https://sputnik-georgia.com/20250311/yavelashvil-sahiba-gaparovas-shexvda-292449006.html
ყაველაშვილი აზერბაიჯანის მილი მეჯლისის თავმჯდომარეს შეხვდა: რა განიხილეს მხარეებმა
ყაველაშვილი აზერბაიჯანის მილი მეჯლისის თავმჯდომარეს შეხვდა: რა განიხილეს მხარეებმა
Sputnik საქართველო
შეხვედრაზე განიხილეს საქართველო-აზერბაიჯანის სტრატეგიული პარტნიორობის ძირითადი მიმართულებები. 11.03.2025-ს, Sputnik საქართველო
2025-03-11T13:37+0400
2025-03-11T13:37+0400
2025-03-11T13:47+0400
საქართველო
აზერბაიჯანი
კავკასია
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e9/03/0b/292450689_0:357:2049:1509_1920x0_80_0_0_30f8e6ca4799e20935af60835b153f9d.jpg
თბილისი, 11 მარტი — Sputnik. საქართველოს პრეზიდენტმა მიხეილ ყაველაშვილმა აზერბაიჯანის რესპუბლიკის მილი მეჯლისის თავმჯდომარე საჰიბა გაფაროვასთან შეხვედრა გამართა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს. უწყების ცნობით, შეხვედრაზე მხარეებმა ისაუბრეს ორ ქვეყანას შორის ისტორიულად არსებული მტკიცე მეგობრული ურთიერთობების შესახებ და განიხილეს საქართველო-აზერბაიჯანის სტრატეგიული პარტნიორობის ძირითადი მიმართულებები. შეხვედრაზე საუბარი შეეხო სამხრეთ კავკასიის რეგიონში მიმდინარე მოვლენებსაც. როგორც ყაველაშვილმა განაცხადა, საქართველო მხარს უჭერს სამხრეთ კავკასიაში მშვიდობასა და სტაბილურობას და მზად არის, განაგრძოს ამ პროცესში წვლილის შეტანა. შეხვედრაზე ყურადღება გამახვილდა საქართველოს, აზერბაიჯანსა და თურქეთს შორის სამმხრივ თანამშრომლობაზეც. საქართველოს პრეზიდენტმა აზერბაიჯანულ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის ურყევი მხარდაჭერისათვის. პრეზიდენტმა აზერბაიჯანის დელეგაციის წევრებს ორბელიანების სასახლეში უმასპინძლა. საქართველო და აზერბაიჯანი საქართველომ და აზერბაიჯანმა დიპლომატიური ურთიერთობა 1992 წლის 18 ნოემბერს დაამყარეს. ბაქო და თბილისი არიან სტრატეგიული პარტნიორები და აქტიურად თანამშრომლობენ როგორც ორმხრივ ფორმატში, ასევე საერთაშორისო პროექტების ფარგლებში. კერძოდ, მთელი რეგიონისთვის სტრატეგიული მნიშვნელობის პროექტებში. ესენია ბაქო-თბილისი-ყარსის რკინიგზა, ბაქო-თბილისი-ჯეიჰანის ნავთობსადენი და გაზის სამხრეთის დერეფანი. აზერბაიჯანი საქართველოს სავაჭრო პარტნიორების ათეულშია. 2024 წელს ქვეყნებს შორის სავაჭრო ბრუნვა 5,6%-ით გაიზარდა და 1,3 მილიარდი დოლარი შეადგინა.
საქართველო
აზერბაიჯანი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, აზერბაიჯანი, კავკასია, პოლიტიკა საქართველოში, ახალი ამბები
საქართველო, აზერბაიჯანი, კავკასია, პოლიტიკა საქართველოში, ახალი ამბები
ყაველაშვილი აზერბაიჯანის მილი მეჯლისის თავმჯდომარეს შეხვდა: რა განიხილეს მხარეებმა
13:37 11.03.2025 (განახლებულია: 13:47 11.03.2025) შეხვედრაზე განიხილეს საქართველო-აზერბაიჯანის სტრატეგიული პარტნიორობის ძირითადი მიმართულებები.
თბილისი, 11 მარტი — Sputnik. საქართველოს პრეზიდენტმა მიხეილ ყაველაშვილმა აზერბაიჯანის რესპუბლიკის მილი მეჯლისის თავმჯდომარე საჰიბა გაფაროვასთან შეხვედრა გამართა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.
უწყების ცნობით, შეხვედრაზე მხარეებმა ისაუბრეს ორ ქვეყანას შორის ისტორიულად არსებული მტკიცე მეგობრული ურთიერთობების შესახებ და განიხილეს საქართველო-აზერბაიჯანის სტრატეგიული პარტნიორობის ძირითადი მიმართულებები.
„ხაზი გაესვა ქვეყნებს შორის წარმატებული თანამშრომლობის მნიშვნელობას სხვადასხვა საერთაშორისო და რეგიონულ ფორმატში“, - აღნიშნულია განცხადებაში.
შეხვედრაზე საუბარი შეეხო სამხრეთ კავკასიის რეგიონში მიმდინარე მოვლენებსაც. როგორც ყაველაშვილმა განაცხადა, საქართველო მხარს უჭერს სამხრეთ კავკასიაში მშვიდობასა და სტაბილურობას და მზად არის, განაგრძოს ამ პროცესში წვლილის შეტანა.
შეხვედრაზე ყურადღება გამახვილდა საქართველოს, აზერბაიჯანსა და თურქეთს შორის სამმხრივ თანამშრომლობაზეც.
საქართველოს პრეზიდენტმა აზერბაიჯანულ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის ურყევი მხარდაჭერისათვის.
პრეზიდენტმა აზერბაიჯანის დელეგაციის წევრებს ორბელიანების სასახლეში უმასპინძლა.
საქართველო და აზერბაიჯანი
საქართველომ და აზერბაიჯანმა დიპლომატიური ურთიერთობა 1992 წლის 18 ნოემბერს დაამყარეს.
ბაქო და თბილისი არიან სტრატეგიული პარტნიორები და აქტიურად თანამშრომლობენ როგორც ორმხრივ ფორმატში, ასევე საერთაშორისო პროექტების ფარგლებში. კერძოდ, მთელი რეგიონისთვის სტრატეგიული მნიშვნელობის პროექტებში. ესენია ბაქო-თბილისი-ყარსის რკინიგზა, ბაქო-თბილისი-ჯეიჰანის ნავთობსადენი და გაზის სამხრეთის დერეფანი.
აზერბაიჯანი საქართველოს სავაჭრო პარტნიორების ათეულშია. 2024 წელს ქვეყნებს შორის სავაჭრო ბრუნვა 5,6%-ით გაიზარდა და 1,3 მილიარდი დოლარი შეადგინა.
