https://sputnik-georgia.com/20250316/saqartvelo-somxeti-vin-iqneba-saqartvelos-nakrebis-kapitani-292512232.html
საქართველო-სომხეთი: ვინ იქნება ეროვნული ნაკრების კაპიტანი?
საქართველო-სომხეთი: ვინ იქნება ეროვნული ნაკრების კაპიტანი?
Sputnik საქართველო
საქართველოს ნაკრები სომხეთის წინააღმდეგ მატჩს 20 მარტს გამართავს - მატჩზე დასასწრები ყველა ბილეთი გაყიდულია 16.03.2025-ს, Sputnik საქართველო
2025-03-16T12:52+0400
2025-03-16T12:52+0400
2025-03-16T12:52+0400
საქართველო
სპორტი
სომხეთი
ახალი ამბები
https://cdnn1.img.sputnik-georgia.com/img/07e8/06/17/288557995_696:260:1438:677_1920x0_80_0_0_4aaa1cbed96ac02c1ad74cdf8007df2c.jpg
თბილისი, 16 მარტი — Sputnik. გურამ კაშიას არყოფნაში სომხეთის წინააღმდეგ მატჩში გუნდის კაპიტანი ოთარ კიტეიშვილი იქნება, განაცხადა საქართველოს ფეხბურთის ნაკრების მთავარმა მწვრთნელმა ვილი სანიოლმა.ერთა ლიგის პლეი-ოფის მატჩი საქართველოსა და სომხეთის ნაკრებებს შორის 20 მარტს ერევანში, ვაზგენ სარგსიანის სახელობის სტადიონზე, 23 მარტს კი თბილისში, „დინამო არენაზე" გაიმართება. ორრაუნდიან დაპირისპირებაში გამარჯვებული ერთა ლიგის B ლიგაში თამაშის უფლებას მოიპოვებს.ერევანში სომხეთთან მატჩს გურამ კაშია და ხვიჩა კვარაცხელია ერთა ლიგის ჯგუფურ ეტაპზე მიღებული ყვითელი ბარათების გამო გამოტოვებენ. კაპიტნის სამკლაურს პირველად ოთარ კიტეიშვილი მოირგებს, საპასუხო მატჩში კი კაშია კვლავ გუნდის კაპიტანი იქნება.ფრანგი სპეციალისტის თქმით, მიუხედავად იმისა, რომ სამწუხაროდ, კაშია და კვარაცხელია სომხეთთან პირველ მატჩს გამოტოვებენ, ორივე მათგანი საწვრთნელ ბაზაზე გუნდის დანარჩენ წევრებთან ერთად იქნება.სანაკრებო სიაში ერთი დებიუტანტია - ოდესის „ჩერნომორეცის“ და ახალგაზრდული ნაკრების 20 წლის ფეხბურთელი ლუკა ლაცაბიძე, რომელმაც კარიერაში პირველად მიიღო მიწვევა ეროვნული ნაკრებისგან.რაც შეეხება მეკარე გიორგი მამარდაშვილს, ის და „ვალენსია" ახლა რთულ პერიოდს გადიან, აღნიშნა მწვრთნელმა. „მაგრამ ვიცით გიორგის შესაძლებლობები და გვჯერა, რომ ჩვეულ ფორმას მალე აღიდგენს“, დასძინა სანიოლმა.საქართველოს ეროვნული ნაკრები ერთა ლიგის პლეი-ოფის მატჩებისთვის მზადებას 17 მარტიდან დაიწყებს.საქართველოსა და სომხეთის საფეხბურთო ნაკრებები ერთმანეთს სამჯერ შეხვდნენ. 2011 წელს საქართველოს ნაკრებმა ამხანაგური მატჩი მოიგო. 2020 წელს ერთა ლიგის ფარგლებში კიდევ ორი მატჩი გაიმართა. ერთი შეხვედრა ფრედ დასრულდა, მეორეში კი უფრო ძლიერი მეტოქე აღმოჩნდა.
საქართველო
სომხეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, სომხეთი, ახალი ამბები
საქართველო, სპორტი, სომხეთი, ახალი ამბები
საქართველო-სომხეთი: ვინ იქნება ეროვნული ნაკრების კაპიტანი?
