვით იმოძრავებს.
კერძო ავტომობილებისთვის მოძრაობა შეიზღუდება ლეო კვაჭაძისა და ბარბარე ყიფიანის ქუჩების კვეთიდან ლისის ტბის მიმართულებით, თავად კვაჭაძის ქუჩაზე კი მძღოლები გადაადგილებას შეძლებენ ცალმხრივად, მხოლოდ ლისის ე.წ. წრიული გზიდან იოსებ კეჭაყმაძის ქუჩის მიმართულებით.
იოსებ კეჭაყმაძის ქუჩიდან ბესარიონ ჟღენტისა და პაატა დათუაშვილის ქუჩების მიმართულებით ტრანსპორტი იმოძრავებს თხინვალასა და ავთო ვარაზის ქუჩების გამოყენებით, ბესარიონ ჟღენტისა და პაატა დათუაშვილის ქუჩებიდან კი ავტომობილები გზას ჩვეული მარშრუტით გააგრძელებენ.
რაც შეეხება საზოგადოებრივ ტრანსპოტს, N329 და N363 ავტობუსები სოფელ თხინვალას მიმართულებით ლეო კვაჭაძის ქუჩით იმოძრავებენ ცალმხრივად, უკუმიმართულებისას კი გაივლიან ავთო ვარაზის ქუჩას, რის შემდეგაც, N363 ავტობუსი დადგენილი სქემით გადაადგილდება, ხოლო N329 ავტობუსი პაატა დავითაშვილისა და ელგუჯა ამაშუკელის ქუჩების გავლით, დაუკავშირდება ბერიტაშვილის ქუჩას, შემდეგ კი გზას ჩვეული სქემით გააგრძელებს.
Tbilisi Open Air 2025-ის სტუმრებს 24 და 25 მაისს Lisi Wonderland-ში უმასპინძლებენ ქართული თეატრი, ნაციონალური ბალეტი, ქართული მუსიკალური ლეიბლები, ბუნებრივი ღვინის ფესტივალი და თბილისის წიგნის ბაზრობა.
Tbilisi Open Air თბილისში 2009 წლიდან იმართება და ის რეგიონში ღია ცის ქვეშ ერთ-ერთ ყველაზე მასშტაბურ ფესტივალია.
