ორთაჭალაში მომხდარი ავტოსაგზაო შემთხვევისას დაშავებული ქალი საავადმყოფოში გარდაიცვალა

© photo: Sputnik / Stringerსასწრაფო დახმარების მანქანა
სასწრაფო დახმარების მანქანა - Sputnik საქართველო, 1920, 07.03.2025
გამოწერა
თბილისში, კრწანისის რაიონში ტრაქტორი 5 მარტს დაგორდა.
თბილისი, 7 მარტი — Sputnik. ორთაჭალაში, კალანდაძის ქუჩის კუთხეში მომხდარი ავტოსაგზაო შემთხვევის შედეგად დაშავებული ერთ-ერთი პირი გუშინ საავადმყოფოში გარდაიცვალა, იუწყება ტელეკომპანია „მთავარი".
შემთხვევა 5 მარტს მოხდა. თბილისში, კრწანისის რაიონში ტრაქტორი დაგორდა და 3 მსუბუქ ავტომობილს დაეჯახა. შემთხვევის შედეგად დაშავდა ორი პირი.
ერთ-ერთი დაშავებული ქალი „ნიუ ჰოსპიტალის" კლინიკაში გადაიყვანეს, სადაც მას გუშინ ოპერაციაც ჩაუტარდა, თუმცა მისი გადარჩენა ექიმებმა ვერ შეძლეს.
ორთაჭალაში, აღნიშნულ ადგილას 2023 წლის ნოემბერში სატვირთო მანქანაც დაგორდა და 15 წლის მოზარდს დაეჯახა, რომელიც ადგილზე დაიღუპა.
ყველა ახალი ამბავი
0