https://sputnik-georgia.com/20250303/didi-marxval-ra-aris-akrzaluli-da-ra-dashvebuli-292322521.html
დიდი მარხვა: რა არის აკრძალული და რა - დაშვებული
დიდი მარხვა: რა არის აკრძალული და რა - დაშვებული
Sputnik საქართველო
საქართველოს მართლმადიდებელი ეკლესიის კალენდრის მიხედვით, 2025 წელს აღდგომის მარხვა 3 მარტს დაიწყება და 20 აპრილს დასრულდება. 03.03.2025-ს, Sputnik საქართველო
2025-03-03T13:39+0400
2025-03-03T13:39+0400
2025-03-03T13:39+0400
საქართველო
საეკლესიო კალენდარი
რელიგია
საზოგადოება
https://cdnn1.img.sputnik-georgia.com/img/07e8/05/06/287768145_0:0:3072:1728_1920x0_80_0_0_337d08c630cccb3f16eaaeb28990f008.jpg
ოთხი მრავალდღიანი მარხვიდან დიდი მარხვა ყველაზე მკაცრი, ძირითადი და გრძელვადიანია. ის ექვი შვიდეულისგან, ანუ 40 დღისგან შედგება და ამიტომ დიდმარხვას უწოდებენ. ამით მართლმადიდებელი მრევლი ქრისტეს აღდგომის სადღესასწაულოდ ემზადება.საქართველოს მართლმადიდებელი ეკლესიის მრევლისთვის მარხვა და, განსაკუთრებით, დიდმარხვა მნიშვნელოვანი პერიოდია.დიდმარხვის დროს მორწმუნეები არ იღებენ ხორცსა და რძის ნაწარმს. თევზით ხსნილი კი მხოლოდ ხარებისა (7 აპრილი) და ბზობის (13 აპრილი) დღესასწაულებზეა. მარხვის პირველ და ბოლო კვირას მორწმუნეები სურვილის, შესაძლებლობისა და მოძღვრის კურთხევის მიხედვით ინახავენ მძიმე მარხვას.მარხვის პირველ დღეებში ტაძარში წირვა არ აღევლინება. სრულდება მხოლოდ საეკლესიო წესის მიერ დადგენილი სპეციალური საგალობლები და ლოცვები. ორშაბათს, სამშაბათს, ოთხშაბათსა და ხუთშაბათს იკითხება წმინდა ანდრია კრიტელის დიდი კანონი. ოთხშაბათსა და პარასკევს ტაძრებში ტარდება პირველშეწირულის ლიტურგია. პარასკევს საღამოს ლოცვის დროს იკურთხება ხორბალი.წელს აღდგომის ბრწყინვალე დღესასწაულს საქართველოს მართლმადიდებელი ეკლესია 20 აპრილს აღნიშნავს, შესაბამისად, დიდმარხვაც მისი დადგომისთანავე დასრულდება.მარხვა დიდი სიხარულია მორწმუნისა, რადგან ამ დროს ცხოველი რწმენით ანთებული ადამიანი მზად არის სარწმუნოებრივი გმირობისთვის: ღვთის სიყვარული ხომ მაშინ ხდება რეალური, როდესაც მას საქმით გამოვავლენთ. როგორც წმინდა იაკობ მოციქული ამბობს, საქმის გარეშე რწმენა მკვდარია. ერთ-ერთი ამგვარ საქმეთაგანია ჩვენდამი უფლის უსაზღვრო სიყვარულის პასუხად ამქვეყნიურ სიამეთა მცირე ხნით მოკლება. სწორედ ამას ეწოდება მარხვა. ზოგიერთი სახის საჭმლისგან თავის შეკავება ადვილია (თუმცა ზოგიერთისთვის ეს გადაულახავი დაბრკოლებაა); გაცილებით ძნელია ვნებებსა თუ მავნე მიდრეკილებებზე უარის