https://sputnik-georgia.com/20250516/deputati-ucxoetidan-dapinansebuli-organizaciebi-sizulvilis-enas-tesaven-293394123.html
დეპუტატი: უცხოეთიდან დაფინანსებული ორგანიზაციები საქართველოში სიძულვილის ენას თესავენ
დეპუტატი: უცხოეთიდან დაფინანსებული ორგანიზაციები საქართველოში სიძულვილის ენას თესავენ
Sputnik საქართველო
გორდულაძის თქმით, გარედან დაფინანსებული პირები ხელს უწყობენ პოლარიზაციის ზრდას, შემდეგ კი იგივე გარე სპონსორები მის დასრულებას მოითხოვენ. 16.05.2025-ს, Sputnik საქართველო
2025-05-16T19:00+0400
2025-05-16T19:00+0400
2025-05-16T19:00+0400
საქართველო
პოლიტიკა საქართველოში
საქართველოს არასამთავრობო ორგანიზაციები
ქართული ოცნება
ახალი ამბები
https://cdnn1.img.sputnik-georgia.com/img/07e8/0b/1e/291165506_0:67:1280:787_1920x0_80_0_0_3a8ae54df4107436549c1e88cdc90238.jpg
თბილისი, 16 მაისი — Sputnik. უცხოეთიდან დაფინანსებული პირები და ორგანიზაციები სიძულვილის ენას თესავენ და პოლარიზაციას ხელს უწყობენ, შემდეგ კი „ქართული ოცნებისგან" მ პოლარიზაციის შეწყვეტას ითხოვენ, განაცხადა მმართველი პარტიის წევრმა არჩილ გორდულაძემ.ასე გამოეხმაურა დეპუტატი ფილოსოფოს ლევან ღამბაშიძის ინტერვიუს, რომელშიც იგი საუბრობს, რომ ხელისუფლების სიძულვილი - სწორია. ფილოსოფოსის აზრით, თუ ხალხი სიძულვილს არ გამოხატავს, მაშინ ეს პოლიტიკური სისტემის პრობლემაა. მოგვიანებით, ტელეკომპანია „რუსთავი 2“-თან სატელეფონო საუბარში მან განმარტა თავისი განცხადება და აღნიშნა, რომ საზოგადოებაში რისხვისა და სიძულვილის შემცირებით, პირველ რიგში, ხელისუფლება უნდა იყოს დაინტერესებული.მისი თქმით, ირკვევა, რომ გარედან დაფინანსებული პირები ხელს უწყობენ პოლარიზაციის ზრდას, შემდეგ კი იგივე გარე პერსონები მის დასრულებას მოითხოვენ.„ეს არის ჩაკეტილი წრე, რომელშიც უნდათ, რომ ქართველი ხალხი ატარონ", - განაცხადა გორდულაძემ.ამასთან, როგორც დეპუტატმა აღნიშნა, ყველა ადამიანს აქვს უფლება, ჰქონდეს საკუთარი აზრი ნებისმიერ ადამიანზე ან მოვლენაზე. ასევე, გამოხატვის თავისუფლება არ არის აბსოლუტური უფლება - ის მთავრდება იქ, სადაც იწყება სხვისი უფლებები, დასძინა მან.რაც შეეხება მედიას, სიძულვილის ენის გავრცელება ასევე ისჯება კანონით და ეს მოთხოვნა „მაუწყებლობის შესახებ კანონში“ საერთაშორისო პარტნიორებისა და ორგანიზაციების ინიციატივით შევიდა, ხაზგასმით აღნიშნა დეპუტატმა.მანამდე, საქართველოს პრემიერ-მინისტრმა ირაკლი კობახიძემ განაცხადა, რომ 1990-იანი წლების დასაწყისში სპეცსამსახურები განზრახ მუშაობდნენ საზოგადოებაში სიძულვილის დათესვაზე. მისი თქმით, 90-იანი წლების დასაწყისის შემდეგ საქართველოში არავის დათესავს იმდენი სიძულვილი, რამდენიც დღეს ეს გააკეთეს ისეთი ფონდების დახმარებით, როგორიცაა აშშ-ის საერთაშორისო განვითარების სააგენტო (USAID), დემოკრატიის ეროვნული ფონდი (NED) და სხვა ორგანიზაციები. კობახიძის თქმით, ეს არის დანაშაული ქართველი ხალხის წინააღმდეგ და ის უნდა დასრულდეს.