ბანკების მიერ გაცემული კრედიტების მოცულობა მარტში გაიზარდა

© photo: Sputnik / Stringerდოლარები და ლარები
დოლარები და ლარები - Sputnik საქართველო, 1920, 03.05.2025
გამოწერა
მარტის ბოლოს საქართველოში ფუნქციონირებდა 17 კომერციული ბანკი, მათ შორის 13 – საწესდებო კაპიტალში უცხოური კაპიტალის მონაწილეობით.
თბილისი, 3 მაისი - Sputnik. საქართველოს კომერციული ბანკების მიერ გაცემული კრედიტები 2025 წლის მარტში წინა თვესთან შედარებით, 832,22 მლნ ლარით, ანუ 1,33%-ით გაიზარდა და 1 აპრილისთვის 63,41 მილიარდი ლარი შეადგინა, ნათქვამია საქართველოს ეროვნული ბანკის მასალებში.
აღნიშნულ პერიოდში კრედიტების მოცულობა ეროვნულ ვალუტაში 492,16 მილიონი ლარით, ანუ 1,38%-ით გაიზარდა, ხოლო უცხოურ ვალუტაში გაცემული სესხების მოცულობა - 340,07 მილიონი ლარით, ანუ 1,26%-ით.
ეროვნული ბანკის მონაცემებით, 2025 წლის მარტის ბოლოს რეზიდენტ იურიდიულ პირებზე გაცემულმა კრედიტების რაოდენობამ ეროვნულ ვალუტაში 10,72 მლრდ ლარი შეადგინა, რაც წინა თვესთან შედარებით 1,02%-ით მეტია. ხოლო უცხოურ ვალუტაში გაცემულმა კრედიტებმა 18,22 მლრდ ლარი შეადგინა, რაც თებერვლის მაჩვენებელზე 2,78%-ით მეტია.
2025 წლის მარტში რეზიდენტი საოჯახო მეურნეობების სექტორის დაკრედიტების მოცულობა გაიზარდა 1,26%-ით, ანუ 402,88 მლნ ლარით და, მიმდინარე წლის 1 აპრილის მდგომარეობით, 32,46 მლრდ ლარი შეადგინა.
მიმდინარე წლის 1 აპრილის მდგომარეობით, სესხების მთლიანი მოცულობის ლარიზაციის კოეფიციენტმა 56,89% შეადგინა, რაც 0,03 პროცენტული პუნქტით მეტია 2025 წლის 1 მარტის მაჩვენებელზე.
მარტის ბოლოს საქართველოში ფუნქციონირებდა 17 კომერციული ბანკი, მათ შორის 13 – საწესდებო კაპიტალში უცხოური კაპიტალის მონაწილეობით.
ყველა ახალი ამბავი
0