მეტეხის ხიდთან მტკვარში ჩავარდნილი ავტომობილი ამოიყვანეს: დაღუპულია ერთი პირი

© photo: Sputnik / STRINGERმეტეხის ხიდი
მეტეხის ხიდი - Sputnik საქართველო, 1920, 04.03.2025
გამოწერა
შემთხვევის ადგილზე საგანგებო სიტუაციების მართვის სამსახურის სამაშველო ჯგუფები არიან მობილიზებული
თბილისი, 4 მარტი — Sputnik. მაშველებმა მეტეხის ხიდთან მტკვარში ჩავარდნილი ავტომობილი ამოიყვანეს, იუწყება Sputnik-ის კორესპონდენტი შემთხვევის ადგილიდან.
ავტომობილში, რომლის მდინარიდან ამოყვანის სამუშაოები სპეციალური ტექნიკით მიმდინარეობდა, ერთი ადამიანის ცხედარი იქნა აღმოჩენილი.
ამ დროისთვის უცნობია რამდენი ადამიანი იმყოფებოდა ავტომობილში.
შემთხვევის ადგილზე საგანგებო სიტუაციების მართვის სამსახურის ჯგუფები იმყოფებიან, სამძებრო-სამაშველო ღონისზიება ამ დრომდე ხორციელდება.
თბილისში, მეტეხის ხიდიდან მტკვარში ავტომობილი დღეს, დაახლოებით ორი საათის წინ გადავარდა. სოციალურ ქსელში გავრცელებული ვიდეოკადრების თანახმად, მანქანამ მეტეხის ხიდზე არსებული ჯებირი გაანგრია და მდინარეში ჩავარდა.
მომხდარ ფაქტზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის უსაფრთხოების დარღვევას გულისხმობს, რამაც ჯანმრთელობის დაზიანება ან ადამიანის სიცოცხლის მოსპობა გამოიწვია.
ყველა ახალი ამბავი
0