მმართველი პარტია „ქართული ოცნება“ დიდი ხანია ამტკიცებს, რომ შეერთებული შტატების საერთაშორისო განვითარების სააგენტოს (USAID), დემოკრატიის ეროვნული ფონდის (NED) და ევროპის დემოკრატიის ფონდის მიერ (EED) გამოყოფილი თანხების მნიშვნელოვანი ნაწილი პოლიტიკური პარტიების მართულ ფიქტიურ არასამთავრობო ორგანიზაციების ანგარიშებზე ილექება.თებერვლის დასაწყისში დონალდ ტრამპის ადმინისტრაციამ USAID-ის შემდეგ დაფინანსება შეუჩერა NED-ს, რომელიც მთელ მსოფლიოში "ფერადი რევოლუციების" ორგანიზატორად ითვლება. მანამდე აშშ-ის მთავრობის ეფექტურობის დეპარტამენტის ხელმძღვანელმა ილონ მასკმა განაცხადა, რომ USAID-ის მიერ დაფინანსებულ პროგრამებს, მათ შორის NED-ს, არ ჰქონდათ არსებობის უფლება და არ იმსახურებდნენ ამერიკელი გადასახადის გადამხდელთა თანხებს.საქართველოს ხელისუფლება და არასამთავრობო ორგანიზაციებიბოლო ორი წლის განმავლობაში საქართველოს ხელისუფლებასა და საზოგადოებრივ ორგანიზაციებს შორის ურთიერთობა გაუარესდა. ხელისუფლება არაერთ მსხვილ არასამთავრობო ორგანიზაციას ადანაშაულებს უცხო სახელმწიფოების ინტერესების გატარებაში და ქვეყანაში მიმდინარე პოლიტიკური პროცესების დაფინანსებაში.ამის თავიდან ასაცილებლად მიღებულ იქნა კანონი "უცხოური გავლენის გამჭვირვალობის შესახებ", რომელიც მოითხოვს სპეციალურ რეესტრში რეგისტრაციას და ფინანსური დეკლარაციის შევსებას იმ არასამთავრობო ორგანიზაციებისა და მედია საშუალებების მიერ, რომელთა წლიური შემოსავლის 20%-ზე მეტის წყაროა "უცხოური ძალაა". ამჟამად რეესტრში 385 ორგანიზაცია არის რეგისტრირებული.გარდა ამისა, ანტიკორუფციულ ბიუროს მიენიჭა უფლება, აღიაროს არასამთავრობო ორგანიზაციები წინასაარჩევნო მიზნების მქონე სუბიექტებად და გააიგივოს მათი ანგარიშგება პოლიტიკური პარტიების ანგარიშგებასთან.გადაწყვეტილებებს შორისაა სამთავრობო გადაწყვეტილებების მიღებაში სამოქალაქო ორგანიზაციების სავალდებულო მონაწილეობის შესახებ ჩანაწერების ამოღება და "უცხოური აგენტების შესახებ" კანონის ამერიკული ვერსიის FARA-ს დამტკიცება, რომელიც მოითხოვს ფიზიკური პირების რეგისტრაციას და ასევე სისხლისსამართლებრივ სასჯელებსა და საქმიანობის შეზღუდვას კანონის პირობების შეუსრულებლობისთვის.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საქართველოს არასამთავრობო ორგანიზაციები , ქართული ოცნება , ახალი ამბები
საქართველო, პოლიტიკა საქართველოში, საქართველოს არასამთავრობო ორგანიზაციები , ქართული ოცნება , ახალი ამბები
დეპუტატი: უცხოეთიდან დაფინანსებული ორგანიზაციები საქართველოში სიძულვილის ენას თესავენ
გორდულაძის თქმით, გარედან დაფინანსებული პირები ხელს უწყობენ პოლარიზაციის ზრდას, შემდეგ კი იგივე გარე სპონსორები მის დასრულებას მოითხოვენ.