თქმა. და თუ ზოგიერთი კერძისგან თავის შეკავება ვერ შევძელით, ვერც ვნებებზე ავმაღლდებით. ამ აზრით, გონიერი ადამიანი გამუდმებით უნდა მარხულობდეს. წმინდა მამები ამგვარად ცხოვრობდნენ, მაგრამ ადამიანს თავისი დაცემული, უძლური ბუნების გამო გამუდმებით თავშეკავება არ ძალუძს. ამიტომაც ეკლესიამ დაადგინა დრო და ფორმა მარხვისა, რომლის დაცვაც, — თავდაპირველად თუნდაც საკუთარ თავზე ძალდატანებით, იძულებით, — საწინდარია იმისა, რომ ოდესმე ჭეშმარიტ მარხვას და თავშეკავებით ცხოვრებას შევძლებთ.მარხვაში აუცილებელიალოცვა, მონანიება, საეკლესიო მსახურებაზე დასწრება და კეთილი საქმეების ჩადენა.რა არის დაშვებულიმარხვის დროს დაშვებულია ხილი, ბოსტნეული, მწვანილი, პური, სოკო, შაქარი, ფაფები, თხილი, მზესუმზირა, ჩირის ასორტი, თაფლი. თევზი დაშვებულია უქმეებსა და დღესასწაულებზე, თუ იგი ოთხშაბათსა და პარასკევს არ ემთხვევა.რა არის აკრძალულიმარხვის დროს აკრძალულია ნებისმიერი ცხოველური საკვები – ხორცის ნებისმიერი სახეობა, კვერცხი, ცხოველური ცხიმები, რძის პროდუქტები.მარხვის დროს იკრძალება ჯვრისწერა, ქორწილისა და სხვა დღესასწაულების გამართვა, სადღესასწაულო ღონისძიებებში მონაწილეობა, თამბაქოს მოხმარება, სპირტიანი სასმელების მიღება, ჩხუბი, კამათი.ვინ შეიძლება არ დაიცვას მარხვამძიმე ავადმყოფებმა, ორსულებმა, მეძუძურმა დედებმა, სამხედროებმა, მუშებმა, მძიმე სამუშაოზე დასაქმებულებმა, მოგზაურებმა და შვიდ წლამდე ბავშვებმა.მასალა მომზადებულია ღია წყაროებზე დაყრდნობით.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საეკლესიო კალენდარი, რელიგია, საზოგადოება
საქართველო, საეკლესიო კალენდარი, რელიგია, საზოგადოება
დიდი მარხვა: რა არის აკრძალული და რა - დაშვებული
საქართველოს მართლმადიდებელი ეკლესიის კალენდრის მიხედვით, 2025 წელს აღდგომის მარხვა 3 მარტს დაიწყება და 20 აპრილს დასრულდება.
ოთხი მრავალდღიანი მარხვიდან დიდი მარხვა ყველაზე მკაცრი, ძირითადი და გრძელვადიანია. ის ექვი შვიდეულისგან, ანუ 40 დღისგან შედგება და ამიტომ დიდმარხვას უწოდებენ. ამით მართლმადიდებელი მრევლი ქრისტეს აღდგომის სადღესასწაულოდ ემზადება.
საქართველოს მართლმადიდებელი ეკლესიის მრევლისთვის მარხვა და, განსაკუთრებით, დიდმარხვა მნიშვნელოვანი პერიოდია.
დიდმარხვის დროს მორწმუნეები არ იღებენ ხორცსა და რძის ნაწარმს. თევზით ხსნილი კი მხოლოდ ხარებისა (7 აპრილი) და ბზობის (13 აპრილი) დღესასწაულებზეა. მარხვის პირველ და ბოლო კვირას მორწმუნეები სურვილის, შესაძლებლობისა და მოძღვრის კურთხევის მიხედვით ინახავენ მძიმე მარხვას.