საქართველოს ნაკრები სომხეთის წინააღმდეგ მატჩს 20 მარტს გამართავს - მატჩზე დასასწრები ყველა ბილეთი გაყიდულია
თბილისი, 16 მარტი — Sputnik. გურამ კაშიას არყოფნაში სომხეთის წინააღმდეგ მატჩში გუნდის კაპიტანი ოთარ კიტეიშვილი იქნება, განაცხადა საქართველოს ფეხბურთის ნაკრების მთავარმა მწვრთნელმა ვილი სანიოლმა.
ერთა ლიგის პლეი-ოფის მატჩი საქართველოსა და სომხეთის ნაკრებებს შორის 20 მარტს ერევანში, ვაზგენ სარგსიანის სახელობის სტადიონზე, 23 მარტს კი თბილისში, „დინამო არენაზე" გაიმართება. ორრაუნდიან დაპირისპირებაში გამარჯვებული ერთა ლიგის B ლიგაში თამაშის უფლებას მოიპოვებს.
ერევანში სომხეთთან მატჩს გურამ კაშია და ხვიჩა კვარაცხელია ერთა ლიგის ჯგუფურ ეტაპზე მიღებული ყვითელი ბარათების გამო გამოტოვებენ. კაპიტნის სამკლაურს პირველად ოთარ კიტეიშვილი მოირგებს, საპასუხო მატჩში კი კაშია კვლავ გუნდის კაპიტანი იქნება.
„შემოდგომაზე ჩვენმა ფეხბურთელებმა ბევრი თამაში ჩაატარეს, მათ შორის ევროპის ჩემპიონატზე და ფსიქოლოგიურად და ფიზიკურად გადაღლა ეტყობოდათ. ახლა, იმედია, ბევრად უფრო დასვენებული იქნებიან", - განაცხადა სანიოლმა.
ფრანგი სპეციალისტის თქმით, მიუხედავად იმისა, რომ სამწუხაროდ, კაშია და კვარაცხელია სომხეთთან პირველ მატჩს გამოტოვებენ, ორივე მათგანი საწვრთნელ ბაზაზე გუნდის დანარჩენ წევრებთან ერთად იქნება.
„მათ არყოფნაში სხვა ფეხბურთელებს მივცემთ შანსს, მათ შორის, საბა გოგლიჩიძეს, რომელიც ძალიან კარგ ფორმაშია", - განაცხადა მწვრთნელმა.
სანაკრებო სიაში ერთი დებიუტანტია - ოდესის „ჩერნომორეცის“ და ახალგაზრდული ნაკრების 20 წლის ფეხბურთელი ლუკა ლაცაბიძე, რომელმაც კარიერაში პირველად მიიღო მიწვევა ეროვნული ნაკრებისგან.
„სომხეთთან დაპირისპირება ისტორიულია - ეს კავკასიური დერბია და წინ რთული თამაშები გველის. მაგრამ ჩვენ C ლიგის დონის გუნდი არ ვართ და აუცილებლად უნდა შევინარჩუნოთ ადგილი B ლიგაში", - განაცხადა სანიოლმა.
რაც შეეხება მეკარე გიორგი მამარდაშვილს, ის და „ვალენსია" ახლა რთულ პერიოდს გადიან, აღნიშნა მწვრთნელმა. „მაგრამ ვიცით გიორგის შესაძლებლობები და გვჯერა, რომ ჩვეულ ფორმას მალე აღიდგენს“, დასძინა სანიოლმა.
საქართველოს ეროვნული ნაკრები ერთა ლიგის პლეი-ოფის მატჩებისთვის მზადებას 17 მარტიდან დაიწყებს.
საქართველოსა და სომხეთის საფეხბურთო ნაკრებები ერთმანეთს სამჯერ შეხვდნენ. 2011 წელს საქართველოს ნაკრებმა ამხანაგური მატჩი მოიგო. 2020 წელს ერთა ლიგის ფარგლებში კიდევ ორი მატჩი გაიმართა. ერთი შეხვედრა ფრედ დასრულდა, მეორეში კი უფრო ძლიერი მეტოქე აღმოჩნდა.
