https://sputnik-georgia.com/20250305/sasamartlom-amaglobeli-patimrobashi-datova-292363421.html
სასამართლომ მზია ამაღლობელი პატიმრობაში დატოვა
სასამართლომ მზია ამაღლობელი პატიმრობაში დატოვა
Sputnik საქართველო
ამაღლობელის გათავისუფლების მოთხოვნით ბათუმის საქალაქო სასამართლოსთან სოლიდარობის აქცია გაიმართა 05.03.2025-ს, Sputnik საქართველო
2025-03-05T10:29+0400
2025-03-05T10:29+0400
2025-03-05T10:29+0400
საქართველო
საზოგადოება
ახალი ამბები
https://cdnn1.img.sputnik-georgia.com/img/23527/14/235271477_0:104:2000:1229_1920x0_80_0_0_58da268dac1f08c286879a90833de761.jpg
თბილისი, 5 მარტი – Sputnik. ბათუმის საქალაქო სასამართლომ ოპოზიციური ინტერნეტ-გამოცემა Netgazeti-სა და Batumelebi-ის დამფუძნებელი და დირექტორი მზია ამაღლობელი პატიმრობაში დატოვა. შესაბამისი გადაწყვეტილება მოსამართლე ვიქტორ მეტრეველმა მიიღო.სასამართლო სხდომას, რომელიც თითქმის 7 საათი გაგრძელდა, თავად ამაღლობელი ესწრებოდა. დარბაზში იმყოფებოდნენ საქართველოში საფრანგეთის ელჩი შერაზ გასრი და სხვადასხვა ქვეყნის საელჩოების წარმომადგენლები.პროცესზე თავდაპირველად მხარეებმა საქმეში მტკიცებულებების დასაშვებობის საკითხზე იმსჯელეს, შემდეგ კი დაცვის მხარემ ჟურნალისტისთვის შეფარდებული აღკვეთის ღონისძიების, პატიმრობის შეცვლის თაობაზე შუამდგომლობა დააყენა. თუმცა, მოსამართლემ დაცვის მხარის აღნიშნული შუამდგომლობა არ დააკმაყოფილა.ამაღლობელს ბრალი სსკ-ის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს, დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.მზია ამაღლობელი 11 იანვრის საღამოს ბათუმში, პოლიციის მთავარ სამმართველოსთან საპროტესტო აქციის დროს ადმინისტრაციული წესით დააკავეს, დაახლოებით ორ საათში ის ხელწერილის საფუძველზე სამ პირთან ერთად გაათავისუფლეს. გათავისუფლებიდან რამდენიმე წუთში კი ამაღლობელმა ბათუმის პოლიციის უფროს ირაკლი დგებუაძეს სილა გააწნა, რის შემდეგაც იგი ხელმეორედ დააკავეს. დაკავების პროტესტის ნიშნად ამაღლობელმა შიმშილობა დაიწყო. ამაღლობელმა 38-დღიანი შიმშილობა 18 თებერვალს შეწყვიტა.14 იანვარს ბათუმის საქალაქო სასამართლოს მოსამართლე ნინო სახელაშვილმა პროკურატურის შუამდგომლობა დააკმაყოფილა და მას აღკვეთის ღონისძიების სახით პატიმრობა შეუფარდა.21 იანვარს ქუთაისის სააპელაციო სასამართლომ ოპოზიციური ინტერნეტ-გამოცემების დამფუძნებლის საქმეზე აღკვეთის ღონისძიების სახით შეფარდებული პატიმრობის შესახებ შესული საჩივარი დაუშვებლად ცნო.14 თებერვალს ამაღლობელისთვის აღკვეთის ღონისძიების გადასინჯვაზე უარი თქვა ბათუმის საქალაქო სასამართლომ. 19 თებერვალს ჟურნალისტის ადვოკატებმა ქუთაისის სააპელაციო სასამართლოში სწორედ აღნიშნული გადაწყვეტილება გაასაჩივრეს. თუმცა სააპელაციო სასამართლომ მზია ამაღლობელისთვის აღკვეთის ღონისძიების შეცვლის თაობაზე ადვოკატთა საჩივარი წარმოებაში კვლავ არ მიიღო.ჟურნალისტი გართულებული ჯანმრთელობის მდგომარეობის გამო სასჯელაღსრულების დაწესებულებიდან კლინიკა „ვივამედში" გამოკვლევებისთვის 4 თებერვალს გადაიყვანეს. იგი კლინიკიდან პენიტენციურ დაწესებულებაში, 38-დღიანი შიმშილობის დასრულებიდან რამდენიმე დღეში, 27 თებერვალს დააბრუნეს.მზია ამაღლობელის პატიმრობიდან გათავისუფლების მოთხოვნით თბილისში, ბათუმსა და ქუთაისში პერმანენტული საპროტესტო აქციები იმართებოდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, ახალი ამბები
საქართველო, საზოგადოება, ახალი ამბები
სასამართლომ მზია ამაღლობელი პატიმრობაში დატოვა
ამაღლობელის გათავისუფლების მოთხოვნით ბათუმის საქალაქო სასამართლოსთან სოლიდარობის აქცია გაიმართა
თბილისი, 5 მარტი – Sputnik. ბათუმის საქალაქო სასამართლომ ოპოზიციური ინტერნეტ-გამოცემა Netgazeti-სა და Batumelebi-ის დამფუძნებელი და დირექტორი მზია ამაღლობელი პატიმრობაში დატოვა. შესაბამისი გადაწყვეტილება მოსამართლე ვიქტორ მეტრეველმა მიიღო.
