ხარაგაულში ერთი პირის სამძებრო სამუშაოებში გრძელდება: ორი მწყემსი მაშველებმა უკვე იპოვეს

© photo : Ministry of Internal Affairs of Georgia / FBსაპატრულო პოლიცია
საპატრულო პოლიცია - Sputnik საქართველო, 1920, 01.03.2025
გამოწერა
სამძებრო სამუშაოებში თავდაცვის სამინისტროს ძალები და მეხანძრე-მაშველები არიან ჩართულები.
თბილისი, 1 მარტი - Sputnik. ხარაგაულის მუნიციპალიტეტში, საკარაულას ხეობაში ერთი პირის სამძებრო სამუშაოებში გრძელდება, იუწყება ქართული მედია.
სამი ადამიანის სამძებრო სამუშაოები გუშინ დაიწყო. მწყემსებს საკრაულას ხეობაში ნახირი ჰყავდათ გაყვანილი და უხვი ნალექის გამო მათთან კომუნიკაცია ვერ ხერხდებოდა.
მუნიციპალიტეტის მერის, კობა ლურსამანაშვილის ინფორმაციით, სამი მწყემსიდან ორის ადგილსამყოფელთან მაშველები უკვე მივიდნენ. მათგან ერთი მაშველებმა ხეობიდან გამოიყვანეს, მეორე კი საკუთარი ნებით დარჩა ადგილზე. მათ სიცოცხლეს საფრთხე არ ემუქრება.
მესამე მწყემსის სამძებრო სამუშაოები კი ამ დრომდე გრძელდება. ხარაგაულის მერის განცხადებით, მისი ადგილსამყოფელის დადგენა სპეციალური დრონებით ხდება.
სამძებრო სამუშაოებში თავდაცვის სამინისტროს ძალები და შინაგან საქმეთა სამინისტროს საგანგებო სიტუაციების მართვის სამსახურის თანამშრომლები გუშინვე ჩაერთვნენ და ტერიტორიების მონიტორინგი დრონებით განხორციელდა.
დასავლეთ საქართველოს რეგიონებში, მათ შორის იმერეთში, ინტენსიური თოვა 22 თებერვალს დაიწყო, რამაც მოსახლეობას უამრავი პრობლემა შეუქმნა.
დასავლეთ საქართველოში დიდთოვლობასთან დაკავშირებით რამდენიმე დღეა საგანგებო რეჟიმში მუშაობს შსს-ს ყველა შესაბამისი დანაყოფი. იმერეთში სალიკვიდაციო სამუშაოებში ჩართულია თავდაცვის სამინისტროს სამხედრო ძალები. ჯარისკაცები და სამხედრო ტექნიკა სხვადასხვა მუნიციპალიტეტებში არიან განაწილებულები.
ყველა ახალი ამბავი
0