https://sputnik-georgia.com/20250307/giorgi-baciasvilze-interpolit-zebna-gamocxadda-292410252.html
გიორგი ბაჩიაშვილზე ინტერპოლით ძებნა გამოცხადდა
გიორგი ბაჩიაშვილზე ინტერპოლით ძებნა გამოცხადდა
Sputnik საქართველო
ბაჩიაშვილს ბრალი სისხლის სამართლის 3 საქმეზე აქვს წარდგენილი და სამივე მათგანზე პატიმრობა დაუსწრებლად აქვს შეფარდებული. 07.03.2025-ს, Sputnik საქართველო
2025-03-07T14:06+0400
2025-03-07T14:06+0400
2025-03-07T14:06+0400
ახალი ამბები
საქართველო
საქართველოს პროკურატურა
https://cdnn1.img.sputnik-georgia.com/img/07e5/03/0a/251127873_0:134:1280:854_1920x0_80_0_0_f2925030bee60c6472fd5c91bf85ef9d.jpg.webp
თბილისი, 7 მარტი — Sputnik. შესაბამისმა დეპარტამენტმა ინტერპოლს თანაინვესტირების ფონდის ყოფილი გენერალური დირექტორის, გიორგი ბაჩიაშვილის წითელი ცირკულარით ძებნის თაობაზე უკვე მიმართა, განაცხადა ბაჩიაშვილის საქმის პროკურორმა მიხეილ სადრაძემ. 4 მარტს თანაინვესტირების ფონდის ყოფილმა გენერალურმა დირექტორმა გიორგი ბაჩიაშვილმა, რომელსაც საქართველოში ორ სისხლის სამართლის საქმეზე ბრალი ჰქონდა წაყენებული და გირაოს სანაცვლოდ თავისუფლებაზე იმყოფებოდა, ქვეყნის დატოვების შესახებ განცხადება სოციალურ ქსელში გაავრცელა. აღნიშნულ ფაქტთან დაკავშირებით მას საზღვრის უკანონო კვეთის ფაქტზე მესამე ბრალდებაც წარედგინა. აღნიშნულ ფაქტს გამოეხმაურა გიორგი ბაჩიაშვილის ადვოკატი, ლევან მახარაშვილი. მისი განცხადებით, დაცვის მხარე ინტერპოლსა და ყველა სათანადო სტრუქტურას მიაწვდის ინფორმაციას, რომ ბაჩიაშვილი არ უნდა იყოს დაკავებული. „ინტერპოლი ძებნას არ ახორციელებს. მისი მიზანია, თუკი სახელმწიფო საზღვარს რომელიმე პირი მიუახლოვდება და ბაზაში გადამოწმდება, დაიდენტიფიცირდეს, ხომ არ ირიცხება ძებნილად. თუ საზღვართან მიდის ძებნილი, ინტერპოლი შეაყოვნებს, ცალკე პროცედურაა დააკავებს თუ არა. ასევე, შესაძლებელია, ძებნა გამოცხადდეს, მაგრამ მხარემ დამატებითი მტკიცებულებები წარადგინოს და ეს ძებნა გაუქმდეს ", - აღნიშნა ლევან მახარაშვილმა. გუშინ თბილისის საქალაქო სასამართლომ გიორგი ბაჩიაშვილს კრიპტოვალუტის მითვისების საქმეზე გირაო პატიმრობით შეუცვალა, გირაოს სახით შეფარდებულ 2,5 მლნ ლარს კი ბაჩიაშვილების უძრავი ქონებიდან ამოიღებენ. გუშინვე პატიმრობით შეეცვალა "მტკვარი ჰესის" საქმეზე აღკვეთის ღონისძიების სახით შეფარდებული 50 ათას ლარიანი გირაოც. შსს-ს ცნობით, ბაჩიაშვილმა საქართველოს სახელმწიფო საზღვარი 2 მარტს სასაზღვრო-გამტარი პუნქტის გვერდის ავლით, ავტომობილში მოწყობილი სპეციალური სამალავის საშუალებით, სომხეთის მიმართულებით ფარულად გადაკვეთა, სომხეთის სასაზღვრო-გამშვებ პუნქტში კი წარადგინა მის სახელზე გაცემული რუსეთის ფედერაციის მოქალაქეობის დამადასტურებელი სხვა პასპორტი და გაიარა საზღვარი. აღნიშნულ საქმეზე ბაჩიაშვილისთვის საქართველოს სახელმწიფო საზღვრის უკანონო გადაკვეთაში დახმარების