მარხვის პირველ დღეებში ტაძარში წირვა არ აღევლინება. სრულდება მხოლოდ საეკლესიო წესის მიერ დადგენილი სპეციალური საგალობლები და ლოცვები. ორშაბათს, სამშაბათს, ოთხშაბათსა და ხუთშაბათს იკითხება წმინდა ანდრია კრიტელის დიდი კანონი. ოთხშაბათსა და პარასკევს ტაძრებში ტარდება პირველშეწირულის ლიტურგია. პარასკევს საღამოს ლოცვის დროს იკურთხება ხორბალი.
წელს აღდგომის ბრწყინვალე დღესასწაულს საქართველოს მართლმადიდებელი ეკლესია 20 აპრილს აღნიშნავს, შესაბამისად, დიდმარხვაც მისი დადგომისთანავე დასრულდება.
მარხვა დიდი სიხარულია მორწმუნისა, რადგან ამ დროს ცხოველი რწმენით ანთებული ადამიანი მზად არის სარწმუნოებრივი გმირობისთვის: ღვთის სიყვარული ხომ მაშინ ხდება რეალური, როდესაც მას საქმით გამოვავლენთ. როგორც წმინდა იაკობ მოციქული ამბობს, საქმის გარეშე რწმენა მკვდარია. ერთ-ერთი ამგვარ საქმეთაგანია ჩვენდამი უფლის უსაზღვრო სიყვარულის პასუხად ამქვეყნიურ სიამეთა მცირე ხნით მოკლება. სწორედ ამას ეწოდება მარხვა. ზოგიერთი სახის საჭმლისგან თავის შეკავება ადვილია (თუმცა ზოგიერთისთვის ეს გადაულახავი დაბრკოლებაა); გაცილებით ძნელია ვნებებსა თუ მავნე მიდრეკილებებზე უარის თქმა. და თუ ზოგიერთი კერძისგან თავის შეკავება ვერ შევძელით, ვერც ვნებებზე ავმაღლდებით. ამ აზრით, გონიერი ადამიანი გამუდმებით უნდა მარხულობდეს. წმინდა მამები ამგვარად ცხოვრობდნენ, მაგრამ ადამიანს თავისი დაცემული, უძლური ბუნების გამო გამუდმებით თავშეკავება არ ძალუძს. ამიტომაც ეკლესიამ დაადგინა დრო და ფორმა მარხვისა, რომლის დაცვაც, — თავდაპირველად თუნდაც საკუთარ თავზე ძალდატანებით, იძულებით, — საწინდარია იმისა, რომ ოდესმე ჭეშმარიტ მარხვას და თავშეკავებით ცხოვრებას შევძლებთ.
ლოცვა, მონანიება, საეკლესიო მსახურებაზე დასწრება და კეთილი საქმეების ჩადენა.
მარხვის დროს დაშვებულია ხილი, ბოსტნეული, მწვანილი, პური, სოკო, შაქარი, ფაფები, თხილი, მზესუმზირა, ჩირის ასორტი, თაფლი. თევზი დაშვებულია უქმეებსა და დღესასწაულებზე, თუ იგი ოთხშაბათსა და პარასკევს არ ემთხვევა.
მარხვის დროს აკრძალულია ნებისმიერი ცხოველური საკვები – ხორცის ნებისმიერი სახეობა, კვერცხი, ცხოველური ცხიმები, რძის პროდუქტები.
მარხვის დროს იკრძალება ჯვრისწერა, ქორწილისა და სხვა დღესასწაულების გამართვა, სადღესასწაულო ღონისძიებებში მონაწილეობა, თამბაქოს მოხმარება, სპირტიანი სასმელების მიღება, ჩხუბი, კამათი.
ვინ შეიძლება არ დაიცვას მარხვა
მძიმე ავადმყოფებმა, ორსულებმა, მეძუძურმა დედებმა, სამხედროებმა, მუშებმა, მძიმე სამუშაოზე დასაქმებულებმა, მოგზაურებმა და შვიდ წლამდე ბავშვებმა.
მასალა მომზადებულია ღია წყაროებზე დაყრდნობით.
