https://sputnik-georgia.com/20250427/turnavam-ramp-programis-xelmzgvaneltan-shexvedra-gamarta-293063860.html
რეზერვების მართვა: თურნავამ RAMP-ის პროგრამის ხელმძღვანელთან შეხვედრა გამართა
რეზერვების მართვა: თურნავამ RAMP-ის პროგრამის ხელმძღვანელთან შეხვედრა გამართა
Sputnik საქართველო
მსოფლიო ბანკის ხაზინის RAMP-ის პროგრამასთან პარტნიორობით სებ-ის სავალუტო რეზერვების მართვის პროცესი მსოფლიო სტანდარტების შესაბამისად გარდაიქმნა, განაცხადა... 27.04.2025-ს, Sputnik საქართველო
2025-04-27T14:57+0400
2025-04-27T14:57+0400
2025-04-27T14:57+0400
საქართველო
საქართველოს ეროვნული ბანკი
საქართველოს ეკონომიკა
ახალი ამბები
https://cdnn1.img.sputnik-georgia.com/img/07e9/03/1d/292708747_0:0:1801:1014_1920x0_80_0_0_6424125c076756132e133920899973fc.jpg
თბილისი, 27 აპრილი — Sputnik. საქართველოს ეროვნული ბანკის პრეზიდენტმა ნათია თურნავმ და მსოფლიო ბანკის ხაზინის RAMP-ის პროგრამის ხელმძღვანელმა რობერტ ლუკასმა შეხვედრაზე ცენტრალური ბანკების რეზერვების დაგროვებისა და ადეკვატური მოცულობით შენარჩუნების მნიშვნელობის საკითხები განიხილეს.აშშ-ში გამართულ შეხვედრაზე მხარეებმა ხაზგასმით აღნიშნეს საერთაშორისო სავალუტო რეზერვების მნიშვნელობა სტრესული სიტუაციებით გამოწვეული კრიზისებისგან ქვეყნის და მისი ფინანსური სისტემის დასაცავად.შეხვედრაზე თურნავამ მსოფლიო ბანკის რეზერვების მართვის საკონსულტაციო პროგრამასთან თანამშრომლობით მიღწეულ შედეგებზეც გაამახვილა ყურადღება. მისი თქმით, RAMP-ის მხარდაჭერით ეროვნულმა ბანკმა რეზერვების მართვის შესაძლებლობები საგრძნობლად გააუმჯობესა, „იყიდე და ფლობდე“ მიდგომიდან ის უფრო დახვეწილ, აქტიურ საინვესტიციო სტრატეგიებზე გადავიდა. თავის მხრივ, RAMP-ის პროგრამის ხელმძღვანელმა რობერტ ლუკასმა შემდგომი თანამშრომლობის, გამოცდილების გაზიარების, რეფორმების მხარდაჭერისა და ტექნიკური დახმარების მზადყოფნა გამოთქვა. როგორც უწყებაში აღნიშნავენ, საქართველოს ეროვნული ბანკი 2009 წლიდან არის RAMP-ის წევრი, ხელშეკრულება კი 2024 წლის ოქტომბერში კიდევ სამი წლით განახლდა. ეროვნული ბანკი აგრძელებს RAMP-ის კოლეგებთან გამოცდილების გაზიარებას რაც როგორც ვიზიტებით, ისე დელეგაციების მასპინძლობით გამოიხატება. რეზერვების მართვის საკონსულტაციო პროგრამის (RAMP) ფარგლებში, მსოფლიო ბანკი 2001 წლიდან დახმარებას უწევს სხვადასხვა ქვეყნის ცენტრალურ ბანკებს და სახელმწიფო და სუვერენულ ფონდებს. პროგრამის მიზანია ქვეყნების მიერ სავალუტო რეზერვების უფრო ეფექტიანად მართვის ხელშეწყობა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e9/03/1d/292708747_86:0:1686:1200_1920x0_80_0_0_3487d9ed6eba998d968fc956fa97bc27.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული ბანკი , საქართველოს ეკონომიკა, ახალი ამბები
საქართველო, საქართველოს ეროვნული ბანკი , საქართველოს ეკონომიკა, ახალი ამბები
რეზერვების მართვა: თურნავამ RAMP-ის პროგრამის ხელმძღვანელთან შეხვედრა გამართა
მსოფლიო ბანკის ხაზინის RAMP-ის პროგრამასთან პარტნიორობით სებ-ის სავალუტო რეზერვების მართვის პროცესი მსოფლიო სტანდარტების შესაბამისად გარდაიქმნა, განაცხადა ნათია თურნავამ.
