https://sputnik-georgia.com/20250402/xazaradzes-50000-girao-sheeparda-292766321.html
მამუკა ხაზარაძეს აღკვეთის ღონისძიების სახით 50 000-ლარიანი გირაო შეეფარდა
მამუკა ხაზარაძეს აღკვეთის ღონისძიების სახით 50 000-ლარიანი გირაო შეეფარდა
Sputnik საქართველო
ოპოზიციონერ პოლიტიკოსს სამართალდამცველები საქართველოს პარლამენტის დროებითი საგამოძიებო კომისიაზე არგამოცხადებას ედავებიან. 02.04.2025-ს, Sputnik საქართველო
2025-04-02T15:05+0400
2025-04-02T15:05+0400
2025-04-02T15:05+0400
საქართველო
ქართული ოპოზიცია
პოლიტიკა საქართველოში
ახალი ამბები
თბილისის საქალაქო სასამართლო
https://cdnn1.img.sputnik-georgia.com/img/07e5/02/17/250980669_0:26:1079:633_1920x0_80_0_0_d58fd1c9fb36cf7eb91c71fa80bab8ea.jpg
თბილისი, 2 აპრილი — Sputnik. თბილისის საქალაქო სასამართლომ ოპოზიციური კოალიცია „ძლიერი საქართველოს“ ლიდერს, TBC Bank-ის დამფუძნებელ მამუკა ხაზარაძეს პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე აღკვეთის ღონისძიების სახით 50 000-ლარიანი გირაო შეუფარდა. აღნიშნული გადაწყვეტილება მოსამართლე არსენ კალატოზიშვილმა მიიღო - გირაოს შეტანის ვადა 30 დღით განისაზღვრა. პროკურატურა აღკვეთის ღონისძიების სახით 50 000-ლარიანი გირაოს შეფარდებას, დაცვის მხარე კი ხაზარაძის აღკვეთის ღონისძიების გარეშე დატოვებას მოითხოვდა.საქართველოს პროკურატურამ მამუკა ხაზარაძეს საქართველოს პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე ბრალდება გუშინ წარუდგინა. როგორც მანამდე კომისიის ხელმძღვანელმა, მმართველი პარტია „ქართული ოცნება - დემოკრატიული საქართველოს“ დეპუტატმა თეა წულუკიანმა განაცხადა, საპარლამენტო კომისიასთან თანამშრომლობაზე უარი სისხლისსამართლებრივ სასჯელს ითვალისწინებს. პროკურატურის ცნობით, ბრალდებული საქართველოს პარლამენტში შექმნილ 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის 25 მარტის სხდომაზე დაბარებული იყო ახსნა-განმარტების მიცემის მიზნით. ოპოზიციონერი დროებითი საგამოძიებო კომისიის სხდომაზე გამოცხადებას რომ არ აპირებდა, ამის შესახებ ხაზარაზემ სოციალურ ქსელში თავადვე დაწერა. „რა თქმა უნდა, არ ვაპირებ მისვლას და ამ ცირკში მონაწილეობას!", – დაწერა ხაზარაძემ სოციალურ ქსელში. მამუკა ხაზარაძეს ბრალდება სსკ-ის 349-ე მუხლით წარედგინა, რაც საქართველოს პარლამენტის დროებითი საგამოძიებო კომისიის კანონიერი მოთხოვნის შეუსრულებლობას ითვალისწინებს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ქართული ოპოზიცია, პოლიტიკა საქართველოში, ახალი ამბები, თბილისის საქალაქო სასამართლო
საქართველო, ქართული ოპოზიცია, პოლიტიკა საქართველოში, ახალი ამბები, თბილისის საქალაქო სასამართლო
მამუკა ხაზარაძეს აღკვეთის ღონისძიების სახით 50 000-ლარიანი გირაო შეეფარდა
ოპოზიციონერ პოლიტიკოსს სამართალდამცველები საქართველოს პარლამენტის დროებითი საგამოძიებო კომისიაზე არგამოცხადებას ედავებიან.
თბილისი, 2 აპრილი — Sputnik. თბილისის საქალაქო სასამართლომ ოპოზიციური კოალიცია „ძლიერი საქართველოს“ ლიდერს, TBC Bank-ის დამფუძნებელ მამუკა ხაზარაძეს პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე აღკვეთის ღონისძიების სახით 50 000-ლარიანი გირაო შეუფარდა.
აღნიშნული გადაწყვეტილება მოსამართლე არსენ კალატოზიშვილმა მიიღო - გირაოს შეტანის ვადა 30 დღით განისაზღვრა.
პროკურატურა აღკვეთის ღონისძიების სახით 50 000-ლარიანი გირაოს შეფარდებას, დაცვის მხარე კი ხაზარაძის აღკვეთის ღონისძიების გარეშე დატოვებას მოითხოვდა.
„არ ვაღიარებ პარლამენტს, ისევე როგორც მის შექმნილ კომისიას, ისევე, როგორც არ აღიარებს ამ არალეგიტიმურ პარლამენტს მსოფლიოს ცივილური სამყარო, დემოკრატიული ქვეყნები. ეს არის ჩემი ურყევი პროტესტი და ეს პროტესტი იქნება მყარი. არანაირი და ვერანაირი გადაწყვეტილება მე ამ რწმენას ვერ შემაცვლევინებს“, – განაცხადა მამუკა ხაზარაძემ, რომელიც სასამართლო სხდომას ესწრებოდა.
საქართველოს პროკურატურამ მამუკა ხაზარაძეს საქართველოს პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე ბრალდება გუშინ წარუდგინა.
როგორც მანამდე კომისიის ხელმძღვანელმა, მმართველი პარტია „ქართული ოცნება - დემოკრატიული საქართველოს“ დეპუტატმა თეა წულუკიანმა განაცხადა, საპარლამენტო კომისიასთან თანამშრომლობაზე უარი სისხლისსამართლებრივ სასჯელს ითვალისწინებს.
პროკურატურის ცნობით, ბრალდებული საქართველოს პარლამენტში შექმნილ 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის 25 მარტის სხდომაზე დაბარებული იყო ახსნა-განმარტების მიცემის მიზნით.
ოპოზიციონერი დროებითი საგამოძიებო კომისიის სხდომაზე გამოცხადებას რომ არ აპირებდა, ამის შესახებ ხაზარაზემ სოციალურ ქსელში თავადვე დაწერა.
„რა თქმა უნდა, არ ვაპირებ მისვლას და ამ ცირკში მონაწილეობას!", – დაწერა ხაზარაძემ სოციალურ ქსელში.
მამუკა ხაზარაძეს ბრალდება სსკ-ის 349-ე მუხლით წარედგინა, რაც საქართველოს პარლამენტის დროებითი საგამოძიებო კომისიის კანონიერი მოთხოვნის შეუსრულებლობას ითვალისწინებს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
