https://sputnik-georgia.com/20250303/deputati-fara-saqartvelos-ucxouri-gavlenebisgan-daicavs-292330417.html
დეპუტატი: FARA-ს კანონი საქართველოს უცხოური გავლენებისგან დაიცავს
დეპუტატი: FARA-ს კანონი საქართველოს უცხოური გავლენებისგან დაიცავს
Sputnik საქართველო
პარლამენტში „უცხოელი აგენტების რეგისტრაციის აქტის“ პროექტის განხილვა დაიწყო 03.03.2025-ს, Sputnik საქართველო
2025-03-03T15:00+0400
2025-03-03T15:00+0400
2025-03-03T15:00+0400
საქართველო
პოლიტიკა საქართველოში
საქართველოს პარლამენტი
ქართული ოცნება
ახალი ამბები
https://cdnn1.img.sputnik-georgia.com/img/07e8/02/17/286498020_0:108:2048:1260_1920x0_80_0_0_7688f4f0adecaa4df3a9385f4827a1b0.jpg
თბილისი, 3 მარტი - Sputnik. საქართველოს სჭირდება ძლიერი კანონმდებლობა, რომელიც ქვეყანას უცხოური ჩარევებისგან დაიცავს და ამერიკული FARA-ს კანონის ქართული ანალოგი ამას უზრუნველყოფს, განახცადა საპარლამენტო უმრავლესობის წევრმა ვლადიმერ ბოჟაძემ. პარლამენტში „უცხოელი აგენტების რეგისტრაციის აქტის“ პროექტის განხილვა დაიწყო - დღეს იურიდიულ საკითხთა კომიტეტი მას პირველი მოსმენით განიხილავს.„უცხოური აგენტების შესახებ“ FARA-ს (Foreign Agents Registration Act) ამერიკული კანონის ქართული თარგმანი საკანონმდებლო ორგანოში კანონპროექტის სახით გასულ კვირაში დარეგისტრირდა - მისი ინიციატორები მმართველი პარტია „ქართული ოცნებისა“ და ოპოზიციური პარტია „ხალხის ძალის“ დეპუტატები არიან. პროექტის ინიციატორთა განცხადებით, მათ მიერ წარდგენილი კანონპროექტი აშშ-ში მოქმედი FARA-ს პირდაპირი, სიტყვა-სიტყვითი თარგმანია. დეპუტატუს თქმით, როდესაც საქართველოს პარლამენტი „გამჭვირვალობის შესახებ” კანონონს იღებდა, მაშინ FARA-ზეც იყო საუბარი, თუმცა მმართველი პარტიის ოპონენტებნა ამერიკული კანონი „რუსულ კანონად“ მონათლეს. „იმაზე უფრო ლმობიერი კანონი მივიღეთ, ვიდრე საფრანგეთმა, თუმცა სამოქალაქო სექტორის ნაწილმა კანონის აღსრულებას შეგნებულად აარიდა თავი და ჯარიმებს დათანხმდნენ”, -აღნიშნა ბოჟაძემ .მისი თქმით, ახლა უკვე გაუმჭვირვალობასა და სავარაუდო კორუფციულ ფაქტებზე თავად ამერიკული მხარე საუბრობს და უფრო მნიშვნელოვანი გახდა, რომ მმართველმა ძალამ ქვეყანა უცხოური გავლენებისგან დაიცვას. განცხადება იმის თაობაზე, რომ საქართველო FARA-ს ამერიკული კანონის ანალოგს მიიღებს და გააუქმებს სახელმწიფო გადაწყვეტილებებში სამოქალაქო სექტორის მონაწილეობას, მმართველ პარტიაში თებერვლის დასაწყისში გაკეთდა. FARA-ს ამერიკული ვერსია ითვალისწინებს უცხოური აგენტის სტატუსს არამხოლოდ უცხოური დაფინანსების მქონე არაკომერციული იურიდიული პირთათვის, არამედ ყველასათვის, მათ შორის ფიზიკური პირებისთვის. შეუსრულებლობა სისხლის სამართლის პასუხისმგებლობას ითვალისწინებს. „გამჭვირვალობის