72 წლის მეზობელი ქალის მკვლელობაში ბრალდებულს 14 წლით პატიმრობა მიესაჯა

© AFP 2024 / Mike LEYRAL ციხის საკანი
ციხის საკანი - Sputnik საქართველო, 1920, 02.05.2025
გამოწერა
უწყების ცნობით, ნაფიცმა მსაჯულებმა სრულად გაიზიარეს პროკურატურის მიერ სასამართლო პროცესზე წარდგენილი მტკიცებულებები.
თბილისი, 2 მაისი — Sputnik. ქუთაისის ნაფიც მსაჯულთა სასამართლომ განზრახ მკვლელობაში ბრალდებული ერთხმად ცნო დამნაშავედ. ამის შესახებ ინფორმაციას საქართველოს პროკურატურა ავრცელებს.
შემთხვევა სამტრედიის მუნიციპალიტეტში 2024 წლის აგვისტოში მოხდა. გამოძიების ინფორმაციით, ასაკოვან ქალს მეზობელმა დანით მრავლობითი დაზიანებები მიაყენა, რის შედეგადაც დაზარალებული გარდაიცვალა.
ნაფიც მსაჯულთა მიერ ერთხმად გამოტანილი ვერდიქტის საფუძველზე, სასამართლომ ბრალდებულს სასჯელის სახედ და ზომად 14 წლით თავისუფლების აღკვეთა განუსაზღვრა.
ყველა ახალი ამბავი
0