https://sputnik-georgia.com/20250402/varketilis-reabilitacias-ucxouri-kompania-ganaxorcielebs-292766529.html
მეტროს სადგურ „ვარკეთილის" რეაბილიტაციას უცხოური კომპანია განახორციელებს
მეტროს სადგურ „ვარკეთილის" რეაბილიტაციას უცხოური კომპანია განახორციელებს
Sputnik საქართველო
წელიწადზე მეტია მეტროს სადგურ „ვარკეთილის“ სარეაბილიტაციო სამუშაოები შეჩერებულია. 02.04.2025-ს, Sputnik საქართველო
2025-04-02T17:00+0400
2025-04-02T17:00+0400
2025-04-02T17:00+0400
საქართველო
თბილისის მერია
თბილისი დღეს
საზოგადოება
ახალი ამბები
https://cdnn1.img.sputnik-georgia.com/img/07e7/09/13/282417640_0:120:1280:840_1920x0_80_0_0_7e13767a618390e85382d77287c6e8cb.jpg
თბილისი, 2 აპრილი — Sputnik. მეტროს სადგურ „ვარკეთილის“ რეაბილიტაციის პროექტის დასრულება მიმდინარე წლის სექტემბერშია დაგეგმილი - სამუშაოების მოკლე ვადაში დასასრულებლად ხელშეკრულება ბელარუსულ კომპანიასთან გაფორმდა, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე. კალაძემ მეტროს სადგურ „ვარკეთილის“ რეაბილიტაციის პროცესის შეფერხების მიზეზებსა და მიმდინარე სამუშაოებზე ისაუბრა და განაცხადა, რომ პროცესის გაჭიანურების მთავარ მიზეზს მიწისქვეშა ტრანსპორტის სფეროში, როგორც ადგილობრივი საპროექტო და სამშენებლო, ისე საექსპერტო კომპანიების არასაკმარისი გამოცდილება და კვალიფიკაცია წარმოადგენს. კალაძის ინფორმაციით, განახლებული პროექტის ექსპერტიზის ეტაპზე, ლევან სამხარაულის სახელობის ექსპერტიზის ეროვნულმა ბიურომ მოითხოვა რკინაბეტონის კონსტრუქციების სიღრმისეული შესწავლა, რაც ადგილობრივი საექსპერტო ორგანიზაციების რესურსებით რთული აღმოჩნდა. როგორც მერმა აღნიშნა, პროექტის ძირითად სამუშაოს წარმოადგენს მგზავრთა მოსაცდელი დარბაზის ჭერის და კედლების, ასევე საესკალატორო დახრილ გვირაბში აზბესტ-ცემენტის ფილების დემონტაჟი და მათ ნაცვლად თანამედროვე, უსაფრთხო მასალებით ჭერის მოწყობა. მერიის ინფორმაციით, მეტროს სადგურის ერთ-ერთი რეაბილიტაციის ფარგლებში, კონტრაქტორმა შპს „ბადა კონსტრაქშენმა“ საესკალატორო გვირაბის და მგზავრთა ჩასასხდომი ბაქნის თაღზე აზბესტ/ცემენტის ფილები ჩამოხსნა. ძველი ჭერის დემონტაჟის შედეგად გამოიკვეთა უშუალოდ რკინაბეტონის თაღის, მათ შორის, გეომეტრიული პარამეტრების კვლევის აუცილებლობა და სხვა კვლევებთან ერთად, ორჯერ ჩატარდა ზედაპირის სრული სკანირება. „ვარკეთილის“ მეტროს რეაბილიტაცია 2016 წელს დაიწყო და 2017 წლის სექტემბერში დასრულდა. სამუშაოები მაშინ თითქმის 350 ათასი ლარი დაჯდა. პროექტზე შპს „ყვარელმშენი" მუშაობდა. 2018 წლის იანვარში რეაბილიტირებულ „ვარკეთილის" სადგურში ჭერის ნაწილი ჩამოინგრა, რის გამოც 11 ადამიანი დაშავდა. მაშინ ამ საქმეზე სამსახურებრივი გულგრილობის, ყალბი დოკუმენტების დამზადების და უსაფრთხოების მოთხოვნებისადმი შეუსაბამო სამუშაოების შესრულების ბრალდება შპს „გეომეფის" აღმასრულებელ დირექტორს, ასევე შპს „ყვარელმშენის" მენეჯერსა და მთავარ ინჟინერს წარედგინა. 2022 წელს მეტროს სადგურის რეაბილიტაციაზე მორიგი ხელშეკრულება კომპანია „მამისონთან” გაფორმდა, თუმცა კომპანიის მხრიდან ვალდებულებების შეუსრულებლობის გამო მალევე გაწყდა. ამის შემდეგ, 2023 წლის თებერვალში მეტროს სადგურ „ვარკეთილის” რეაბილიტაციაზე 13.4 მლნ ლარის ღირებულების ხელშეკრულება შპს „ბადა კონსტრაქშენთან” გაფორმდა. გაფორმებული ხელშეკრულების მიხედვით, ადგილზე სამუშაოები ხელშეკრულების გაფორმებიდან 18 თვის ვადაში უნდა დასრულებულიყო. არსებული ხელშეკრულების ვადა 2024 წლის 22 სექტემბერს ამოიწურა. მეტროს სადგურ „ვარკეთილის“ სარეაბილიტაციო სამუშაოები წელიწადზე მეტია შეჩერებულია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისის მერია, თბილისი დღეს, საზოგადოება, ახალი ამბები
საქართველო, თბილისის მერია, თბილისი დღეს, საზოგადოება, ახალი ამბები
მეტროს სადგურ „ვარკეთილის" რეაბილიტაციას უცხოური კომპანია განახორციელებს
წელიწადზე მეტია მეტროს სადგურ „ვარკეთილის“ სარეაბილიტაციო სამუშაოები შეჩერებულია.
