https://sputnik-georgia.com/20250517/ronaldinio-madloba-saqartvelo-293402974.html
რონალდინიო: „მადლობა, საქართველო!“
რონალდინიო: „მადლობა, საქართველო!“
Sputnik საქართველო
„ოქროს ბურთის“ მფლობელმა რონალდინიომ გუშინდელ მატჩში არაერთი დასამახსოვრებელი ეპიზოდი შექმნა. 17.05.2025-ს, Sputnik საქართველო
2025-05-17T17:27+0400
2025-05-17T17:27+0400
2025-05-17T17:27+0400
საქართველო
სპორტი
საზოგადოება
ახალი ამბები
https://cdnn1.img.sputnik-georgia.com/img/23322/13/233221324_0:0:2000:1125_1920x0_80_0_0_4e10b5b3e6f9f9ee996d335dfa0da9bc.jpg
თბილისი, 17 მაისი - Sputnik. პირველად ვსტუმრობ ამ ულამაზეს ქვეყანას და პირველად ვგრძნობ ამ ხალხის სითბოს, დაწერა ბრაზილიელმა ფეხბურთელმა რონალდინიომ სოციალურ ქსელში საქართველოს ნაკრებისა და „ბარსელონას“ ლეგენდების მატჩის დასრულების შემდეგ. საქართველოს ეროვნული ნაკრებისა (GEO 11) და საფეხბურთო კლუბ „ბარსელონას“ ლეგენდების ამხანაგური შეხვედრა „დინამო არენაზე“ გუშინ გაიმართა. საქართველოს ვეტერან ფეხბურთელთა ნაკრები ესპანური საფეხბურთო გრანდის ლეგენდების გუნდმა ანგარიშით 1:3 დაამარცხა. „ოქროს ბურთის“ მფლობელმა რონალდინიომ მოედანზე 80 წუთი გაატარა და არაერთი დასამახსოვრებელი ეპიზოდი შექმნა. ის მაყურებელმა აპლოდისმენტებით გააცილა. წინასწარი შეთანხმებით, მთავარმა არბიტრმა მატჩი 85-ე წუთზე დაასრულა. მსოფლიო ფეხბურთის გრანდი საქართველოს დედაქალაქში ზუსტად 10 წლის შემდეგ დაბრუნდება. 10 წლის წინ თბილისში, „დინამო არენაზე“ ევროპის სუპერთასის ფინალი გაიმართა, სადაც „ბარსელონამ“ „სევილია“ ანგარიშით 5:4 დაამარცხა. მატჩის ორგანიზატორი კომპანია Sports Orient, ხოლო გენერალური სპონსორი აზარტული თამაშების ერთ-ერთი წამყვანი შვედური კომპანია Betsson-ია. Sports Orient-მა პროექტ „ლეგენდების სერიის“ (Legend Series) ტრადიციას საფუძველი გასულ წელს ჩაუყარა. პირველი მატჩი 2024 წლის 7 მარტს ბათუმში „აჭარაბეთ არენაზე” მილანის „ინტერის” ლეგენდებმა ჩაატარეს. ისინი ლეგენდარული ქართველი ფეხბურთელებით დაკომპლექტებულ Geo11-ის ნაკრებს შეხვდნენ და პორტუგალიელი ლუიშ ფიგუს დუბლით, ანგარიშით 2:0 გაიმარჯვეს. Legend Series დამოუკიდებელი პროექტია, რომელიც Sports Orient-ისა და Europebet-ის პარტნიორობით შეიქმნა. პროექტი საქართველოში მომავალი წლების განმავლობაში ლეგენდარული ფეხბურთელებისა და გამორჩეული საფეხბურთო გრანდების ჩამოყვანას ითვალისწინებს. პროექტის მიზანია ფეხბურთის პოპულარიზაცია, საგულშემატკივრო კულტურის დამკვიდრება და საქართველოს, კულტურული, სპორტული და ტურისტული პოტენციალის მეტად გამოყენება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, საზოგადოება, ახალი ამბები
საქართველო, სპორტი, საზოგადოება, ახალი ამბები
რონალდინიო: „მადლობა, საქართველო!“
„ოქროს ბურთის“ მფლობელმა რონალდინიომ გუშინდელ მატჩში არაერთი დასამახსოვრებელი ეპიზოდი შექმნა.