ბრალდებით გუშინ 47 წლის მამაკაცი დააკავეს. როგორც ბაჩიაშვილმა სოციალურ ქსელში დაწერა, მისი ქვეყნიდან წასვლა არა დანებება, არამედ გააზრებული და სტრატეგიული ნაბიჯია. მისი თქმით, ქვეყნის დატოვების მიზეზი გახდა "შეთითხნილი ბრალდებები". ამასთან, როგორც ბაჩიაშვილმა აღნიშნა, მან მიიღო "სანდო ინფორმაცია მის უსაფრთხოებაზე რეალური საფრთხეების შესახებ". გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წელს აღიძრა. მას ივანიშვილის კრიპტოვალუტის გაფლანგვასა და 39,2 მლნ დოლარის უკანონო შემოსავლის ლეგალიზაციაში ედება ბრალი. გამოძიების ვერსიით, ბაჩიაშვილმა დაარწმუნა ივანიშვილი ბიტკოინის მაინინგში თანხა ჩაედო, შემდეგ კი შემოსავალი თავადვე მიითვისა. ივანიშვილის ყოფილ პარტნიორს აღნიშნულ საქმეზე აღკვეთის ღონისძიების სახით 2,5 მლნ ლარის ოდენობით გირაო შეუფარდეს, ასევე დაუწესეს დამატებითი შემზღუდავი ღონისძიებები. „მტკვარი ჰესის" საქმეზე მეორე ბრალდება ბიზნესმენს მიმდინარე წლის 25 თებერვალს წაუყენეს და ამ შემთხვევაშიც მას გირაო შეუფარდეს - ამჯერად 50 ათასი ლარი. გამოძიების ვერსიით ბაჩიაშვილმა, როგორც ფონდის გენდირექტორმა, არაჯეროვნად შეასრულა თავისი მოვალეობა "მტკვარი ჰესის" მშენებლობის პროექტში ინვესტირების საკითხში. ბაჩიაშვილს თანაინვესტირების ფონდის გენერალური დირექტორის პოსტი 2013 წლიდან 2019 წლის მაისამდე პერიოდში ეკავა, შემდეგ კი 2023 წლამდე იყო ამავე ფონდის მრჩეველთა საბჭოს თავმჯდომარე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს პროკურატურა
ახალი ამბები, საქართველო, საქართველოს პროკურატურა
გიორგი ბაჩიაშვილზე ინტერპოლით ძებნა გამოცხადდა
ბაჩიაშვილს ბრალი სისხლის სამართლის 3 საქმეზე აქვს წარდგენილი და სამივე მათგანზე პატიმრობა დაუსწრებლად აქვს შეფარდებული.
თბილისი, 7 მარტი — Sputnik. შესაბამისმა დეპარტამენტმა ინტერპოლს თანაინვესტირების ფონდის ყოფილი გენერალური დირექტორის, გიორგი ბაჩიაშვილის წითელი ცირკულარით ძებნის თაობაზე უკვე მიმართა, განაცხადა ბაჩიაშვილის საქმის პროკურორმა მიხეილ სადრაძემ.
4 მარტს თანაინვესტირების ფონდის ყოფილმა გენერალურმა დირექტორმა გიორგი ბაჩიაშვილმა, რომელსაც საქართველოში ორ სისხლის სამართლის საქმეზე ბრალი ჰქონდა წაყენებული და გირაოს სანაცვლოდ თავისუფლებაზე იმყოფებოდა, ქვეყნის დატოვების შესახებ განცხადება სოციალურ ქსელში გაავრცელა. აღნიშნულ ფაქტთან დაკავშირებით მას საზღვრის უკანონო კვეთის ფაქტზე მესამე ბრალდებაც წარედგინა.
„როგორც ჩემთვის ცნობილია, შესაბამისმა დეპარტამენტმა, სტრუქტურულმა ერთეულმა უკვე მიმართა ბაჩიაშვილის მიმართ წითელი ცირკულარით ძებნასთან დაკავშირებით", - განაცხადა პროკურორმა ჟურნალისტებთან საუბრისას.
აღნიშნულ ფაქტს გამოეხმაურა გიორგი ბაჩიაშვილის ადვოკატი, ლევან მახარაშვილი. მისი განცხადებით, დაცვის მხარე ინტერპოლსა და ყველა სათანადო სტრუქტურას მიაწვდის ინფორმაციას, რომ ბაჩიაშვილი არ უნდა იყოს დაკავებული.