თბილისი, 2 აპრილი — Sputnik. მეტროს სადგურ „ვარკეთილის“ რეაბილიტაციის პროექტის დასრულება მიმდინარე წლის სექტემბერშია დაგეგმილი - სამუშაოების მოკლე ვადაში დასასრულებლად ხელშეკრულება ბელარუსულ კომპანიასთან გაფორმდა, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.
კალაძემ მეტროს სადგურ „ვარკეთილის“ რეაბილიტაციის პროცესის შეფერხების მიზეზებსა და მიმდინარე სამუშაოებზე ისაუბრა და განაცხადა, რომ პროცესის გაჭიანურების მთავარ მიზეზს მიწისქვეშა ტრანსპორტის სფეროში, როგორც ადგილობრივი საპროექტო და სამშენებლო, ისე საექსპერტო კომპანიების არასაკმარისი გამოცდილება და კვალიფიკაცია წარმოადგენს.
„აღნიშნულის გათვალისწინებით ადგილობრივი კომპანიები ამ პროექტში მონაწილეობას თავს არიდებდნენ. იყო შემთხვევები, როდესაც გამოგვიცხადებია ტენდერი და კომპანიები არ იღებდნენ მასში მონაწილეობას“, - განაცხადა დედაქალაქის მერმა.
კალაძის ინფორმაციით, განახლებული პროექტის ექსპერტიზის ეტაპზე, ლევან სამხარაულის სახელობის ექსპერტიზის ეროვნულმა ბიურომ მოითხოვა რკინაბეტონის კონსტრუქციების სიღრმისეული შესწავლა, რაც ადგილობრივი საექსპერტო ორგანიზაციების რესურსებით რთული აღმოჩნდა.
„ამიტომ, მოგვიწია უცხოელი ექსპერტების ჩართულობა, ვისაც ასეთი ტიპის მეტროსადგურებზე უმუშავია. როგორც იცით, თბილისის მეტრო საბჭოთა პერიოდშია აშენებული. ამიტომ, მეტროსადგურ „ვარკეთილის“ სარეაბილიტაციო სამუშაოების მოკლე ვადაში დასასრულებლად უკვე გაფორმდა ხელშეკრულება ბელარუსულ კომპანიასთან შპს „პრობილდ ექსპერტთან“ და მიმდინარეობს რკინაბეტონის კონსტრუქციების სრული კვლევა, ასევე აღდგენის პროექტის მომზადება“, - განაცხადა კალაძემ.
როგორც მერმა აღნიშნა, პროექტის ძირითად სამუშაოს წარმოადგენს მგზავრთა მოსაცდელი დარბაზის ჭერის და კედლების, ასევე საესკალატორო დახრილ გვირაბში აზბესტ-ცემენტის ფილების დემონტაჟი და მათ ნაცვლად თანამედროვე, უსაფრთხო მასალებით ჭერის მოწყობა.
მერიის ინფორმაციით, მეტროს სადგურის ერთ-ერთი რეაბილიტაციის ფარგლებში, კონტრაქტორმა შპს „ბადა კონსტრაქშენმა“ საესკალატორო გვირაბის და მგზავრთა ჩასასხდომი ბაქნის თაღზე აზბესტ/ცემენტის ფილები ჩამოხსნა. ძველი ჭერის დემონტაჟის შედეგად გამოიკვეთა უშუალოდ რკინაბეტონის თაღის, მათ შორის, გეომეტრიული პარამეტრების კვლევის აუცილებლობა და სხვა კვლევებთან ერთად, ორჯერ ჩატარდა ზედაპირის სრული სკანირება.
„ვარკეთილის“ მეტროს რეაბილიტაცია 2016 წელს დაიწყო და 2017 წლის სექტემბერში დასრულდა. სამუშაოები მაშინ თითქმის 350 ათასი ლარი დაჯდა. პროექტზე შპს „ყვარელმშენი" მუშაობდა. 2018 წლის იანვარში რეაბილიტირებულ „ვარკეთილის" სადგურში ჭერის ნაწილი ჩამოინგრა, რის გამოც 11 ადამიანი დაშავდა.
მაშინ ამ საქმეზე სამსახურებრივი გულგრილობის, ყალბი დოკუმენტების დამზადების და უსაფრთხოების მოთხოვნებისადმი შეუსაბამო სამუშაოების შესრულების ბრალდება შპს „გეომეფის" აღმასრულებელ დირექტორს, ასევე შპს „ყვარელმშენის" მენეჯერსა და მთავარ ინჟინერს წარედგინა.
2022 წელს მეტროს სადგურის რეაბილიტაციაზე მორიგი ხელშეკრულება კომპანია „მამისონთან” გაფორმდა, თუმცა კომპანიის მხრიდან ვალდებულებების შეუსრულებლობის გამო მალევე გაწყდა.
ამის შემდეგ, 2023 წლის თებერვალში მეტროს სადგურ „ვარკეთილის” რეაბილიტაციაზე 13.4 მლნ ლარის ღირებულების ხელშეკრულება შპს „ბადა კონსტრაქშენთან” გაფორმდა. გაფორმებული ხელშეკრულების მიხედვით, ადგილზე სამუშაოები ხელშეკრულების გაფორმებიდან 18 თვის ვადაში უნდა დასრულებულიყო. არსებული ხელშეკრულების ვადა 2024 წლის 22 სექტემბერს ამოიწურა.
მეტროს სადგურ „ვარკეთილის“ სარეაბილიტაციო სამუშაოები წელიწადზე მეტია შეჩერებულია.
