საქართველოს პირველი პირები რაგბის ნაკრებს ფინალში გასვლას ულოცავენ

© Georgian Rugbyრაგბის ნაკრები
რაგბის ნაკრები - Sputnik საქართველო, 1920, 02.03.2025
გამოწერა
რუმინელი „მუხების“ დამარცხებით ქართველმა მორაგბეებმა ფინალში თამაშის უფლება მოიპოვეს.
თბილისი, 2 მარტი - Sputnik. საქართველოს პრემიერ-მინისტრი ირაკლი კობახიძე და პრეზიდენტი მიხეილ ყაველაშვილი რაგბის ეროვნულ ნაკრებს „რაგბი ევროპის“ ფინალში გასვლას ულოცავენ.
საქართველოს რაგბის ეროვნულმა ნაკრებმა „რაგბი ევროპის“ ნახევარფინალში რუმინეთის ნაკრებს უმასპინძლა და ანგარიშით 43:5 დაამარცხა.
„43:5 - გილოცავთ! საქართველოს რაგბის ნაკრები ანთიმოზ ივერიელის თასის მფლობელია“, - დაწერა პრემიერმა სოციალურ ქსელში.
საქართველო-რუმინეთის მატჩზე, ტრადიციულად, გათამაშდა ანთიმოზ ივერიელის თასი, რომელიც „ბორჯღალოსნებმა“ მოიპოვეს.
„გილოცავთ, საქართველოს მორაგბეთა ეროვნული ნაკრები „რაგბი ევროპის“ ფინალშია. ამასთან, საქართველო-რუმინეთის მატჩზე, ტრადიციულად, გათამაშდა ანთიმოზ ივერიელის თასი, რომელიც „ბორჯღალოსნებმა“ მეცხრამეტედ მოიგეს", - დაწერა ყაველაშვილმა.
საქართველოსა და რუმინეთის ნაკრებები ერთმანეთს 29-ჯერ შეხვდნენ და 19 მატჩში - ქართველებმა, ცხრაში კი რუმინელებმა გაიმარჯვეს.
„რაგბი ევროპის“ მოქმედი ჩემპიონი საქართველოს ნაკრები 16 მარტს ესპანეთს დაუპირისპირდება.
ყველა ახალი ამბავი
0