„ინტერპოლი ძებნას არ ახორციელებს. მისი მიზანია, თუკი სახელმწიფო საზღვარს რომელიმე პირი მიუახლოვდება და ბაზაში გადამოწმდება, დაიდენტიფიცირდეს, ხომ არ ირიცხება ძებნილად. თუ საზღვართან მიდის ძებნილი, ინტერპოლი შეაყოვნებს, ცალკე პროცედურაა დააკავებს თუ არა. ასევე, შესაძლებელია, ძებნა გამოცხადდეს, მაგრამ მხარემ დამატებითი მტკიცებულებები წარადგინოს და ეს ძებნა გაუქმდეს ", - აღნიშნა ლევან მახარაშვილმა.
გუშინ თბილისის საქალაქო სასამართლომ გიორგი ბაჩიაშვილს კრიპტოვალუტის მითვისების საქმეზე გირაო პატიმრობით შეუცვალა, გირაოს სახით შეფარდებულ 2,5 მლნ ლარს კი ბაჩიაშვილების უძრავი ქონებიდან ამოიღებენ. გუშინვე პატიმრობით შეეცვალა "მტკვარი ჰესის" საქმეზე აღკვეთის ღონისძიების სახით შეფარდებული 50 ათას ლარიანი გირაოც.
შსს-ს ცნობით, ბაჩიაშვილმა საქართველოს სახელმწიფო საზღვარი 2 მარტს სასაზღვრო-გამტარი პუნქტის გვერდის ავლით, ავტომობილში მოწყობილი სპეციალური სამალავის საშუალებით, სომხეთის მიმართულებით ფარულად გადაკვეთა, სომხეთის სასაზღვრო-გამშვებ პუნქტში კი წარადგინა მის სახელზე გაცემული რუსეთის ფედერაციის მოქალაქეობის დამადასტურებელი სხვა პასპორტი და გაიარა საზღვარი. აღნიშნულ საქმეზე ბაჩიაშვილისთვის საქართველოს სახელმწიფო საზღვრის უკანონო გადაკვეთაში დახმარების ბრალდებით გუშინ 47 წლის მამაკაცი დააკავეს.
როგორც ბაჩიაშვილმა სოციალურ ქსელში დაწერა, მისი ქვეყნიდან წასვლა არა დანებება, არამედ გააზრებული და სტრატეგიული ნაბიჯია. მისი თქმით, ქვეყნის დატოვების მიზეზი გახდა "შეთითხნილი ბრალდებები". ამასთან, როგორც ბაჩიაშვილმა აღნიშნა, მან მიიღო "სანდო ინფორმაცია მის უსაფრთხოებაზე რეალური საფრთხეების შესახებ".
გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წელს აღიძრა. მას ივანიშვილის კრიპტოვალუტის გაფლანგვასა და 39,2 მლნ დოლარის უკანონო შემოსავლის ლეგალიზაციაში ედება ბრალი. გამოძიების ვერსიით, ბაჩიაშვილმა დაარწმუნა ივანიშვილი ბიტკოინის მაინინგში თანხა ჩაედო, შემდეგ კი შემოსავალი თავადვე მიითვისა. ივანიშვილის ყოფილ პარტნიორს აღნიშნულ საქმეზე აღკვეთის ღონისძიების სახით 2,5 მლნ ლარის ოდენობით გირაო შეუფარდეს, ასევე დაუწესეს დამატებითი შემზღუდავი ღონისძიებები.
„მტკვარი ჰესის" საქმეზე მეორე ბრალდება ბიზნესმენს მიმდინარე წლის 25 თებერვალს წაუყენეს და ამ შემთხვევაშიც მას გირაო შეუფარდეს - ამჯერად 50 ათასი ლარი. გამოძიების ვერსიით ბაჩიაშვილმა, როგორც ფონდის გენდირექტორმა, არაჯეროვნად შეასრულა თავისი მოვალეობა "მტკვარი ჰესის" მშენებლობის პროექტში ინვესტირების საკითხში.
ბაჩიაშვილს თანაინვესტირების ფონდის გენერალური დირექტორის პოსტი 2013 წლიდან 2019 წლის მაისამდე პერიოდში ეკავა, შემდეგ კი 2023 წლამდე იყო ამავე ფონდის მრჩეველთა საბჭოს თავმჯდომარე.
