https://sputnik-georgia.com/20250304/ertian-erovnul-gamocdebze-registracia-iwyeba-292346876.html
აბიტურიენტთა საყურადღებოდ! ერთიან ეროვნულ გამოცდებზე რეგისტრაცია იწყება
აბიტურიენტთა საყურადღებოდ! ერთიან ეროვნულ გამოცდებზე რეგისტრაცია იწყება
Sputnik საქართველო
მასწავლებლის გამოცდებისათვის რეგისტრაციის თარიღები უახლოეს მომავალში გამოქვეყნდება. 04.03.2025-ს, Sputnik საქართველო
2025-03-04T15:00+0400
2025-03-04T15:00+0400
2025-03-04T19:28+0400
საქართველო
შეფასებისა და გამოცდების ეროვნული ცენტრი
საზოგადოება
განათლება საქართველოში
ახალი ამბები
https://cdnn1.img.sputnik-georgia.com/img/23617/78/236177881_0:141:1181:805_1920x0_80_0_0_5f9b424db4b0541ff1a5b186171ece32.jpg
თბილისი, 4 მარტი — Sputnik. რეგისტრაცია 2025 წლის ერთიანი ეროვნული გამოცდებისათვის, საერთო სამაგისტრო გამოცდისათვის, ასევე სტუდენტთა საგრანტო კონკურსისათვის 5 მარტს დაიწყება. ინფორმაციას შეფასებისა და გამოცდების ეროვნული ცენტრი ავრცელებს. რეგისტრაცია ცენტრის ვებგვერდზე (online.naec.ge) 5 მარტს, 10:00 საათზე დაიწყება და 2 აპრილის 18:00 საათზე დასრულდება. როგორც შეფასებისა და გამოცდების ეროვნული ცენტრის ხელმძღვანელმა ნინო წერეთელმა დღეს გამართულ ბრიფინგზე განაცხადა, აუცილებელია რეგისტრაციის მსურველებმა გაითვალისწინონ ამ პროცესისათვის დადგენილი ვადები და პროცედურები, რათა წლევანდელ გამოცდებში მონაწილეობა შეძლონ. მისი თქმით, აბიტურიენტები, რომლებიც გამოცდებზე რეგისტრაციის საფასურს 2 აპრილის 18:00 საათამდე გადაიხდიან, თუმცა, რაღაც მიზეზით ვერ მიიყვანენ რეგისტრაციის პროცესს ბოლომდე, შესაძლებლობა ექნებათ იგი 10 აპრილის 18:00 საათამდე დაასრულონ. ერთიან ეროვნულ გამოცდებში მონაწილეობა ფასიანია: ერთი გამოცდის საფასური 10 ლარს შეადგენს. რეგისტრაცია რამდენიმე ეტაპისგან შედგება. რეგისტრაციის ძირითად ეტაპზე - 2 აპრილის 18:00 საათამდე - გამოსაცდელმა უნდა შეავსოს პირადი მონაცემები, აირჩიოს საგამოცდო ქალაქი, ჩასაბარებელი საგნები. ამ ვადის ამოწურვის შემდეგ გამოსაცდელი გამოცდებზე ვეღარ დარეგისტრირდება. თუმცა, საგნის შეცვლა ან დამატება, ასევე გამოცდის ენის შეცვლა აბიტურიენტებს 10 აპრილის 18:00 საათამდე შეუძლიათ. ამ დრომდე ექნებათ მათ საგამოცდო ქალაქის შეცვლის შესაძლებლობაც. უწყების ცნობით, დარეგისტრირებულ აბიტურიენტებს არაერთხელ შეეძლებათ შეცვალონ საგანმანათლებლო პროგრამების პრიორიტეტული ჩამონათვალი. მათი არჩევის, წაშლისა და გადანაცვლების საშუალება გამოსაცდელებს აპელაციების შედეგების გამოქვეყნებიდან მომდევნო დღის ჩათვლით ექნებათ. კონკრეტული თარიღი გამოქვეყნდება ვებგვერდზე www.naec.ge. ერთიან ეროვნულ გამოცდებზე მხოლოდ მე-12 კლასის მოსწავლეები დაიშვებიან.იმისათვის, რომ სტუდენტი გახდეს, აბიტურიენტმა უნდა ჩააბაროს სამი სავალდებულო გამოცდა – ქართული ენა და ლიტერატურა, უცხო ენა და ერთი არჩევითი საგანი – ლიტერატურა, მათემატიკა, ისტორია, გეოგრაფია, ქიმია, ფიზიკა, ბიოლოგია, სახვითი და გამოყენებითი ხელოვნება ან სამოქალაქო განათლება. 2020 წლიდან გაუქმებულ „ზოგადი უნარების“ საგანს აბიტურიენტები ჩააბარებენ მხოლოდ იმ შემთხვევაში, თუ ამას ესა თუ ის უნივერსიტეტი მოითხოვს.მასწავლებლის გამოცდებისათვის რეგისტრაციის თარიღები შეფასებისა და გამოცდების ეროვნული ცენტრის ვებგვერდზე უახლოეს მომავალში გამოქვეყნდება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, შეფასებისა და გამოცდების ეროვნული ცენტრი , საზოგადოება, განათლება საქართველოში , ახალი ამბები
საქართველო, შეფასებისა და გამოცდების ეროვნული ცენტრი , საზოგადოება, განათლება საქართველოში , ახალი ამბები
აბიტურიენტთა საყურადღებოდ! ერთიან ეროვნულ გამოცდებზე რეგისტრაცია იწყება
15:00 04.03.2025 (განახლებულია: 19:28 04.03.2025) მასწავლებლის გამოცდებისათვის რეგისტრაციის თარიღები უახლოეს მომავალში გამოქვეყნდება.
