ინდონეზიის უმსხვილესი ტუროპერატორები საქართველოს ტურისტულ პოტენციალს ეცნობიან

© photo: Sputnikინდოელი სტუდენტები თბილისში
ინდოელი სტუდენტები თბილისში - Sputnik საქართველო, 1920, 08.03.2025
გამოწერა
მედიის წარმომადგენლები საქართველოს ტურისტული მიმართულების შესახებ სიუჟეტებსა და ბლოგებს მოამზადებენ.
თბილისი, 8 მარტი - Sputnik. ტურიზმის ეროვნული ადმინისტრაცია ინდონეზიის წამყვანი ტურისტული კომპანიებისა და მედიასაშუალებების წარმომადგენლებსა და ბლოგერებს მასპინძლობს, ნათქვამია უწყების მიერ გავრცელებულ განცხადებაში.
ტურის 12 მონაწილე თბილისს, კახეთს, გუდაურსა და ყაზბეგს ეწვია. მედიის წარმომადგენლები საქართველოს ტურისტული მიმართულების, კულტურის, ბუნებისა და კულინარიის შესახებ სიუჟეტებსა და ბლოგებს მოამზადებენ.
გაცნობითი ტურის ფარგლებში, B2B ფორმატის ფარგლებში, ინდონეზიელ ტუროპერატორებს ქართველი კოლეგები შეხვდნენ.
„ჩვენს მთავარ მიზანს წარმოადგენს ხელი შევუწყოთ ახალ, გრძელვადიან და ნაყოფიერ თანამშრომლობას, რათა კიდევ უფრო გავაძლიეროთ ტურიზმის სექტორი და შევქმნათ ახალი შესაძლებლობები, როგორც ბიზნესისთვის, ასევე ტურისტებისთვის", - განაცხადა ტურიზმის ეროვნული ადმინისტრაციის ხელმძღვანელის პირველმა მოადგილემ თამარ ყორიაულმა.
შეხვედრის ფარგლებში, ქართული კერძო სექტორის 20-ზე მეტ წარმომადგენელს საშუალება ჰქონდა გასცნობოდა ინდონეზიის ტურისტული სააგენტოების ერთ-ერთი უდიდესი ასოციაციას ASTINDO-ს, რომელიც 1200-ზე მეტ ტურისტულ სააგენტოს, ავიაკომპანიასა და სასტუმროს აერთიანებს.
გაცნობითი ტური ინდონეზიაში საქართველოს საელჩოსა და თურქეთის ავიახაზების მხარდაჭერით ტარდება.
ყველა ახალი ამბავი
0