https://sputnik-georgia.com/20250405/ses-kompania-milas-produqciasi-darrveva-ar-gamovlinda-292798376.html
სეს: კომპანია "მილას" პროდუქციაში დარღვევა არ გამოვლინდა
სეს: კომპანია "მილას" პროდუქციაში დარღვევა არ გამოვლინდა
Sputnik საქართველო
სააგენტოს მტკიცებით, უწყება რძის გადამამუშავებელ კომპანიებს წელიწადში სულ მცირე 4-ჯერ ამოწმებს. 05.04.2025-ს, Sputnik საქართველო
2025-04-05T14:09+0400
2025-04-05T14:09+0400
2025-04-05T14:09+0400
ახალი ამბები
საქართველო
სურსათის ეროვნული სააგენტო
https://cdnn1.img.sputnik-georgia.com/img/23942/54/239425483_0:189:2971:1860_1920x0_80_0_0_29d4597aa00e23cbbd5b8c8f2cd52acb.jpg
თბილისი, 5 აპრილი - Sputnik. კომპანია "მილას" შემოწმებისას, რომელიც სასკოლო დაწესებულებებისა და ბაგა-ბაღების მიმწოდებელია, დარღვევა არ გამოვლინდა, განაცხადა სურსათის ეროვნული სააგენტოს უფროსმა ზურაბ ჩეკურაშვილმა. 3 აპრილს სურსათის ეროვნულმა სააგენტომ ინფორმაცია გაავრცელა, რომ "სოფლის ნობათის" რძის 5 ნიმუშში სიცოცხლისთვის სახიფათო მიკოტოქსინი - აფლატოქსინი M1-ის გადაჭარბებული ოდენობა დაფიქსირდა. აღნიშნული რძე აზერბაიჯანში იმავე კომპანიაში იწარმოება, სადაც "მილას" რძის პროდუქტები. ჩეკურაშვილის განმარტებით, სურსათის ეროვნული სააგენტო რძის გადამამუშავებელ კომპანიებს წელიწადში სულ მცირე 4-ჯერ ამოწმებს. მისი თქმით, გასულ წელს კომპანია "სოფლის ნობათში" 15 სახელმწიფო კონტროლი ჩატარდა. სეს-ის ინფორმაციით, მიმდინარე წელს, სააგენტოს თანამშრომლები სახელმწიფო პროგრამის ფარგლებში შევიდნენ "სოფლის ნობათის" შესამოწმებლად. მათივე ინფორმაციით, შემოწმების შედეგად მცირე პარტიაში აღმოჩნდა კანონით დასაშვები ზღვრული ოდენობის გადამეტება (0.1-იდან 0,32 მკგ/ლ-მდე). "ბაზრიდან მყისიერად დაიწყო აღნიშნული პროდუქციის გამოთხოვა. სააგენტოს თბილისის საქალაქო სამსახურსა და რეგიონულ სამსახურებს დავავალეთ სავაჭრო ქსელების კიდევ ერთხელ შემოწმება მთელი საქართველოს მასშტაბით, რათა დავრწმუნდეთ, რომ ამ პარტიის სურსათი დახლებიდან მოხსნილია და გაყიდვაში არ არის", - განაცხადა ჩეკურაშვილმა. მისი თქმით, საქართველოს არცერთ დასახლებულ პუნქტში აღნიშნული პროდუქცია აღარ იყიდება. გუშინ "სოფლის ნობათმაც" გაავრცელა განცხადება, რომ წყვეტს თანამშრომლობას რძის მომწოდებელ აზერბაიჯანელ პარტნიორთან მანამ, სანამ ყველა ტექნიკური დეტალი არ დაზუსტდება. სურსათის ეროვნული სააგენტოს ცნობით, ლაბორატორიული კვლევის შედეგად აფლატოქსინ M1-ის გადაჭარბებული ოდენობა დაფიქსირდა ხუთ ნიმუშში: აფლატოქსინი წარმოიქმნება ობის სოკოებისაგან. აფლატოქსინ B1-ით დაბინძურებული საკვები ხვდება ცხოველის ორგანიზმში, საიდანაც გადადის რძეში და გარდაიქმნება M1 აფლატოქსინად, რაც საფრთხეს უქმნის ადამიანის ჯანმრთელობას.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, სურსათის ეროვნული სააგენტო
ახალი ამბები, საქართველო, სურსათის ეროვნული სააგენტო
სეს: კომპანია "მილას" პროდუქციაში დარღვევა არ გამოვლინდა
სააგენტოს მტკიცებით, უწყება რძის გადამამუშავებელ კომპანიებს წელიწადში სულ მცირე 4-ჯერ ამოწმებს.
