ნარკორეალიზაციის ბრალდებით ირანისა და თურქეთის მოქალაქეები დააკავეს

CC BY 2.0 / Flickr / tanjila ahmed / Marijuanaმარიხუანა
მარიხუანა - Sputnik საქართველო, 1920, 03.04.2025
გამოწერა
დანაშაულები 20 წლამდე ან უვადო თავისუფლების აღკვეთას ითვალისწინებს.
თბილისი, 3 აპრილი — Sputnik. სამართალდამცველებმა ნარკორეალიზაციის ბრალდებით უცხო ქვეყნის 3 მოქალაქე დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
უწყების ცნობით, დაკავებულია ირანის რესპუბლიკის 2 და თურქეთის რესპუბლიკის ერთი მოქალაქე. მათ საგამოძიებო უწყება განსაკუთრებით დიდი ოდენობით ნარკოტიკული საშუალებების და ნარკოტიკული საშუალება "მარიხუანას" უკანონო შეძენა-შენახვასა და გასაღებას ედავება.
პოლიციამ ნარკოტიკების უკანონოდ გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.
სამართალდამცველებმა, დაკავებულების პირადი და საცხოვრებელი სახლების ჩხრეკის შედეგად, ნარკოტიკული საშუალებები "მდმა" და "მარიხუანა" ამოიღეს. ასევე ნივთმტკიცებად არის ამოღებული სავარაუდოდ, ნარკოტიკების რეალიზაციის შედეგად მიღებული ფული.
გამოძიება საქართველოს სსკ-ის 260-ე და 273-ე პრიმა მუხლებით მიმდინარეობს.
ყველა ახალი ამბავი
0