თბილისი, 16 მაისი — Sputnik. უცხოეთიდან დაფინანსებული პირები და ორგანიზაციები სიძულვილის ენას თესავენ და პოლარიზაციას ხელს უწყობენ, შემდეგ კი „ქართული ოცნებისგან" მ პოლარიზაციის შეწყვეტას ითხოვენ, განაცხადა მმართველი პარტიის წევრმა არჩილ გორდულაძემ.
ასე გამოეხმაურა დეპუტატი ფილოსოფოს ლევან ღამბაშიძის ინტერვიუს, რომელშიც იგი საუბრობს, რომ ხელისუფლების სიძულვილი - სწორია. ფილოსოფოსის აზრით, თუ ხალხი სიძულვილს არ გამოხატავს, მაშინ ეს პოლიტიკური სისტემის პრობლემაა. მოგვიანებით, ტელეკომპანია „რუსთავი 2“-თან სატელეფონო საუბარში მან განმარტა თავისი განცხადება და აღნიშნა, რომ საზოგადოებაში რისხვისა და სიძულვილის შემცირებით, პირველ რიგში, ხელისუფლება უნდა იყოს დაინტერესებული.
„ჩვენ მრავალი წელია ვაკვირდებით, თუ როგორ თესავენ უცხოეთიდან დაფინანსებული პირები და ორგანიზაციები სიძულვილის ენას, რაც პოლარიზაციის გაძლიერებას იწვევს. შემდეგ კი უცხოელები მოგვიწოდებენ ჩვენ, „ქართული ოცნების“ გუნდის წარმომადგენლებს, რომ გავაკეთოთ ყველაფერი, რათა აღმოიფხვრას ეს პოლარიზაცია“, - განაცხადა გორდულაძემ.
მისი თქმით, ირკვევა, რომ გარედან დაფინანსებული პირები ხელს უწყობენ პოლარიზაციის ზრდას, შემდეგ კი იგივე გარე პერსონები მის დასრულებას მოითხოვენ.
„ეს არის ჩაკეტილი წრე, რომელშიც უნდათ, რომ ქართველი ხალხი ატარონ", - განაცხადა გორდულაძემ.
ამასთან, როგორც დეპუტატმა აღნიშნა, ყველა ადამიანს აქვს უფლება, ჰქონდეს საკუთარი აზრი ნებისმიერ ადამიანზე ან მოვლენაზე. ასევე, გამოხატვის თავისუფლება არ არის აბსოლუტური უფლება - ის მთავრდება იქ, სადაც იწყება სხვისი უფლებები, დასძინა მან.
„ეს, პირველ რიგში, უნდა იცოდნენ იმ ადამიანებმა, რომლებიც გამოდიან და ადამიანის უფლებებზე აკეთებენ ხოლმე განცხადებებს. მათ კარგად უნდა დაიმახსოვრონ, რომ სხვა ადამიანების შეურაცხყოფა, საჯარო სივრცეში ლანძღვა-გინება, შეურაცხმყოფელი გადაკიდება კანონით დასჯადი ქმედებებია", - განაცხადა გორდულაძემ.
რაც შეეხება მედიას, სიძულვილის ენის გავრცელება ასევე ისჯება კანონით და ეს მოთხოვნა „მაუწყებლობის შესახებ კანონში“ საერთაშორისო პარტნიორებისა და ორგანიზაციების ინიციატივით შევიდა, ხაზგასმით აღნიშნა დეპუტატმა.
მანამდე, საქართველოს პრემიერ-მინისტრმა ირაკლი კობახიძემ განაცხადა, რომ 1990-იანი წლების დასაწყისში სპეცსამსახურები განზრახ მუშაობდნენ საზოგადოებაში სიძულვილის დათესვაზე. მისი თქმით, 90-იანი წლების დასაწყისის შემდეგ საქართველოში არავის დათესავს იმდენი სიძულვილი, რამდენიც დღეს ეს გააკეთეს ისეთი ფონდების დახმარებით, როგორიცაა აშშ-ის საერთაშორისო განვითარების სააგენტო (USAID), დემოკრატიის ეროვნული ფონდი (NED) და სხვა ორგანიზაციები. კობახიძის თქმით, ეს არის დანაშაული ქართველი ხალხის წინააღმდეგ და ის უნდა დასრულდეს.
