https://sputnik-georgia.com/20250304/iaponur-bags-rekonstruqcia-utardeba-292354222.html
იაპონურ ბაღს რეკონსტრუქცია უტარდება
იაპონურ ბაღს რეკონსტრუქცია უტარდება
Sputnik საქართველო
ვიზიტორებს განახლებული იაპონური ბაღის დათვალიერების შესაძლებლობა 10 მარტიდან ექნებათ. 04.03.2025-ს, Sputnik საქართველო
2025-03-04T21:49+0400
2025-03-04T21:49+0400
2025-03-04T21:49+0400
საქართველო
თბილისის მერია
თბილისი დღეს
საზოგადოება
ახალი ამბები
https://cdnn1.img.sputnik-georgia.com/img/23358/62/233586265_0:51:1000:614_1920x0_80_0_0_d46d3a33573284bce0fae8767b48b836.jpg
თბილისი, 4 მარტი — Sputnik. საქართველოს ეროვნულ ბოტანიკურ ბაღში არსებულ იაპონურ ბაღში აღდგენა-რეკონსტრუქციის სამუშაოები მიმდინარეობს, იუწყება თბილისის მერია პროექტი თბილისის მერიისა და საქართველოში იაპონიის საელჩოს მხარდაჭერით ხორციელდება. პროექტის ფარგლებში აღდგება იაპონურ ბაღში არსებული დაზიანებული ისეთი ელემენტები, როგორებიცაა: ტორის ჭიშკარი, მინიატურული ხიდი, ცერემონიების სცენა და სხვა. სამუშაოები, თავდაპირველი პროექტის მსგავსად, საქართველს ეროვნული ბოტანიკური ბაღის მიმართვის საფუძველზე, იაპონური ლანდშაფტური კომპანია „კოსუგის“ (Kosugi Zohen Co) მიერ ლანდშაფტის არქიტექტორის, საერთაშარისო პროექტების მენეჯერ ანდრეას ჰამაჰერის უშუალო ხელმძღვანელობით ხორციელდება. პროცესში ასევე მონაწილეობენ იაპონელი სპეციალისტები, საქართველოს ეროვნული ბოტანიკური ბაღის მებაღეები და ტექნიკოსები. იაპონური ბაღი საქართველოს ეროვნული ბოტანიკური ბაღის, საქართველოში იაპონიის საელჩოსა და თბილისის მუნიციპალიტეტის მერიის ძალისხმევით, JAPAN EXPO’70 FUND-ის მხარდაჭერით, 2016 წელს გაშენდა. მსოფლიოში აღიარებული ტრადიციული იაპონური საბაღო ხელოვნების ნიმუში საქართველოს ეროვნული ბოტანიკური ბაღის ერთ-ერთი ღირსშესანიშნაობაა, რომელმაც სწრაფად მოიპოვა პოპულარობა ტურისტებსა და ადგილობრივ დამთვალიერებლებს შორის. გახსნის დღიდან იაპონური ბაღი ასრულებს იაპონიის კულტურის სიმბოლოს როლს - რეგულარულად ტარდება საკურას ყვავილობის ფესტივალები, ჩაის ცერემონიები, იაპონური მასტერკლასები და იაპონური კულტურისთვის დამახასიათებელი სხვა ღონისძიებები. ბაღი 250 კვ.მ ფართობზეა გაშენებული და მასში იაპონური ხელოვნების ისეთი თვალსაჩინო ნიმუშებია განთავსებული, როგორებიცაა: ტორის ჭიშკარი, მინიატურული ხიდი, ტასოტოს სტილის ქვის კოშკი და სხვა. ყველა ეს ელემენტი საქართველოში იაპონიდანაა ჩამოტანილი. ტერიტორიაზე დარგულია სხვადასხვა სახეობის 200-მდე მცენარე, მათ შორის, ნეკერჩხალი, იაპონური ალუბალი - საკურა და სხვა. რეკონსტრუქციის სამუშაოები უახლოეს დღეებში დასრულდება. ვიზიტორებს განახლებული იაპონური ბაღის დათვალიერების შესაძლებლობა 10 მარტიდან ექნებათ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისის მერია, თბილისი დღეს, საზოგადოება, ახალი ამბები
საქართველო, თბილისის მერია, თბილისი დღეს, საზოგადოება, ახალი ამბები
იაპონურ ბაღს რეკონსტრუქცია უტარდება
ვიზიტორებს განახლებული იაპონური ბაღის დათვალიერების შესაძლებლობა 10 მარტიდან ექნებათ.
