ჩუღურეთის მოსახლეობის ნაწილს წყალი არ მიეწოდება

© photo: Sputnik / Евгений Одиноковონკანი
ონკანი - Sputnik საქართველო, 1920, 10.03.2025
გამოწერა
წყალმომარაგების შეზღუდვისა და აღდგენის შესახებ ინფორმაციას კომპანია აბონენტებს წინასწარ, SMS-შეტყობინების სახით უგზავნის.
თბილისი, 10 მარტი — Sputnik. ჩუღურეთის რაიონის მოსახლეობის ნაწილს წყალმომარაგება დღის ბოლომდე აღუდგება, იუწყება წყალგამანაწილებელი კომპანია „ჯორჯიან უოთერ ენდ ფაუერი“(GWP).
კომპანიის ცნობით, წყლის მიწოდების შეწყვეტის მიზეზი წინამძღვრიშვილისა და მაზნიაშვილის ქუჩების კვეთაზე წყალმომარაგების მაგისტრალურ ქსელზე ავარიული დაზიანების აღსადგენად მიმდინარე ტექნიკურ სამუშაოებია.
„მაგისტრალური მილის დაზიანებულ მონაკვეთზე სამუშაოები მთელი ღამის განმავლობაში ინტენსიური რეჟიმში მიმდინარეობდა და დღეს, 10 მარტის 18:00 საათზე დასრულდება", - ნათქვამია განცხადებაში.
საღამოს 6 საათამდე წყალმომარაგება შეზღუდული აქვს ჩუღურეთის რაიონის 80-ზე მეტი ქუჩის, ასევე აღმაშენებლის გამზირის, თამარ მეფის გამზირის, ზაარბრიუკენის და ვაგზლის მოედნის მოსახლეობის ნაწილს.
კონკრეტული ქუჩების ჩამონათვალი იხილეთ ბმულზე.
კომპანია GWP ბოდიშს უხდის მომხმარებლებს შექმნილი დისკომფორტისთვის.
ყველა ახალი ამბავი
0