თბილისი, 4 მარტი — Sputnik. რეგისტრაცია 2025 წლის ერთიანი ეროვნული გამოცდებისათვის, საერთო სამაგისტრო გამოცდისათვის, ასევე სტუდენტთა საგრანტო კონკურსისათვის 5 მარტს დაიწყება. ინფორმაციას შეფასებისა და გამოცდების ეროვნული ცენტრი ავრცელებს.
რეგისტრაცია ცენტრის ვებგვერდზე (online.naec.ge) 5 მარტს, 10:00 საათზე დაიწყება და 2 აპრილის 18:00 საათზე დასრულდება.
როგორც შეფასებისა და გამოცდების ეროვნული ცენტრის ხელმძღვანელმა ნინო წერეთელმა დღეს გამართულ ბრიფინგზე განაცხადა, აუცილებელია რეგისტრაციის მსურველებმა გაითვალისწინონ ამ პროცესისათვის დადგენილი ვადები და პროცედურები, რათა წლევანდელ გამოცდებში მონაწილეობა შეძლონ.
მისი თქმით, აბიტურიენტები, რომლებიც გამოცდებზე რეგისტრაციის საფასურს 2 აპრილის 18:00 საათამდე გადაიხდიან, თუმცა, რაღაც მიზეზით ვერ მიიყვანენ რეგისტრაციის პროცესს ბოლომდე, შესაძლებლობა ექნებათ იგი 10 აპრილის 18:00 საათამდე დაასრულონ.
ერთიან ეროვნულ გამოცდებში მონაწილეობა ფასიანია: ერთი გამოცდის საფასური 10 ლარს შეადგენს. რეგისტრაცია რამდენიმე ეტაპისგან შედგება.
რეგისტრაციის ძირითად ეტაპზე - 2 აპრილის 18:00 საათამდე - გამოსაცდელმა უნდა შეავსოს პირადი მონაცემები, აირჩიოს საგამოცდო ქალაქი, ჩასაბარებელი საგნები. ამ ვადის ამოწურვის შემდეგ გამოსაცდელი გამოცდებზე ვეღარ დარეგისტრირდება.
თუმცა, საგნის შეცვლა ან დამატება, ასევე გამოცდის ენის შეცვლა აბიტურიენტებს 10 აპრილის 18:00 საათამდე შეუძლიათ. ამ დრომდე ექნებათ მათ საგამოცდო ქალაქის შეცვლის შესაძლებლობაც.
უწყების ცნობით, დარეგისტრირებულ აბიტურიენტებს არაერთხელ შეეძლებათ შეცვალონ საგანმანათლებლო პროგრამების პრიორიტეტული ჩამონათვალი. მათი არჩევის, წაშლისა და გადანაცვლების საშუალება გამოსაცდელებს აპელაციების შედეგების გამოქვეყნებიდან მომდევნო დღის ჩათვლით ექნებათ. კონკრეტული თარიღი გამოქვეყნდება ვებგვერდზე www.naec.ge.
ერთიან ეროვნულ გამოცდებზე მხოლოდ მე-12 კლასის მოსწავლეები დაიშვებიან.
იმისათვის, რომ სტუდენტი გახდეს, აბიტურიენტმა უნდა ჩააბაროს სამი სავალდებულო გამოცდა – ქართული ენა და ლიტერატურა, უცხო ენა და ერთი არჩევითი საგანი – ლიტერატურა, მათემატიკა, ისტორია, გეოგრაფია, ქიმია, ფიზიკა, ბიოლოგია, სახვითი და გამოყენებითი ხელოვნება ან სამოქალაქო განათლება. 2020 წლიდან გაუქმებულ „ზოგადი უნარების“ საგანს აბიტურიენტები ჩააბარებენ მხოლოდ იმ შემთხვევაში, თუ ამას ესა თუ ის უნივერსიტეტი მოითხოვს.
მასწავლებლის გამოცდებისათვის რეგისტრაციის თარიღები შეფასებისა და გამოცდების ეროვნული ცენტრის ვებგვერდზე უახლოეს მომავალში გამოქვეყნდება.
