https://sputnik-georgia.com/20250516/qvesheti-kobis-gzis-mshenebloba-grzeldeba-293395364.html
ქვეშეთი-კობის მაგისტრალური გზის მშენებლობა აქტიურად გრძელდება
ქვეშეთი-კობის მაგისტრალური გზის მშენებლობა აქტიურად გრძელდება
Sputnik საქართველო
თბილისი, 16 მაისი - Sputnik. ქვეშეთი-კობის 23 კმ-იანი მაგისტრალური გზის მშენებლობა აქტიურად გრძელდება, ნათქვამია საავტომობილო გზების დეპარტამენტის მიერ... 16.05.2025-ს, Sputnik საქართველო
2025-05-16T21:00+0400
2025-05-16T21:00+0400
2025-05-16T21:00+0400
საქართველო
საავტომობილო გზების დეპარტამენტი
ინფრასტრუქტურის სამინისტრო
საზოგადოება
ახალი ამბები
https://cdnn1.img.sputnik-georgia.com/img/07e5/09/18/259873769_0:156:3079:1887_1920x0_80_0_0_72443a57c30fd4d762920d83a75abcfb.jpg
თბილისი, 16 მაისი - Sputnik. ქვეშეთი-კობის 23 კმ-იანი მაგისტრალური გზის მშენებლობა აქტიურად გრძელდება, ნათქვამია საავტომობილო გზების დეპარტამენტის მიერ გავრცელებულ განცხადებაში.ქვეშეთი–კობის მონაკვეთი თბილისი–სტეფანწმინდის გზის გუდაური–კობის მონაკვეთის შემოვლითი გზაა, სადაც ზამთარში ხშირად იქმნება ზვავსაშიშროება. ამის გამო გზა ხშირად იკეტება. გვირაბის მშენებლობა ე.წ. საქართველოს სამხედრო გზაზე, რომელიც საქართველოსა და რუსეთს აკავშირებს, დაეხმარება გადამზიდავებსაც, რომლებსაც „ზემო ლარსის" საკონტროლო-გამშვები პუნქტისკენ გზაზე ხანდახან რამდენიმე დღე უწევთ „საცობში" დგომა.დეპარტამენტის ცნობით, შენდება განათების სისტემით უზრუნველყოფილი 23 კმ-იანი ორზოლიანი ასფალტ-ბეტონის გზა, რომელიც მოიცავს 5 ხიდისა და 5 გვირაბის მშენებლობას და 6 ხიდის მშენებლობა-რეაბილიტაციას. პროექტი ითვალისწინებს გუდაურამდე მისასვლელი 5 კმ-იანი ახალი გზის მშენებლობასაც.ქვეშეთი-კობის მაგისტრალური გზისა და გვირაბების მშენებლობის მიმდინარე პროცესი ინფრასტრუქტურის მინისტრმა რევაზ სოხაძემ დაათვალიერა. როგორც მან აღნიშნა, ქვეშეთი-კობის მშენებარე გზა უნიკალური პროექტია თავისი კონსტრუქციული გადაწყვეტებით.მისი თქმით, ამ ეტაპზე უკვე დასრულებულია სოფელი წკერეს სოფელ კობთან დამაკავშირებელი 9 კმ სიგრძისა და 15 მ დიამეტრის მთავარი გვირაბის და მისი პარალელური 9 კმ სიგრძისა და 6 მ დიამეტრის საევაკუაციო გვირაბის გაჭრა. ასევე დასრულებულია 1500 მ-ის და 500 მ-ის სიგრძის ორი გვირაბის გაჭრისა და მოსახვის სამუშაოები. ამ ეტაპზე მთავარ გვირაბში – სავენტილაციო ფილების დამზადება, ხოლო საევაკუაციო გვირაბში რკინა-ბეტონით მოსახვის სამუშაოები მიმდინარეობს.ქვეშეთი-კობის 9 კმ-ანი გვირაბი საქართველოში ყველაზე გრძელი გვირაბია, რომელიც სპეციალურად ქვეშეთი-კობის პროექტისთვის შექმნილი გვირაბის საბურღი დანადგარით (TBM-ით) გაიჭრა. სამუშაოების TBM-ით წარმოება მნიშვნელოვნად ამცირებს ზემოქმედებას გარემოზე და უზრუნველყოფს მის მდგრადობას.ამ დროისთვის, სულ დასრულებულია ერთი ხიდისა და სამი გვირაბის მშენებლობა.უწყების ცნობით, საგზაო უსაფრთხოების ყველა საჭირო სტანდარტით უზრუნველყოფილი ახალი გზა შეამცირებს გადაადგილების დროს. თუ ამჟამად ქვეშეთიდან კობამდე მგზავრობას 1 სთ-ი სჭირდება, ზვავსაშიშროების გამო კი, ხშირად მოძრაობა იზღუდება კიდეც, პროექტის დასრულების შემდეგ, მონაკვეთის გავლას მხოლოდ 15 წთ დასჭირდება.ასევე, გაუმჯობესდება იმ ათამდე სოფლის მოსახლეობის სოციალური პირობები, რომელიც საგზაო კავშირის გარეშე, თვეების განმავლობაში ვერ სარგებლობდა სამედიცინო, საგანმანათლებლო თუ საყოფაცხოვრებო მომსახურებებით.პროექტი საქართველო მთავრობის, აზიის განვითარების ბანკის(ADB) და გვირაბის მშენებლობის ნაწილში - ევროპის რეკონსტრუქციისა და განვითარების ბანკის(EBRD) თანადაფინანსებით ხორციელდება. პროექტის საერთო ღირებულება 1.2 მლრდ ლარია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e5/09/18/259873769_105:0:2836:2048_1920x0_80_0_0_a1eff187d2d6c373375424db0066f646.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საავტომობილო გზების დეპარტამენტი, ინფრასტრუქტურის სამინისტრო, საზოგადოება, ახალი ამბები
საქართველო, საავტომობილო გზების დეპარტამენტი, ინფრასტრუქტურის სამინისტრო, საზოგადოება, ახალი ამბები
თბილისი, 16 მაისი - Sputnik. ქვეშეთი-კობის 23 კმ-იანი მაგისტრალური გზის მშენებლობა აქტიურად გრძელდება, ნათქვამია საავტომობილო გზების დეპარტამენტის მიერ გავრცელებულ განცხადებაში.