თბილისი, 27 აპრილი — Sputnik. საქართველოს ეროვნული ბანკის პრეზიდენტმა ნათია თურნავმ და მსოფლიო ბანკის ხაზინის RAMP-ის პროგრამის ხელმძღვანელმა რობერტ ლუკასმა შეხვედრაზე ცენტრალური ბანკების რეზერვების დაგროვებისა და ადეკვატური მოცულობით შენარჩუნების მნიშვნელობის საკითხები განიხილეს.
აშშ-ში გამართულ შეხვედრაზე მხარეებმა ხაზგასმით აღნიშნეს საერთაშორისო სავალუტო რეზერვების მნიშვნელობა სტრესული სიტუაციებით გამოწვეული კრიზისებისგან ქვეყნის და მისი ფინანსური სისტემის დასაცავად.
„მსოფლიო ბანკის ხაზინის RAMP-ის პროგრამასთან პარტნიორობით, სებ-ის სავალუტო რეზერვების მართვის პროცესი მსოფლიო სტანდარტების შესაბამისად გარდაიქმნა, დაინერგა რეზერვების მართვის სფეროში მსოფლიოს წამყვანი მიდგომები და მეთოდები რითაც საქართველოს ეროვნულმა ბანკმა სათანადო ადგილის დამკვიდრება შეძლო რეზერვების მართვის სფეროში წამყვან მსოფლიო ცენტრალურ ბანკებს შორის“, - განაცხადა თურნავამ.
შეხვედრაზე თურნავამ მსოფლიო ბანკის რეზერვების მართვის საკონსულტაციო პროგრამასთან თანამშრომლობით მიღწეულ შედეგებზეც გაამახვილა ყურადღება. მისი თქმით, RAMP-ის მხარდაჭერით ეროვნულმა ბანკმა რეზერვების მართვის შესაძლებლობები საგრძნობლად გააუმჯობესა, „იყიდე და ფლობდე“ მიდგომიდან ის უფრო დახვეწილ, აქტიურ საინვესტიციო სტრატეგიებზე გადავიდა.
თავის მხრივ, RAMP-ის პროგრამის ხელმძღვანელმა რობერტ ლუკასმა შემდგომი თანამშრომლობის, გამოცდილების გაზიარების, რეფორმების მხარდაჭერისა და ტექნიკური დახმარების მზადყოფნა გამოთქვა.
როგორც უწყებაში აღნიშნავენ, საქართველოს ეროვნული ბანკი 2009 წლიდან არის RAMP-ის წევრი, ხელშეკრულება კი 2024 წლის ოქტომბერში კიდევ სამი წლით განახლდა. ეროვნული ბანკი აგრძელებს RAMP-ის კოლეგებთან გამოცდილების გაზიარებას რაც როგორც ვიზიტებით, ისე დელეგაციების მასპინძლობით გამოიხატება.
რეზერვების მართვის საკონსულტაციო პროგრამის (RAMP) ფარგლებში, მსოფლიო ბანკი 2001 წლიდან დახმარებას უწევს სხვადასხვა ქვეყნის ცენტრალურ ბანკებს და სახელმწიფო და სუვერენულ ფონდებს. პროგრამის მიზანია ქვეყნების მიერ სავალუტო რეზერვების უფრო ეფექტიანად მართვის ხელშეწყობა.