https://sputnik-georgia.com/20250306/saqartvelos-da-azerbaijanis-centraluri-bankebi-tanamsromlobas-arrmaveben-292402155.html
საქართველოს და აზერბაიჯანის ცენტრალური ბანკები თანამშრომლობას აღრმავებენ
საქართველოს და აზერბაიჯანის ცენტრალური ბანკები თანამშრომლობას აღრმავებენ
Sputnik საქართველო
ორი ქვეყნის ცენტრალური ბანკის წარმომადგენელთა შეხვედრაზე ყურადღება გამახვილდა ქვეყნებს შორის ფინანსური სერვისების განვითარების შესაძლებლობებზე 06.03.2025-ს, Sputnik საქართველო
2025-03-06T20:09+0400
2025-03-06T20:09+0400
2025-03-06T20:09+0400
ახალი ამბები
საქართველო
საქართველოს ეროვნული ბანკი
აზერბაიჯანი
https://cdnn1.img.sputnik-georgia.com/img/07e9/03/06/292398008_0:129:1900:1198_1920x0_80_0_0_d10578ccb250cf4b1fad6f7cd484c1ed.jpg
თბილისი, 6 მარტი — Sputnik. საქართველოს ეროვნულ ბანკსა და აზერბაიჯანის ცენტრალურ ბანკს შორის ურთიერთთანამშრომლობის მემორანდუმი გაფორმდა, იუწყება საქართველოს ეროვნული ბანკი. დოკუმენტს ხელი ეროვნული ბანკის პრეზიდენტის ნათია თურნავამ და აზერბაიჯანის ცენტრალური ბანკის პრეზიდენტმა ტალეჰ კაზიმოვმა ბაქოში მოაწერეს. მემორანდუმის ხელმოწერის ცერემონიალს წინ ორი ქვეყნის დელეგაციებს შორის შეხვედრა უძღოდა წინ. მხარეებმა განიხილეს რეგიონული თანამშრომლობის გაძლიერების საკითხები მონეტარული პოლიტიკისა და ცენტრალური ბანკის საქმიანობის სფეროში. საუბარი შეეხო ასევე რეგიონალურ მაკროეკონომიკურ გარემოს, საფინანსო სექტორს და გეოპოლიტიკური ფაქტორების გავლენას მონეტარულ პოლიტიკაზე. საქართველოს მაკროეკონომიკურ პერსპექტივასა და მონეტარული პოლიტიკაზე საუბრისას ნათია თურნავამ აღნიშნა, რომ საქართველოს ეკონომიკა შოკების მიმართ კვლავ მდგრადია. მისი თქმით, ინფლაცია მიზნობრივ მაჩვენებელზე დაბალია და ეკონომიკური ზრდა მაღალია. ფასების სტაბილურობა სებ-ის მონეტარული პოლიტიკის ფრთხილი გადაწყვეტილებებით, მათ შორის, დროული გამკაცრებითა და შემდგომ თანდათანობითი შემსუბუქებით იქნა მიღწეული. როგორც სებ-ის პრეზიდენტმა აღნიშნა ინფლაცია მომდევნო თვეებში მიზნობრივ მაჩვენებელზე - 3 %-ზე დაბლა დარჩება. მისი თქმით, ფინანსური სტაბილურობის პერსპექტივის თვალსაზრისით, საქართველოს საბანკო სექტორი მყარ მომგებიანობასა და ჯანსაღ საკრედიტო ზრდას ინარჩუნებს, რომელშიც ბიზნეს სესხების წვლილი უმნიშვნელოვანესია. ორი ქვეყნის ცენტრალური ბანკის წარმომადგენელთა შეხვედრაზე ყურადღება გამახვილდა ქვეყნებს შორის ფინანსური სერვისების განვითარების შესაძლებლობებზე, მათ შორის ტრანსსასაზღვრო გადახდების ეფექტიანობის გაუმჯობესების საკითხებზე. ამჟამად საქართველოს ეროვნული ბანკი მუშაობს საგადახდო ინფრასტრუქტურის მოდერნიზაციაზე, რათა ის უფრო სწრაფი და ეფექტური გახდეს. ეს არის ორი უმნიშვნელოვანესი პროექტი RTGS სისტემის განახლება და მყისიერი გადახდების სისტემის დანერგვა. მხარეები შეთანხმდნენ, რომ თანამშრომლობის ფარგლებში შეისწავლიან გადახდების მიმართულებით თანამშრომლობის შესაძლებლობებს, რათა მოხდეს ტრანზაქციების ხარჯების შემცირება და ეფექტურობის ზრდა. შეხვედრაზე მხარეებმა ფინტექ სფეროში რეგიონული თანამშრომლობის შესახებაც ისაუბრეს. აღსანიშნავია, რომ ბოლო წლებში ორივე ქვეყანამ ინოვაციების განვითარების მიმართულებით მნიშვნელოვანი ნაბიჯები გადადგეს. როგორც შეხვედრაზე აღინიშნა, ორი ქვეყნის ცენტრალურ ბანკს შორის თანამშრომლობის გაღრმავება ფინანსური სერვისების განვითარების ახალ ეტაპზე გადასვლას შეუწყობს ხელს.