კანონი“ „უცხოური გავლენის გამჭვირვალობის შესახებ“ კანონი საქართველოსა და დასავლეთს შორის უთანხმოების ერთ-ერთი მთავარი მიზეზი გახდა. დასავლეთის წარმომადგენლები თვლიან, რომ კანონი არ შეესაბამება დემოკრატიის ნორმებს, ხოლო საქართველოს ხელისუფლება ამტკიცებს, რომ კანონი მხოლოდ უცხოური დაფინანსების გამჭვირვალობის უზრუნველყოფისკენაა მიმართული და ბევრად უფრო რბილია, ვიდრე მისი დასავლური ანალოგები. დასავლეთის ქვეყნების მასობრივი პროტესტისა და კრიტიკის მიუხედავად საქართველოში „უცხოური გავლენის გამჭვირვალობის შესახებ“ კანონი მიიღეს და ძალაში 2024 წლის 3 ივნისს შევიდა. კანონი ავალდებულებს უცხოური დაფინანსების მქონე არასამთავრობო ორგანიზაციებსა და მედიას დარეგისტრირდნენ სპეციალურ რეესტრში და წელიწადში ერთხელ შეავსონ დეკლარაცია. არასამთავრობო ორგანიზაციების და მედიასაშუალებების ნაწილმა ადამიანის უფლებათა ევროპულ სასამართლოს საჩივრით მიმართა ახალი კანონის წინააღმდეგ, მიიჩნიეს რა, რომ იგი ადამიანის უფლებებს არღვევს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e8/02/17/286498020_0:0:1820:1365_1920x0_80_0_0_9f179036c853b44650ce9b1074801e5e.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საქართველოს პარლამენტი, ქართული ოცნება , ახალი ამბები
საქართველო, პოლიტიკა საქართველოში, საქართველოს პარლამენტი, ქართული ოცნება , ახალი ამბები
დეპუტატი: FARA-ს კანონი საქართველოს უცხოური გავლენებისგან დაიცავს
პარლამენტში „უცხოელი აგენტების რეგისტრაციის აქტის“ პროექტის განხილვა დაიწყო
თბილისი, 3 მარტი - Sputnik. საქართველოს სჭირდება ძლიერი კანონმდებლობა, რომელიც ქვეყანას უცხოური ჩარევებისგან დაიცავს და ამერიკული FARA-ს კანონის ქართული ანალოგი ამას უზრუნველყოფს, განახცადა საპარლამენტო უმრავლესობის წევრმა ვლადიმერ ბოჟაძემ.
პარლამენტში „უცხოელი აგენტების რეგისტრაციის აქტის“ პროექტის განხილვა დაიწყო - დღეს იურიდიულ საკითხთა კომიტეტი მას პირველი მოსმენით განიხილავს.
„უცხოური აგენტების შესახებ“ FARA-ს (Foreign Agents Registration Act) ამერიკული კანონის ქართული თარგმანი საკანონმდებლო ორგანოში კანონპროექტის სახით გასულ კვირაში დარეგისტრირდა - მისი ინიციატორები მმართველი პარტია „ქართული ოცნებისა“ და ოპოზიციური პარტია „ხალხის ძალის“ დეპუტატები არიან. პროექტის ინიციატორთა განცხადებით, მათ მიერ წარდგენილი კანონპროექტი აშშ-ში მოქმედი FARA-ს პირდაპირი, სიტყვა-სიტყვითი თარგმანია.
„თითქმის საუკუნეა, „ფარა“ ამერიკაში უცხოური ჩარევების განეიტრალებას უზრუნველყოფს. ეს კანონმდებლობა მთელ მსოფლიოში სამაგალითოა. საქართველო ამ კუთხით გამოწვევების წინაშეა. შესაბამისად, ძლიერი კანონმდებლობა გვჭირდება, რომელიც მომავალში ქვეყანას უცხოური ჩარევებისგან დაიცავს”, -განახცადა ბოჟაძემ.