თბილისი, 17 მაისი - Sputnik. პირველად ვსტუმრობ ამ ულამაზეს ქვეყანას და პირველად ვგრძნობ ამ ხალხის სითბოს, დაწერა ბრაზილიელმა ფეხბურთელმა რონალდინიომ სოციალურ ქსელში საქართველოს ნაკრებისა და „ბარსელონას“ ლეგენდების მატჩის დასრულების შემდეგ.
საქართველოს ეროვნული ნაკრებისა (GEO 11) და საფეხბურთო კლუბ „ბარსელონას“ ლეგენდების ამხანაგური შეხვედრა „დინამო არენაზე“ გუშინ გაიმართა. საქართველოს ვეტერან ფეხბურთელთა ნაკრები ესპანური საფეხბურთო გრანდის ლეგენდების გუნდმა ანგარიშით 1:3 დაამარცხა.
„მადლობა, საქართველო! პირველად ვსტუმრობ ამ ულამაზეს ქვეყანას და პირველად ვგრძნობ ამ ხალხის სითბოს. ყოველთვის სასიამოვნოა „ბარსას“ მაისურის ჩაცმა და ასეთ ულამაზეს ღონისძიებაში მონაწილეობის მიღება. შეხვედრამდე“, – დაწერა რონალდინიომ.
„ოქროს ბურთის“ მფლობელმა რონალდინიომ მოედანზე 80 წუთი გაატარა და არაერთი დასამახსოვრებელი ეპიზოდი შექმნა. ის მაყურებელმა აპლოდისმენტებით გააცილა.
წინასწარი შეთანხმებით, მთავარმა არბიტრმა მატჩი 85-ე წუთზე დაასრულა.
მსოფლიო ფეხბურთის გრანდი საქართველოს დედაქალაქში ზუსტად 10 წლის შემდეგ დაბრუნდება. 10 წლის წინ თბილისში, „დინამო არენაზე“ ევროპის სუპერთასის ფინალი გაიმართა, სადაც „ბარსელონამ“ „სევილია“ ანგარიშით 5:4 დაამარცხა.
მატჩის ორგანიზატორი კომპანია Sports Orient, ხოლო გენერალური სპონსორი აზარტული თამაშების ერთ-ერთი წამყვანი შვედური კომპანია Betsson-ია.
Sports Orient-მა პროექტ „ლეგენდების სერიის“ (Legend Series) ტრადიციას საფუძველი გასულ წელს ჩაუყარა. პირველი მატჩი 2024 წლის 7 მარტს ბათუმში „აჭარაბეთ არენაზე” მილანის „ინტერის” ლეგენდებმა ჩაატარეს. ისინი ლეგენდარული ქართველი ფეხბურთელებით დაკომპლექტებულ Geo11-ის ნაკრებს შეხვდნენ და პორტუგალიელი ლუიშ ფიგუს დუბლით, ანგარიშით 2:0 გაიმარჯვეს.
Legend Series დამოუკიდებელი პროექტია, რომელიც Sports Orient-ისა და Europebet-ის პარტნიორობით შეიქმნა. პროექტი საქართველოში მომავალი წლების განმავლობაში ლეგენდარული ფეხბურთელებისა და გამორჩეული საფეხბურთო გრანდების ჩამოყვანას ითვალისწინებს.
პროექტის მიზანია ფეხბურთის პოპულარიზაცია, საგულშემატკივრო კულტურის დამკვიდრება და საქართველოს, კულტურული, სპორტული და ტურისტული პოტენციალის მეტად გამოყენება.
