ქართველი მხარტვის ნამუშევარი Christie's აუქციონზეა

© courtesy of Christie's Картина грузинского художника Вахо Бугадзе
Картина грузинского художника Вахо Бугадзе - Sputnik საქართველო, 1920, 05.03.2025
გამოწერა
ვახო ბუღაძე თბილისელი ფერმწერი და მოქანდაკეა. მის ნამუშევრებს საქართველოს საგამოფენო დარბაზებთან ერთად, ხშირად უცხოური გალერეებიც მასპინძლობს.
თბილისი, 5 მარტი — Sputnik. ცნობილი ქართველი მხატვრის ვახო ბუღაძის ნამუშევარი „სექსის შემდეგ" Christie's-ის ონლაინ-აუქციონზე იყიდება. ამის შესახებ ინფორმაცია სოციალურ ქსელში თავად მხატვარმა გაავრცელა.
ნამუშევარი, რომელიც მხატვარმა 2015 წელს შექმნა, 4000 ფუნტ სტერლინგად არის შეფასებული.
ქართველი მხატვრის ნამუშევარი „ომის შემდგომი და თანამედროვე ხელოვნება ონლაინ“ კატეგორიაშია (Post-War and Contemporary Art Online) გამოფენილი.
აუქციონი 12 მარტს დასრულდება - მხატვარმა სოციალურ ქსელში გამოაქვეყნა ბმული, რომლის მეშვეობითაც ნახატის ნახვა და შეძენა არის შესაძლებელი.
ვახო ბუღაძე 1964 თბილისში დაიბადა. 1991 წელს დაამთავა თბილისის აპოლონ ქუთათელაძის სახელობის სახელმწიფო სამხატვრო აკადემიის გამოყენებითი ხელოვნების ფაკულტეტი. ბუღაძე ქართული თანამედროვე ხელოვნების ერთ-ერთი გამორჩეული წარმომადგენელია. მის ნამუშევრებს საქართველოს საგამოფენო დარბაზებთან ერთად, ხშირად უცხოური გალერეებიც მასპინძლობენ.
ყველა ახალი ამბავი
0