თბილისი, 4 მარტი — Sputnik. საქართველოს ეროვნულ ბოტანიკურ ბაღში არსებულ იაპონურ ბაღში აღდგენა-რეკონსტრუქციის სამუშაოები მიმდინარეობს, იუწყება თბილისის მერია
პროექტი თბილისის მერიისა და საქართველოში იაპონიის საელჩოს მხარდაჭერით ხორციელდება.
პროექტის ფარგლებში აღდგება იაპონურ ბაღში არსებული დაზიანებული ისეთი ელემენტები, როგორებიცაა: ტორის ჭიშკარი, მინიატურული ხიდი, ცერემონიების სცენა და სხვა.
სამუშაოები, თავდაპირველი პროექტის მსგავსად, საქართველს ეროვნული ბოტანიკური ბაღის მიმართვის საფუძველზე, იაპონური ლანდშაფტური კომპანია „კოსუგის“ (Kosugi Zohen Co) მიერ ლანდშაფტის არქიტექტორის, საერთაშარისო პროექტების მენეჯერ ანდრეას ჰამაჰერის უშუალო ხელმძღვანელობით ხორციელდება. პროცესში ასევე მონაწილეობენ იაპონელი სპეციალისტები, საქართველოს ეროვნული ბოტანიკური ბაღის მებაღეები და ტექნიკოსები.
იაპონური ბაღი საქართველოს ეროვნული ბოტანიკური ბაღის, საქართველოში იაპონიის საელჩოსა და თბილისის მუნიციპალიტეტის მერიის ძალისხმევით, JAPAN EXPO’70 FUND-ის მხარდაჭერით, 2016 წელს გაშენდა.
მსოფლიოში აღიარებული ტრადიციული იაპონური საბაღო ხელოვნების ნიმუში საქართველოს ეროვნული ბოტანიკური ბაღის ერთ-ერთი ღირსშესანიშნაობაა, რომელმაც სწრაფად მოიპოვა პოპულარობა ტურისტებსა და ადგილობრივ დამთვალიერებლებს შორის. გახსნის დღიდან იაპონური ბაღი ასრულებს იაპონიის კულტურის სიმბოლოს როლს - რეგულარულად ტარდება საკურას ყვავილობის ფესტივალები, ჩაის ცერემონიები, იაპონური მასტერკლასები და იაპონური კულტურისთვის დამახასიათებელი სხვა ღონისძიებები.
ბაღი 250 კვ.მ ფართობზეა გაშენებული და მასში იაპონური ხელოვნების ისეთი თვალსაჩინო ნიმუშებია განთავსებული, როგორებიცაა: ტორის ჭიშკარი, მინიატურული ხიდი, ტასოტოს სტილის ქვის კოშკი და სხვა. ყველა ეს ელემენტი საქართველოში იაპონიდანაა ჩამოტანილი. ტერიტორიაზე დარგულია სხვადასხვა სახეობის 200-მდე მცენარე, მათ შორის, ნეკერჩხალი, იაპონური ალუბალი - საკურა და სხვა.
რეკონსტრუქციის სამუშაოები უახლოეს დღეებში დასრულდება.
ვიზიტორებს განახლებული იაპონური ბაღის დათვალიერების შესაძლებლობა 10 მარტიდან ექნებათ.
