https://sputnik-georgia.com/20250401/parlamentma-samshoblos-galatis-muxli-kanonmdeblobashi-daabruna-292750656.html
პარლამენტმა სსკ-ში „სამშობლოს ღალატის“ მუხლის დაბრუნების ინიციატივა მესამე მოსმენით მიიღო
პარლამენტმა სსკ-ში „სამშობლოს ღალატის“ მუხლის დაბრუნების ინიციატივა მესამე მოსმენით მიიღო
Sputnik საქართველო
მმართველმა პარტიამ სისხლის სამართლის კოდექსში სახელმწიფოს ღალატის მუხლის აღდგენის შესახებ გადაწყვეტილება თებერვლის დასაწყისში მიიღო. 01.04.2025-ს, Sputnik საქართველო
2025-04-01T16:13+0400
2025-04-01T16:13+0400
2025-04-01T16:13+0400
საქართველო
საქართველოს პარლამენტი
კანონმდებლობა
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e8/0b/19/291085295_0:66:1281:786_1920x0_80_0_0_00500fa95844a2245b1b829818db32ef.jpg
თბილისი, 1 აპრილი — Sputnik. პარლამენტმა სისხლის სამართლის კანონმდებლობაში „სამშობლოს ღალატის“ მუხლის დაბრუნების ინიციატივა მესამე, საბოლოო მოსმენით მიიღო. დღევანდელ პლენარულ სხდომაზე დეპუტატებმა კანონპროექტს, რომლის თანახმად, „სისხლის სამართლის კოდექსს“ 307¹ მუხლი ემატება, 86 ხმით, ერთხმად დაუჭირეს მხარი. მმართველმა პარტიამ სისხლის სამართლის კოდექსში სახელმწიფოს ღალატის მუხლის აღდგენის შესახებ გადაწყვეტილება თებერვლის დასაწყისში მიიღო - სსკ-ში „სამშობლო ღალატის“ მცნება დაბრუნდება 2007 წლამდე არსებული რედაქციით და მხოლოდ მუხლის სათაური შეიცვლება. პროექტის ავტორი და ინიციატორები ფრაქცია „ქართული ოცნებისა“ და პოლიტიკური ჯგუფის „ხალხის ძალის“ დეპუტატები არიან. 307¹ მუხლი სამშობლოს ღალატისთვის სისხლისსამართლებრივი პასუხისმგებლობის საკითხს დაარეგულირებს. „სისხლის სამართლის კოდექსიდან“ სახელმწიფოს ღალატის მუხლი 2007 წელს, ყოფილი მმართველი პარტია „ერთიანი ნაციონალური მოძრაობის" მმართველობის პერიოდში ამოიღეს. მისი ამოღების მიზეზად დასახელდა ის, რომ აღნიშნული მუხლი წარმოადგენდა დეკლარატიულ ნორმას და არანაირ იურიდიულ ძალას არ ატარებდა და ასევე ის, რომ მსგავსი მუხლი არ არსებობდა მსოფლიოს წამყვანი ქვეყნების საერთაშორისო კანონმდებლობაში. საქართველოს მოქალაქის მიერ სახელმწიფოს წინააღმდეგ ჩადენილი ნებისმიერი დანაშაული სახელმწიფოს ღალატად ითვლებოდა. სახელმწიფო ღალატისთვის ცალკე სასჯელი არ არსებობდა. სასჯელის ვადა განისაზღვრებოდა სსკ-ის კონკრეტული მუხლით, განაჩენის გამოტანისას კი მუხლი უბრალოდ ემატებოდა ბრალდებების ჩამონათვალს. დანაშაულები სახელმწიფოს წინააღმდეგ საქართველოში სახელმწიფოს წინააღმდეგ დანაშაულად ითვლება: საქართველოს ტერიტორიული ხელშეუხებლობის დარღვევა, არაკონსტიტუციური შეთანხმებების დადება ან არაკონსტიტუციური მოლაპარაკებების წარმოება, საქართველოს საგარეო უსაფრთხოების ხელყოფა, უცხოურ სადაზვერვო სამსახურში შესვლა და საქართველოს თავდაცვისუნარიანობის ხელყოფა. მსგავსი დანაშაულების ჩამონათვალში შედის: სახელმწიფო საიდუმლოების გამჟღავნება, ჯაშუშობა, შეთქმულება ან აჯანყება საქართველოს კონსტიტუციური წყობის ძალადობრივი შეცვლის მიზნით, სამხედრო ხელმძღვანელობის უკანონო ხელში ჩაგდება ან კანონიერი ხელისუფლებისადმი დაუმორჩილებლობა, კონსტიტუციური წყობის ძალადობრივი შეცვლის ან სახელმწიფო ხელისუფლების დამხობისკენ მოწოდებები და საბოტაჟი. ჩამონათვალშია ასევე უცხო სახელმწიფოს, უცხოური ორგანიზაციის ან უცხო სახელმწიფოს მიერ კონტროლირებადი ორგანიზაციის დახმარება მტრულ საქმიანობაში, სახელმწიფო საიდუმლოების გამჟღავნებაში და სახელმწიფო საიდუმლოების შენახვის პროცედურის დარღვევაში. გარდა ამისა, სახელმწიფოს წინააღმდეგ ჩადენილ დანაშაულებად ასევე აღიქმება საქართველოს კონსტიტუციური წესრიგისა და ეროვნული უსაფრთხოების საფუძვლების წინააღმდეგ მიმართული საქმიანობა ან მსგავსი ქმედებების სხვა სახის მატერიალური მხარდაჭერა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e8/0b/19/291085295_72:0:1208:852_1920x0_80_0_0_e7a83052c1026bade8c288d1409fa881.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პარლამენტი, კანონმდებლობა, პოლიტიკა საქართველოში, ახალი ამბები
საქართველო, საქართველოს პარლამენტი, კანონმდებლობა, პოლიტიკა საქართველოში, ახალი ამბები
პარლამენტმა სსკ-ში „სამშობლოს ღალატის“ მუხლის დაბრუნების ინიციატივა მესამე მოსმენით მიიღო
მმართველმა პარტიამ სისხლის სამართლის კოდექსში სახელმწიფოს ღალატის მუხლის აღდგენის შესახებ გადაწყვეტილება თებერვლის დასაწყისში მიიღო.