თბილისი, 5 აპრილი - Sputnik. კომპანია "მილას" შემოწმებისას, რომელიც სასკოლო დაწესებულებებისა და ბაგა-ბაღების მიმწოდებელია, დარღვევა არ გამოვლინდა, განაცხადა სურსათის ეროვნული სააგენტოს უფროსმა ზურაბ ჩეკურაშვილმა.
3 აპრილს სურსათის ეროვნულმა სააგენტომ ინფორმაცია გაავრცელა, რომ "სოფლის ნობათის" რძის 5 ნიმუშში სიცოცხლისთვის სახიფათო მიკოტოქსინი - აფლატოქსინი M1-ის გადაჭარბებული ოდენობა დაფიქსირდა. აღნიშნული რძე აზერბაიჯანში იმავე კომპანიაში იწარმოება, სადაც "მილას" რძის პროდუქტები.
ჩეკურაშვილის განმარტებით, სურსათის ეროვნული სააგენტო რძის გადამამუშავებელ კომპანიებს წელიწადში სულ მცირე 4-ჯერ ამოწმებს. მისი თქმით, გასულ წელს კომპანია "სოფლის ნობათში" 15 სახელმწიფო კონტროლი ჩატარდა.
"გასულ წელს სააგენტომ რძის მწარმოებელი ბიზნესსექტორი დაახლოებით, 1500-ჯერ შეამოწმა და 1031 ნიმუში აიღო. რაც შეეხება "სოფლის ნობათს", გასულ წელს კომპანიაში 15 სახელმწიფო კონტროლი ჩატარდა, რაც მოიცავს როგორც ინსპექტირებას, დოკუმენტურ შემოწმებასა და ნიმუშების აღებას, ასევე ჰასპის (HACCP) აუდიტს", - განაცხადა ზურაბ ჩეკურაშვილმა.
სეს-ის ინფორმაციით, მიმდინარე წელს, სააგენტოს თანამშრომლები სახელმწიფო პროგრამის ფარგლებში შევიდნენ "სოფლის ნობათის" შესამოწმებლად. მათივე ინფორმაციით, შემოწმების შედეგად მცირე პარტიაში აღმოჩნდა კანონით დასაშვები ზღვრული ოდენობის გადამეტება (0.1-იდან 0,32 მკგ/ლ-მდე).
"ბაზრიდან მყისიერად დაიწყო აღნიშნული პროდუქციის გამოთხოვა. სააგენტოს თბილისის საქალაქო სამსახურსა და რეგიონულ სამსახურებს დავავალეთ სავაჭრო ქსელების კიდევ ერთხელ შემოწმება მთელი საქართველოს მასშტაბით, რათა დავრწმუნდეთ, რომ ამ პარტიის სურსათი დახლებიდან მოხსნილია და გაყიდვაში არ არის", - განაცხადა ჩეკურაშვილმა.
მისი თქმით, საქართველოს არცერთ დასახლებულ პუნქტში აღნიშნული პროდუქცია აღარ იყიდება.
გუშინ "სოფლის ნობათმაც" გაავრცელა განცხადება, რომ წყვეტს თანამშრომლობას რძის მომწოდებელ აზერბაიჯანელ პარტნიორთან მანამ, სანამ ყველა ტექნიკური დეტალი არ დაზუსტდება.
სურსათის ეროვნული სააგენტოს ცნობით, ლაბორატორიული კვლევის შედეგად აფლატოქსინ M1-ის გადაჭარბებული ოდენობა დაფიქსირდა ხუთ ნიმუშში:
სასმელი რძე "საბავშვო", ულტრაპასტერიზებული - 2,5% ცხიმიანობით
სასმელი რძე "რჩეული" ულტრაპასტერიზებული - 1,5% ცხიმიანობით
სასმელი რძე "რჩეული" ულტრაპასტერიზებული - 1,5% ცხიმიანობით
სასმელი რძე "რჩეული" ულტრაპასტერიზებული - 2,5% ცხიმიანობით
სასმელი რძე "რჩეული" ულტრაპასტერიზებული - 3,2% ცხიმიანობით
აფლატოქსინი წარმოიქმნება ობის სოკოებისაგან. აფლატოქსინ B1-ით დაბინძურებული საკვები ხვდება ცხოველის ორგანიზმში, საიდანაც გადადის რძეში და გარდაიქმნება M1 აფლატოქსინად, რაც საფრთხეს უქმნის ადამიანის ჯანმრთელობას.