საქართველო
აზერბაიჯანი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e9/03/06/292398008_209:0:1896:1265_1920x0_80_0_0_3b012f4655480d1ba53f1f6d2b49c8b7.jpgSputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ეროვნული ბანკი , აზერბაიჯანი
ახალი ამბები, საქართველო, საქართველოს ეროვნული ბანკი , აზერბაიჯანი
საქართველოს და აზერბაიჯანის ცენტრალური ბანკები თანამშრომლობას აღრმავებენ
ორი ქვეყნის ცენტრალური ბანკის წარმომადგენელთა შეხვედრაზე ყურადღება გამახვილდა ქვეყნებს შორის ფინანსური სერვისების განვითარების შესაძლებლობებზე
თბილისი, 6 მარტი — Sputnik. საქართველოს ეროვნულ ბანკსა და აზერბაიჯანის ცენტრალურ ბანკს შორის ურთიერთთანამშრომლობის მემორანდუმი გაფორმდა, იუწყება საქართველოს ეროვნული ბანკი.
დოკუმენტს ხელი ეროვნული ბანკის პრეზიდენტის ნათია თურნავამ და აზერბაიჯანის ცენტრალური ბანკის პრეზიდენტმა ტალეჰ კაზიმოვმა ბაქოში მოაწერეს.
მემორანდუმის ხელმოწერის ცერემონიალს წინ ორი ქვეყნის დელეგაციებს შორის შეხვედრა უძღოდა წინ.
მხარეებმა განიხილეს რეგიონული თანამშრომლობის გაძლიერების საკითხები მონეტარული პოლიტიკისა და ცენტრალური ბანკის საქმიანობის სფეროში. საუბარი შეეხო ასევე რეგიონალურ მაკროეკონომიკურ გარემოს, საფინანსო სექტორს და გეოპოლიტიკური ფაქტორების გავლენას მონეტარულ პოლიტიკაზე.
საქართველოს მაკროეკონომიკურ პერსპექტივასა და მონეტარული პოლიტიკაზე საუბრისას ნათია თურნავამ აღნიშნა, რომ საქართველოს ეკონომიკა შოკების მიმართ კვლავ მდგრადია.
მისი თქმით, ინფლაცია მიზნობრივ მაჩვენებელზე დაბალია და ეკონომიკური ზრდა მაღალია. ფასების სტაბილურობა სებ-ის მონეტარული პოლიტიკის ფრთხილი გადაწყვეტილებებით, მათ შორის, დროული გამკაცრებითა და შემდგომ თანდათანობითი შემსუბუქებით იქნა მიღწეული.
როგორც სებ-ის პრეზიდენტმა აღნიშნა ინფლაცია მომდევნო თვეებში მიზნობრივ მაჩვენებელზე - 3 %-ზე დაბლა დარჩება.
მისი თქმით, ფინანსური სტაბილურობის პერსპექტივის თვალსაზრისით, საქართველოს საბანკო სექტორი მყარ მომგებიანობასა და ჯანსაღ საკრედიტო ზრდას ინარჩუნებს, რომელშიც ბიზნეს სესხების წვლილი უმნიშვნელოვანესია.
ორი ქვეყნის ცენტრალური ბანკის წარმომადგენელთა შეხვედრაზე ყურადღება გამახვილდა ქვეყნებს შორის ფინანსური სერვისების განვითარების შესაძლებლობებზე, მათ შორის ტრანსსასაზღვრო გადახდების ეფექტიანობის გაუმჯობესების საკითხებზე.
ამჟამად საქართველოს ეროვნული ბანკი მუშაობს საგადახდო ინფრასტრუქტურის მოდერნიზაციაზე, რათა ის უფრო სწრაფი და ეფექტური გახდეს. ეს არის ორი უმნიშვნელოვანესი პროექტი RTGS სისტემის განახლება და მყისიერი გადახდების სისტემის დანერგვა.
მხარეები შეთანხმდნენ, რომ თანამშრომლობის ფარგლებში შეისწავლიან გადახდების მიმართულებით თანამშრომლობის შესაძლებლობებს, რათა მოხდეს ტრანზაქციების ხარჯების შემცირება და ეფექტურობის ზრდა.
შეხვედრაზე მხარეებმა ფინტექ სფეროში რეგიონული თანამშრომლობის შესახებაც ისაუბრეს.
აღსანიშნავია, რომ ბოლო წლებში ორივე ქვეყანამ ინოვაციების განვითარების მიმართულებით მნიშვნელოვანი ნაბიჯები გადადგეს.
როგორც შეხვედრაზე აღინიშნა, ორი ქვეყნის ცენტრალურ ბანკს შორის თანამშრომლობის გაღრმავება ფინანსური სერვისების განვითარების ახალ ეტაპზე გადასვლას შეუწყობს ხელს.