მმართველი პარტია „ქართული ოცნება“ დიდი ხანია ამტკიცებს, რომ შეერთებული შტატების საერთაშორისო განვითარების სააგენტოს (USAID), დემოკრატიის ეროვნული ფონდის (NED) და ევროპის დემოკრატიის ფონდის მიერ (EED) გამოყოფილი თანხების მნიშვნელოვანი ნაწილი პოლიტიკური პარტიების მართულ ფიქტიურ არასამთავრობო ორგანიზაციების ანგარიშებზე ილექება.
თებერვლის დასაწყისში დონალდ ტრამპის ადმინისტრაციამ USAID-ის შემდეგ დაფინანსება შეუჩერა NED-ს, რომელიც მთელ მსოფლიოში "ფერადი რევოლუციების" ორგანიზატორად ითვლება. მანამდე აშშ-ის მთავრობის ეფექტურობის დეპარტამენტის ხელმძღვანელმა ილონ მასკმა განაცხადა, რომ USAID-ის მიერ დაფინანსებულ პროგრამებს, მათ შორის NED-ს, არ ჰქონდათ არსებობის უფლება და არ იმსახურებდნენ ამერიკელი გადასახადის გადამხდელთა თანხებს.
საქართველოს ხელისუფლება და არასამთავრობო ორგანიზაციები
ბოლო ორი წლის განმავლობაში საქართველოს ხელისუფლებასა და საზოგადოებრივ ორგანიზაციებს შორის ურთიერთობა გაუარესდა. ხელისუფლება არაერთ მსხვილ არასამთავრობო ორგანიზაციას ადანაშაულებს უცხო სახელმწიფოების ინტერესების გატარებაში და ქვეყანაში მიმდინარე პოლიტიკური პროცესების დაფინანსებაში.
ამის თავიდან ასაცილებლად მიღებულ იქნა კანონი "უცხოური გავლენის გამჭვირვალობის შესახებ", რომელიც მოითხოვს სპეციალურ რეესტრში რეგისტრაციას და ფინანსური დეკლარაციის შევსებას იმ არასამთავრობო ორგანიზაციებისა და მედია საშუალებების მიერ, რომელთა წლიური შემოსავლის 20%-ზე მეტის წყაროა "უცხოური ძალაა". ამჟამად რეესტრში 385 ორგანიზაცია არის რეგისტრირებული.
გარდა ამისა, ანტიკორუფციულ ბიუროს მიენიჭა უფლება, აღიაროს არასამთავრობო ორგანიზაციები წინასაარჩევნო მიზნების მქონე სუბიექტებად და გააიგივოს მათი ანგარიშგება პოლიტიკური პარტიების ანგარიშგებასთან.
რიგგარეშე საპარლამენტო არჩევნების, დაკავებულების გათავისუფლებისა და საქართველოს ევროკავშირში ინტეგრაციის აქტიური პროცესის გაგრძელების მოთხოვნით მიმდინარე საპროტესტო აქციების ფონზე, საქართველოს ხელისუფლებამ არასამთავრობო სექტორთან დაკავშირებით დამატებითი გადაწყვეტილებების მიღება დააანონსა.
გადაწყვეტილებებს შორისაა სამთავრობო გადაწყვეტილებების მიღებაში სამოქალაქო ორგანიზაციების სავალდებულო მონაწილეობის შესახებ ჩანაწერების ამოღება და "უცხოური აგენტების შესახებ" კანონის ამერიკული ვერსიის FARA-ს დამტკიცება, რომელიც მოითხოვს ფიზიკური პირების რეგისტრაციას და ასევე სისხლისსამართლებრივ სასჯელებსა და საქმიანობის შეზღუდვას კანონის პირობების შეუსრულებლობისთვის.