თბილისი, 1 აპრილი — Sputnik. პარლამენტმა სისხლის სამართლის კანონმდებლობაში „სამშობლოს ღალატის“ მუხლის დაბრუნების ინიციატივა მესამე, საბოლოო მოსმენით მიიღო.
დღევანდელ პლენარულ სხდომაზე დეპუტატებმა კანონპროექტს, რომლის თანახმად, „სისხლის სამართლის კოდექსს“ 307¹ მუხლი ემატება, 86 ხმით, ერთხმად დაუჭირეს მხარი.
მმართველმა პარტიამ სისხლის სამართლის კოდექსში სახელმწიფოს ღალატის მუხლის აღდგენის შესახებ გადაწყვეტილება თებერვლის დასაწყისში მიიღო - სსკ-ში „სამშობლო ღალატის“ მცნება დაბრუნდება 2007 წლამდე არსებული რედაქციით და მხოლოდ მუხლის სათაური შეიცვლება. პროექტის ავტორი და ინიციატორები ფრაქცია „ქართული ოცნებისა“ და პოლიტიკური ჯგუფის „ხალხის ძალის“ დეპუტატები არიან.
307¹ მუხლი სამშობლოს ღალატისთვის სისხლისსამართლებრივი პასუხისმგებლობის საკითხს დაარეგულირებს.
„სისხლის სამართლის კოდექსიდან“ სახელმწიფოს ღალატის მუხლი 2007 წელს, ყოფილი მმართველი პარტია „ერთიანი ნაციონალური მოძრაობის" მმართველობის პერიოდში ამოიღეს. მისი ამოღების მიზეზად დასახელდა ის, რომ აღნიშნული მუხლი წარმოადგენდა დეკლარატიულ ნორმას და არანაირ იურიდიულ ძალას არ ატარებდა და ასევე ის, რომ მსგავსი მუხლი არ არსებობდა მსოფლიოს წამყვანი ქვეყნების საერთაშორისო კანონმდებლობაში.
საქართველოს მოქალაქის მიერ სახელმწიფოს წინააღმდეგ ჩადენილი ნებისმიერი დანაშაული სახელმწიფოს ღალატად ითვლებოდა. სახელმწიფო ღალატისთვის ცალკე სასჯელი არ არსებობდა. სასჯელის ვადა განისაზღვრებოდა სსკ-ის კონკრეტული მუხლით, განაჩენის გამოტანისას კი მუხლი უბრალოდ ემატებოდა ბრალდებების ჩამონათვალს.
დანაშაულები სახელმწიფოს წინააღმდეგ
საქართველოში სახელმწიფოს წინააღმდეგ დანაშაულად ითვლება: საქართველოს ტერიტორიული ხელშეუხებლობის დარღვევა, არაკონსტიტუციური შეთანხმებების დადება ან არაკონსტიტუციური მოლაპარაკებების წარმოება, საქართველოს საგარეო უსაფრთხოების ხელყოფა, უცხოურ სადაზვერვო სამსახურში შესვლა და საქართველოს თავდაცვისუნარიანობის ხელყოფა.
მსგავსი დანაშაულების ჩამონათვალში შედის: სახელმწიფო საიდუმლოების გამჟღავნება, ჯაშუშობა, შეთქმულება ან აჯანყება საქართველოს კონსტიტუციური წყობის ძალადობრივი შეცვლის მიზნით, სამხედრო ხელმძღვანელობის უკანონო ხელში ჩაგდება ან კანონიერი ხელისუფლებისადმი დაუმორჩილებლობა, კონსტიტუციური წყობის ძალადობრივი შეცვლის ან სახელმწიფო ხელისუფლების დამხობისკენ მოწოდებები და საბოტაჟი.
ჩამონათვალშია ასევე უცხო სახელმწიფოს, უცხოური ორგანიზაციის ან უცხო სახელმწიფოს მიერ კონტროლირებადი ორგანიზაციის დახმარება მტრულ საქმიანობაში, სახელმწიფო საიდუმლოების გამჟღავნებაში და სახელმწიფო საიდუმლოების შენახვის პროცედურის დარღვევაში.
გარდა ამისა, სახელმწიფოს წინააღმდეგ ჩადენილ დანაშაულებად ასევე აღიქმება საქართველოს კონსტიტუციური წესრიგისა და ეროვნული უსაფრთხოების საფუძვლების წინააღმდეგ მიმართული საქმიანობა ან მსგავსი ქმედებების სხვა სახის მატერიალური მხარდაჭერა.