პროფესიული განათლება კვლავაც პოპულარულია საქართველოში - ახალი მონაცემები

© Sputnik / Levan AvlabreliIT აკადემია
IT აკადემია - Sputnik საქართველო, 1920, 07.03.2025
გამოწერა
სტუდენტების რიცხვი, ვისაც პროფესიული განათლების მიღება, კვლავაც მზარდია
თბილისი, 7 მარტი — Sputnik. საქართველოში 2024 წელს პროფესიულ სასწავლებლებში ჩარიცხულთა რაოდენობა 2023 წელთან შედარებით 10,3%-ით გაიზარდა, ნათქვამია სტატისტიკის ეროვნული სამსახურის „საქსტატის“ მასალებში.
2024 წელს პროფსასწავლებლებში 17,1 ათასი პირი ჩაირიცხა, აქედან 49,7% ქალი და 50,3% - მამაკაცი.
2024 წლის ბოლოსთვის იმ საგანმანათლებლო დაწესებულებების რაოდენობა, რომლებმაც სტუდენტები პროფესიულ პროგრამებზე მიიღეს, 122-ს შეადგენდა, აქედან 75 სახელმწიფო, ხოლო 47 - კერძო სასწავლებელი იყო.
„საქსტატის" ცნობით, პროფესიულ სასწავლებლებში ჩარიცხულთა რაოდენობით ლიდერობს თბილისი (36,4%), შემდეგ მოდიან: აჭარა (18,6%), იმერეთი (11,9%), ქვემო ქართლი (10,1%), სამეგრელო–ზემო სვანეთი (8,9%), კახეთი (4,8%),
2024 წელს პროფესიულ საგანმანათლებლო პროგრამებზე სპეციალური საგანმანათლებლო საჭიროების მქონე 257 სტუდენტი ჩაირიცხა, რომელთაგან 31,1% ქალია. რეგიონების მიხედვით ყველაზე მეტი სტუდენტი თბილისში ჩაირიცხა – 47,1%, მეორე ადგილზე იმერეთი – 9,7%.
2024 წელს პროფსასწავლებლების კურსდამთავრებულთა რაოდენობამ 9,5 ათასი შეადგინა, აქედან 47,7% ქალია, 52,3% - მამაკაცი. მათმა უმრავლესობამ აირჩია ისეთი საგანმანათლებლო პროგრამები, როგორიცაა ინჟინერია, წარმოება და მშენებლობა, ბიზნეს-ადმინისტრირება, მენეჯმენტი, სამართალი.
2023 წელს პროფესიულ სასწავლებლებში ჩარიცხული სტუდენტების რაოდენობა 2022 წელთან შედარებით 9,9%-ით გაიზარდა და 15,5 ათასი შეადგინა. აქედან 47,9% ქალი იყო, 52,1% - მამაკაცი.
მას შემდეგ, რაც საქართველომ „პროფესიული განათლების შესახებ“ ახალი კანონი მიიღო, ქვეყანაში მნიშვნელოვნად განვითარდა პროფესიული განათლების სხვადასხვა მიმართულებები.
ყველა ახალი ამბავი
0