სასამართლო სხდომას, რომელიც თითქმის 7 საათი გაგრძელდა, თავად ამაღლობელი ესწრებოდა. დარბაზში იმყოფებოდნენ საქართველოში საფრანგეთის ელჩი შერაზ გასრი და სხვადასხვა ქვეყნის საელჩოების წარმომადგენლები.
„არა და არ ვეთანხმები ბრალს. უკანონო პატიმრად მივიჩნევ თავს. საბედნიეროდ, ჩვენს სამშობლოში დიქტატურამ საბოლოოდ ფეხი ვერ მოიკიდა. ამიტომ მჯერა, მეც და სინდისის პატიმრებიც შევძლებთ ჩვენი უდანაშაულობის დამტკიცებას", - ნათქვამია წერილში, რომელიც ამაღლობელმა სასამართლო დარბაზიდან გაავრცელა.
პროცესზე თავდაპირველად მხარეებმა საქმეში მტკიცებულებების დასაშვებობის საკითხზე იმსჯელეს, შემდეგ კი დაცვის მხარემ ჟურნალისტისთვის შეფარდებული აღკვეთის ღონისძიების, პატიმრობის შეცვლის თაობაზე შუამდგომლობა დააყენა. თუმცა, მოსამართლემ დაცვის მხარის აღნიშნული შუამდგომლობა არ დააკმაყოფილა.
ამაღლობელს ბრალი სსკ-ის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს, დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.
მზია ამაღლობელი 11 იანვრის საღამოს ბათუმში, პოლიციის მთავარ სამმართველოსთან საპროტესტო აქციის დროს ადმინისტრაციული წესით დააკავეს, დაახლოებით ორ საათში ის ხელწერილის საფუძველზე სამ პირთან ერთად გაათავისუფლეს. გათავისუფლებიდან რამდენიმე წუთში კი ამაღლობელმა ბათუმის პოლიციის უფროს ირაკლი დგებუაძეს სილა გააწნა, რის შემდეგაც იგი ხელმეორედ დააკავეს. დაკავების პროტესტის ნიშნად ამაღლობელმა შიმშილობა დაიწყო. ამაღლობელმა 38-დღიანი შიმშილობა 18 თებერვალს შეწყვიტა.
14 იანვარს ბათუმის საქალაქო სასამართლოს მოსამართლე ნინო სახელაშვილმა პროკურატურის შუამდგომლობა დააკმაყოფილა და მას აღკვეთის ღონისძიების სახით პატიმრობა შეუფარდა.
21 იანვარს ქუთაისის სააპელაციო სასამართლომ ოპოზიციური ინტერნეტ-გამოცემების დამფუძნებლის საქმეზე აღკვეთის ღონისძიების სახით შეფარდებული პატიმრობის შესახებ შესული საჩივარი დაუშვებლად ცნო.
14 თებერვალს ამაღლობელისთვის აღკვეთის ღონისძიების გადასინჯვაზე უარი თქვა ბათუმის საქალაქო სასამართლომ. 19 თებერვალს ჟურნალისტის ადვოკატებმა ქუთაისის სააპელაციო სასამართლოში სწორედ აღნიშნული გადაწყვეტილება გაასაჩივრეს. თუმცა სააპელაციო სასამართლომ მზია ამაღლობელისთვის აღკვეთის ღონისძიების შეცვლის თაობაზე ადვოკატთა საჩივარი წარმოებაში კვლავ არ მიიღო.
ჟურნალისტი გართულებული ჯანმრთელობის მდგომარეობის გამო სასჯელაღსრულების დაწესებულებიდან კლინიკა „ვივამედში" გამოკვლევებისთვის 4 თებერვალს გადაიყვანეს. იგი კლინიკიდან პენიტენციურ დაწესებულებაში, 38-დღიანი შიმშილობის დასრულებიდან რამდენიმე დღეში, 27 თებერვალს დააბრუნეს.
მზია ამაღლობელის პატიმრობიდან გათავისუფლების მოთხოვნით თბილისში, ბათუმსა და ქუთაისში პერმანენტული საპროტესტო აქციები იმართებოდა.