ქვეშეთი–კობის მონაკვეთი თბილისი–სტეფანწმინდის გზის გუდაური–კობის მონაკვეთის შემოვლითი გზაა, სადაც ზამთარში ხშირად იქმნება ზვავსაშიშროება. ამის გამო გზა ხშირად იკეტება. გვირაბის მშენებლობა ე.წ. საქართველოს სამხედრო გზაზე, რომელიც საქართველოსა და რუსეთს აკავშირებს, დაეხმარება გადამზიდავებსაც, რომლებსაც „ზემო ლარსის" საკონტროლო-გამშვები პუნქტისკენ გზაზე ხანდახან რამდენიმე დღე უწევთ „საცობში" დგომა.
დეპარტამენტის ცნობით, შენდება განათების სისტემით უზრუნველყოფილი 23 კმ-იანი ორზოლიანი ასფალტ-ბეტონის გზა, რომელიც მოიცავს 5 ხიდისა და 5 გვირაბის მშენებლობას და 6 ხიდის მშენებლობა-რეაბილიტაციას. პროექტი ითვალისწინებს გუდაურამდე მისასვლელი 5 კმ-იანი ახალი გზის მშენებლობასაც.
ქვეშეთი-კობის მაგისტრალური გზისა და გვირაბების მშენებლობის მიმდინარე პროცესი ინფრასტრუქტურის მინისტრმა რევაზ სოხაძემ დაათვალიერა. როგორც მან აღნიშნა, ქვეშეთი-კობის მშენებარე გზა უნიკალური პროექტია თავისი კონსტრუქციული გადაწყვეტებით.
„ქვეშეთი-კობის მშენებარე მონაკვეთზე ამჟამად შენდება 23 კმ-იანი მონაკვეთი, რომელიც მნიშვნელოვნად შეამცირებს დროსა და მანძილს ქვეშეთიდან კობამდე. ასევე, კეთდება გუდაურის დამაკავშირებელი გზა, რომელიც ზამთრის სეზონზე უზრუნველყოფს შეუფერხებელ გადაადგილებას. წლების განმავლობაში ძალიან ბევრი ადამიანი მუშაობდა ამ პროექტზე და მინდა, კიდევ ერთხელ ყველას დიდი მადლობა გადავუხადო“, – განაცხადა სოხაძემ.
მისი თქმით, ამ ეტაპზე უკვე დასრულებულია სოფელი წკერეს სოფელ კობთან დამაკავშირებელი 9 კმ სიგრძისა და 15 მ დიამეტრის მთავარი გვირაბის და მისი პარალელური 9 კმ სიგრძისა და 6 მ დიამეტრის საევაკუაციო გვირაბის გაჭრა. ასევე დასრულებულია 1500 მ-ის და 500 მ-ის სიგრძის ორი გვირაბის გაჭრისა და მოსახვის სამუშაოები. ამ ეტაპზე მთავარ გვირაბში – სავენტილაციო ფილების დამზადება, ხოლო საევაკუაციო გვირაბში რკინა-ბეტონით მოსახვის სამუშაოები მიმდინარეობს.
ქვეშეთი-კობის 9 კმ-ანი გვირაბი საქართველოში ყველაზე გრძელი გვირაბია, რომელიც სპეციალურად ქვეშეთი-კობის პროექტისთვის შექმნილი გვირაბის საბურღი დანადგარით (TBM-ით) გაიჭრა. სამუშაოების TBM-ით წარმოება მნიშვნელოვნად ამცირებს ზემოქმედებას გარემოზე და უზრუნველყოფს მის მდგრადობას.
ამ დროისთვის, სულ დასრულებულია ერთი ხიდისა და სამი გვირაბის მშენებლობა.
უწყების ცნობით, საგზაო უსაფრთხოების ყველა საჭირო სტანდარტით უზრუნველყოფილი ახალი გზა შეამცირებს გადაადგილების დროს. თუ ამჟამად ქვეშეთიდან კობამდე მგზავრობას 1 სთ-ი სჭირდება, ზვავსაშიშროების გამო კი, ხშირად მოძრაობა იზღუდება კიდეც, პროექტის დასრულების შემდეგ, მონაკვეთის გავლას მხოლოდ 15 წთ დასჭირდება.
ასევე, გაუმჯობესდება იმ ათამდე სოფლის მოსახლეობის სოციალური პირობები, რომელიც საგზაო კავშირის გარეშე, თვეების განმავლობაში ვერ სარგებლობდა სამედიცინო, საგანმანათლებლო თუ საყოფაცხოვრებო მომსახურებებით.
პროექტი საქართველო მთავრობის, აზიის განვითარების ბანკის(ADB) და გვირაბის მშენებლობის ნაწილში - ევროპის რეკონსტრუქციისა და განვითარების ბანკის(EBRD) თანადაფინანსებით ხორციელდება. პროექტის საერთო ღირებულება 1.2 მლრდ ლარია.