https://sputnik-georgia.com/20250311/kezerashvilma-telekompania-pormula-datova-292459857.html
კეზერაშვილმა ტელეკომპანია „ფორმულა" დატოვა და თავისი წილი მიშა მშვილდაძეს 1 ლარად გადასცა
კეზერაშვილმა ტელეკომპანია „ფორმულა" დატოვა და თავისი წილი მიშა მშვილდაძეს 1 ლარად გადასცა
Sputnik საქართველო
ტელეკომპანია „ფორმულა“ საჯარო რეესტრში 2019 წლის 22 ივლისს დარეგისტრირდა, მაუწყებლობა კი 1-ელ ოქტომბერს დაიწყო 11.03.2025-ს, Sputnik საქართველო
2025-03-11T20:45+0400
2025-03-11T20:45+0400
2025-03-11T21:14+0400
საქართველო
საზოგადოება
ახალი ამბები
https://cdnn1.img.sputnik-georgia.com/img/07e7/04/0c/276660468_0:317:3076:2047_1920x0_80_0_0_d928082515ed0f9924dd16cc13fb0bb4.jpg
თბილისი, 11 მარტი — Sputnik. საქართველოს თავდაცვის ექს-მინისტრმა დავით კეზერაშვილმა ტელეკომპანია „ფორმულა" დატოვა და კუთვნილი 26%-იანი წილი თანადამფუძნებლებს გადასცა. ინფორმაციას ამის შესახებ ტელეკომპანია „ფორმულა" ავრცელებს.კეზერაშვილმა თავის საკუთრებაში არსებული წილი (26%) მიხეილ მშვილდაძეს სრულად, სიმბოლურ ფასად - 1 ლარად გადასცა. მშვილდაძე, რომელიც არხის 12,25%-იან წილს ფლობდა, ამ ცვლილებით, ტელევიზიის ყველაზე დიდი წილის (38.25%) მფლობელი გახდა.შესაბამისი ცვლილება საჯარო რეესტრში უკვე დარეგისტრირდა - არხის მფლობელებს შორის კვლავ არიან: მიშა მშვილდაძე, ირაკლი საღინაძე, ზუკა გუმბარიძე, გიორგი ლიფონავა, თუმცა მათი კუთვნილი წილების მოცულობა შეიცვალა. უცვლელია მხოლოდ ა(ა)იპ „თავისუფლების ფორმულის“ კუთვნილი წილი. საჯარო რეესტრში 7 თებერვალს წამოწყებული სუბიექტის რეგისტრირებულ მონაცემებში ცვლილების რეგისტრაციის პროცესი, რომელიც იმავე დღიდან 6 მარტამდე, შეჩერების აღმოსაფხვრელად დამატებით დოკუმენტების წარდგენამდე იყო შეჩერებული, დასრულდა.დავით კეზერაშვილმა „ფორმულას“ წილების სიმბოლურ ფასად, 1 ლარად გასხვისების სურვილი 7 თებერვალს გამოხატა საჯარო რეესტრში შესული განცხადებით. რეესტრმა საქმისწარმოება შეაჩერა, რადგან სახელმწიფო უწყებამ მიიჩნია, რომ დოკუმენტები არ იყო „კანონმდებლობის შესაბამისად შედგენილი და დამოწმებული“.ხარვეზის გამოსასწორებლად მას 30-დღიანი ვადა ჰქონდა. რეესტრში დამატებითი დოკუმენტები 6 მარტს წარადგინეს.ტელეკომპანია „ფორმულა“ ტელეკომპანია „ფორმულა" მიშა მშვილდაძემ, ირაკლი საღინაძემ, გიორგი ლიფონავამ და ზუკა გუმბარიძემ საჯარო რეესტრში 2019 წლის ივლისში დაარეგისტრირეს.თავდაპირველად, კომპანიის 25%-იან წილებს მიხეილ მშვილდაძე, ზურაბ გუმბარიძე, ირაკლი საღინაძე და გიორგი ლიფონავა ფლობდნენ, 2019 წლის სექტემბერში კი ტელეკომპანიის საკონტროლო პაკეტის (51%) მფლობელი დავით კეზერაშვილი გახდა. 2023 წელს, კეზერაშვილმა კუთვნილი 51%-დან 25% ა(ა)იპ „თავისუფლების ფორმულას“, ტელევიზიის თანამშრომლებს სიმბოლურად 1 ლარად გადასცა.ტელეკომპანია „ფორმულა" არის ერთ-ერთი იმ სამი ახალი ტელეარხიდან, რომელიც მკვეთრად აკრიტიკებს ქვეყნის ხელისუფლებას. მმართველი პარტია აღნიშნულ ტელეკომპანიებს ოპოზიციური პარტია „ერთიანი ნაციონალური მოძრაობის" პრეს-სამსახურს უწოდებს.დავით კეზერაშვილიდავით კეზერაშვილს თავდაცვის მინისტრის პოსტი მიხეილ სააკაშვილის მმართველობის პერიოდში 2006-2008 წლებში ეკავა. ქვეყანაში ხელისუფლების ცვლილების (2012 წელი) შემდეგ მან საქართველო დატოვა. მასზე საერთაშორისო ძებნა იყო გამოცხადებული, თუმცა 2015 წელს ინტერპოლმა კეზერაშვილი ძებნილთა სიიდან ამოიღო. მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.კეზერაშვილი ისრაელის მოქალაქეა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, ახალი ამბები
საქართველო, საზოგადოება, ახალი ამბები
კეზერაშვილმა ტელეკომპანია „ფორმულა" დატოვა და თავისი წილი მიშა მშვილდაძეს 1 ლარად გადასცა
20:45 11.03.2025 (განახლებულია: 21:14 11.03.2025) ტელეკომპანია „ფორმულა“ საჯარო რეესტრში 2019 წლის 22 ივლისს დარეგისტრირდა, მაუწყებლობა კი 1-ელ ოქტომბერს დაიწყო
თბილისი, 11 მარტი — Sputnik. საქართველოს თავდაცვის ექს-მინისტრმა დავით კეზერაშვილმა ტელეკომპანია „ფორმულა" დატოვა და კუთვნილი 26%-იანი წილი თანადამფუძნებლებს გადასცა. ინფორმაციას ამის შესახებ ტელეკომპანია „ფორმულა" ავრცელებს.
