https://sputnik-georgia.com/20250506/kulturis-saministrom-uzvelesi-xelmaweri-sheizina-293195578.html
კულტურის სამინისტრომ XVIII საუკუნის ქართული ხელნაწერი შეიძინა
კულტურის სამინისტრომ XVIII საუკუნის ქართული ხელნაწერი შეიძინა
Sputnik საქართველო
ისტორიულ მნიშვნელობასთან ერთად, ხელნაწერს დიდი მხატვრული ღირებულება აქვს. 06.05.2025-ს, Sputnik საქართველო
2025-05-06T13:00+0400
2025-05-06T13:00+0400
2025-05-06T13:00+0400
საქართველო
საზოგადოება
კულტურა საქართველოში
ახალი ამბები
საქართველოს კულტურისა და სპორტის სამინისტრო
https://cdnn1.img.sputnik-georgia.com/img/07e9/05/06/293194615_0:30:1601:930_1920x0_80_0_0_ca79407047c70b4e6ac71620aded6f23.jpg
თბილისი, 6 მაისი — Sputnik. ხელოვნების სასახლე-კულტურის ისტორიის მუზეუმის კოლექციას XVIII საუკუნის უნიკალური ქართული ხელნაწერი „იამბიკონი და იკოსნი წმიდისა ღმრთისმშობლისანი“ შეემატა, ნათქვამია საქართველოს კულტურის სამინისტროს მიერ გავრცელებულ განცხადებაში.უძველესი ხელნაწერი საქართველოს კულტურის სამინისტრომ შეიძინა და ხელოვნების სასახლის ხელნაწერთა და საარქივო დოკუმენტების ფონდს გადასცა, სადაც ხელნაწერის პრეზენტაცია გაიმართა.ხელნაწერის პირველ გვერდზე აღნიშნულია, რომ იგი ქართველი ისტორიკოსის, მწერლის, მსაჯულის და დიპლომატის, გენერალ-მაიორ ნიკო დადიანის კუთვნილებაა.უწყების ცნობით, იამბიკო ძველ ქართულ ჰიმნოგრაფიაში X საუკუნიდანაა ცნობილი. ის იოანე მტბევარის, იოანე მინჩხის, მიქაელ მოდრეკილის, ეზრასა და სხვათა შემოქმედებაში გვხვდება. ქართული იამბიკოს შესანიშნავი ნიმუშია მეფე დემეტრეს (1125-1159) ცნობილი საგალობლის („შენ ხარ ვენახი“) ბოლო ხუთტაეპიანი სტროფი.იამბიკონის ბოლო გვერდი ისტორიული შინაარსის მინაწერებს ეკუთვნის, მათ შორის განსაკუთრებული ყურადღების ღირსია ქართული მართლმადიდებელი ეკლესიის მიერ წმინდანად შერაცხილი გაბრიელ ქიქოძის მოხსენიება.ხელნაწერის ისტორიულ მნიშვნელობასთან ერთად დიდია მისი მხატვრული ღირებულება, იამბიკონის თითქმის ყველა გვერდი სინგურით შესრულებული საზედაო ასოებითაა გაფორმებული, რაც წიგნს ქართული კალიგრაფიული ხელოვნების განსაკუთრებულ ძეგლად წარმოაჩენს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, კულტურა საქართველოში, ახალი ამბები, საქართველოს კულტურისა და სპორტის სამინისტრო
საქართველო, საზოგადოება, კულტურა საქართველოში, ახალი ამბები, საქართველოს კულტურისა და სპორტის სამინისტრო
კულტურის სამინისტრომ XVIII საუკუნის ქართული ხელნაწერი შეიძინა
ისტორიულ მნიშვნელობასთან ერთად, ხელნაწერს დიდი მხატვრული ღირებულება აქვს.
თბილისი, 6 მაისი — Sputnik. ხელოვნების სასახლე-კულტურის ისტორიის მუზეუმის კოლექციას XVIII საუკუნის უნიკალური ქართული ხელნაწერი „იამბიკონი და იკოსნი წმიდისა ღმრთისმშობლისანი“ შეემატა, ნათქვამია საქართველოს კულტურის სამინისტროს მიერ გავრცელებულ განცხადებაში.
უძველესი ხელნაწერი საქართველოს კულტურის სამინისტრომ შეიძინა და ხელოვნების სასახლის ხელნაწერთა და საარქივო დოკუმენტების ფონდს გადასცა, სადაც ხელნაწერის პრეზენტაცია გაიმართა.
„ეს ხელნაწერი ადასტურებს ქართული ხელოვნების და კულტურის უნიკალურობას და უდიდეს მნიშვნელობას. ყველაფერს გავაკეთებთ შემდგომშიც, რომ ჩვენი უნიკალური კულტურა იყოს შესაბამისად დაცული და მოვლილი“, - განაცხადა კულტურის მინისტრმა თინათინ რუხაძემ პრეზენტაციაზე.
ხელნაწერის პირველ გვერდზე აღნიშნულია, რომ იგი ქართველი ისტორიკოსის, მწერლის, მსაჯულის და დიპლომატის, გენერალ-მაიორ ნიკო დადიანის კუთვნილებაა.
უწყების ცნობით, იამბიკო ძველ ქართულ ჰიმნოგრაფიაში X საუკუნიდანაა ცნობილი. ის იოანე მტბევარის, იოანე მინჩხის, მიქაელ მოდრეკილის, ეზრასა და სხვათა შემოქმედებაში გვხვდება. ქართული იამბიკოს შესანიშნავი ნიმუშია მეფე დემეტრეს (1125-1159) ცნობილი საგალობლის („შენ ხარ ვენახი“) ბოლო ხუთტაეპიანი სტროფი.
იამბიკონის ბოლო გვერდი ისტორიული შინაარსის მინაწერებს ეკუთვნის, მათ შორის განსაკუთრებული ყურადღების ღირსია ქართული მართლმადიდებელი ეკლესიის მიერ წმინდანად შერაცხილი გაბრიელ ქიქოძის მოხსენიება.
ხელნაწერის ისტორიულ მნიშვნელობასთან ერთად დიდია მისი მხატვრული ღირებულება, იამბიკონის თითქმის ყველა გვერდი სინგურით შესრულებული საზედაო ასოებითაა გაფორმებული, რაც წიგნს ქართული კალიგრაფიული ხელოვნების განსაკუთრებულ ძეგლად წარმოაჩენს.