დეპუტატუს თქმით, როდესაც საქართველოს პარლამენტი „გამჭვირვალობის შესახებ” კანონონს იღებდა, მაშინ FARA-ზეც იყო საუბარი, თუმცა მმართველი პარტიის ოპონენტებნა ამერიკული კანონი „რუსულ კანონად“ მონათლეს.
„იმაზე უფრო ლმობიერი კანონი მივიღეთ, ვიდრე საფრანგეთმა, თუმცა სამოქალაქო სექტორის ნაწილმა კანონის აღსრულებას შეგნებულად აარიდა თავი და ჯარიმებს დათანხმდნენ”, -აღნიშნა ბოჟაძემ .
მისი თქმით, ახლა უკვე გაუმჭვირვალობასა და სავარაუდო კორუფციულ ფაქტებზე თავად ამერიკული მხარე საუბრობს და უფრო მნიშვნელოვანი გახდა, რომ მმართველმა ძალამ ქვეყანა უცხოური გავლენებისგან დაიცვას.
„არ გვინდოდა ისეთი მკაცრი კანონმდებლობის მიღება, რომელიც საფრანგეთსა და აშშ-ს ჰქონდათ, მაგრამ გამოწვევებმა, რომლებიც ჩვენს ქვეყანაშია, უფლება მოგვცა, რომ ასეთი კანონმდებლობა მივიღოთ და ქვეყანა ნებისმიერი უცხოური გავლენებისგან დავიცვათ“, – განაცხადა ვლადიმერ ბოჟაძემ.
განცხადება იმის თაობაზე, რომ საქართველო FARA-ს ამერიკული კანონის ანალოგს მიიღებს და გააუქმებს სახელმწიფო გადაწყვეტილებებში სამოქალაქო სექტორის მონაწილეობას, მმართველ პარტიაში თებერვლის დასაწყისში გაკეთდა. FARA-ს ამერიკული ვერსია ითვალისწინებს უცხოური აგენტის სტატუსს არამხოლოდ უცხოური დაფინანსების მქონე არაკომერციული იურიდიული პირთათვის, არამედ ყველასათვის, მათ შორის ფიზიკური პირებისთვის. შეუსრულებლობა სისხლის სამართლის პასუხისმგებლობას ითვალისწინებს.
„უცხოური გავლენის გამჭვირვალობის შესახებ“ კანონი საქართველოსა და დასავლეთს შორის უთანხმოების ერთ-ერთი მთავარი მიზეზი გახდა. დასავლეთის წარმომადგენლები თვლიან, რომ კანონი არ შეესაბამება დემოკრატიის ნორმებს, ხოლო საქართველოს ხელისუფლება ამტკიცებს, რომ კანონი მხოლოდ უცხოური დაფინანსების გამჭვირვალობის უზრუნველყოფისკენაა მიმართული და ბევრად უფრო რბილია, ვიდრე მისი დასავლური ანალოგები.
დასავლეთის ქვეყნების მასობრივი პროტესტისა და კრიტიკის მიუხედავად საქართველოში „უცხოური გავლენის გამჭვირვალობის შესახებ“ კანონი მიიღეს და ძალაში 2024 წლის 3 ივნისს შევიდა.
კანონი ავალდებულებს უცხოური დაფინანსების მქონე არასამთავრობო ორგანიზაციებსა და მედიას დარეგისტრირდნენ სპეციალურ რეესტრში და წელიწადში ერთხელ შეავსონ დეკლარაცია.
არასამთავრობო ორგანიზაციების და მედიასაშუალებების ნაწილმა ადამიანის უფლებათა ევროპულ სასამართლოს საჩივრით მიმართა ახალი კანონის წინააღმდეგ, მიიჩნიეს რა, რომ იგი ადამიანის უფლებებს არღვევს.