კეზერაშვილმა თავის საკუთრებაში არსებული წილი (26%) მიხეილ მშვილდაძეს სრულად, სიმბოლურ ფასად - 1 ლარად გადასცა. მშვილდაძე, რომელიც არხის 12,25%-იან წილს ფლობდა, ამ ცვლილებით, ტელევიზიის ყველაზე დიდი წილის (38.25%) მფლობელი გახდა.
შესაბამისი ცვლილება საჯარო რეესტრში უკვე დარეგისტრირდა - არხის მფლობელებს შორის კვლავ არიან: მიშა მშვილდაძე, ირაკლი საღინაძე, ზუკა გუმბარიძე, გიორგი ლიფონავა, თუმცა მათი კუთვნილი წილების მოცულობა შეიცვალა. უცვლელია მხოლოდ ა(ა)იპ „თავისუფლების ფორმულის“ კუთვნილი წილი.
„ამჟამად, ფორმულას 38,25%-ს ფლობს მიხეილ მშვილდაძე, 32.25%-ს არხის დირექტორი, ზუკა გუმბარიძე. 25%-ს მფლობელია არხის თანამშრომლების მიერ შექმნილი „თავისუფლების ფორმულა". 2,25-2,25% კი ირაკლი საღინაძისა და რეჟისორ გიორგი ლიფონავას საკუთრებაში რჩება," - ნათქვამია განცხადებაში.
საჯარო რეესტრში 7 თებერვალს წამოწყებული სუბიექტის რეგისტრირებულ მონაცემებში ცვლილების რეგისტრაციის პროცესი, რომელიც იმავე დღიდან 6 მარტამდე, შეჩერების აღმოსაფხვრელად დამატებით დოკუმენტების წარდგენამდე იყო შეჩერებული, დასრულდა.
დავით კეზერაშვილმა „ფორმულას“ წილების სიმბოლურ ფასად, 1 ლარად გასხვისების სურვილი 7 თებერვალს გამოხატა საჯარო რეესტრში შესული განცხადებით. რეესტრმა საქმისწარმოება შეაჩერა, რადგან სახელმწიფო უწყებამ მიიჩნია, რომ დოკუმენტები არ იყო „კანონმდებლობის შესაბამისად შედგენილი და დამოწმებული“.
ხარვეზის გამოსასწორებლად მას 30-დღიანი ვადა ჰქონდა. რეესტრში დამატებითი დოკუმენტები 6 მარტს წარადგინეს.
ტელეკომპანია „ფორმულა" მიშა მშვილდაძემ, ირაკლი საღინაძემ, გიორგი ლიფონავამ და ზუკა გუმბარიძემ საჯარო რეესტრში 2019 წლის ივლისში დაარეგისტრირეს.
თავდაპირველად, კომპანიის 25%-იან წილებს მიხეილ მშვილდაძე, ზურაბ გუმბარიძე, ირაკლი საღინაძე და გიორგი ლიფონავა ფლობდნენ, 2019 წლის სექტემბერში კი ტელეკომპანიის საკონტროლო პაკეტის (51%) მფლობელი დავით კეზერაშვილი გახდა. 2023 წელს, კეზერაშვილმა კუთვნილი 51%-დან 25% ა(ა)იპ „თავისუფლების ფორმულას“, ტელევიზიის თანამშრომლებს სიმბოლურად 1 ლარად გადასცა.
ტელეკომპანია „ფორმულა" არის ერთ-ერთი იმ სამი ახალი ტელეარხიდან, რომელიც მკვეთრად აკრიტიკებს ქვეყნის ხელისუფლებას. მმართველი პარტია აღნიშნულ ტელეკომპანიებს ოპოზიციური პარტია „ერთიანი ნაციონალური მოძრაობის" პრეს-სამსახურს უწოდებს.
დავით კეზერაშვილს თავდაცვის მინისტრის პოსტი მიხეილ სააკაშვილის მმართველობის პერიოდში 2006-2008 წლებში ეკავა. ქვეყანაში ხელისუფლების ცვლილების (2012 წელი) შემდეგ მან საქართველო დატოვა. მასზე საერთაშორისო ძებნა იყო გამოცხადებული, თუმცა 2015 წელს ინტერპოლმა კეზერაშვილი ძებნილთა სიიდან ამოიღო.
მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.
კეზერაშვილი ისრაელის მოქალაქეა.
