ბანკების მიერ გაცემული კრედიტების მოცულობა იანვარში გაიზარდა

© photo: Sputnik / Stringerდოლარის და ლარის კუპიურები
დოლარის და ლარის კუპიურები - Sputnik საქართველო, 1920, 28.02.2025
გამოწერა
დეკემბრის ბოლოს საქართველოში ფუნქციონირებდა 17 კომერციული ბანკი, მათ შორის 13 – საწესდებო კაპიტალში უცხოური კაპიტალის მონაწილეობით.
თბილისი, 28 თებერვალი— Sputnik. საქართველოს კომერციული ბანკების მიერ გაცემული კრედიტები 2025 წლის იანვარში წინა თვესთან შედარებით, 459,03 მლნ ლარით, ანუ 0,74%-ით გაიზარდა და 1 თებერვლისთვის 62,68 მილიარდი ლარი შეადგინა, ნათქვამია საქართველოს ეროვნული ბანკის მასალებში.
აღნიშნულ პერიოდში კრედიტების მოცულობა ეროვნულ ვალუტაში 36,05 მილიონი ლარით, ანუ 0,1%-ით გაიზარდა, ხოლო უცხოურ ვალუტაში გაცემული სესხების მოცულობა - 422,98 მილიონი ლარით, ანუ 1,57%-ით.
ეროვნული ბანკის მონაცემებით, 2025 წლის იანვრის ბოლოს რეზიდენტ იურიდიულ პირებზე გაცემულმა კრედიტების რაოდენობამ ეროვნულ ვალუტაში 10,58 მლრდ ლარი შეადგინა, რაც წინა თვესთან შედარებით 1,35%-ით ნაკლებია. ხოლო უცხოურ ვალუტაში გაცემულმა კრედიტებმა 18,15 მლრდ ლარი შეადგინა, რაც წინა თვის მაჩვენებელზე 2,46%-ით მეტია.
2025 წლის იანვარში რეზიდენტი საოჯახო მეურნეობების სექტორის დაკრედიტების მოცულობა გაიზარდა 0,66%-ით, ანუ 208,38 მლნ ლარით და, მიმდინარე წლის 1 თებერვლის მდგომარეობით, 31,94 მლრდ ლარი შეადგინა.
მიმდინარე წლის 1 თებერვლის მდგომარეობით, სესხების მთლიანი მოცულობის ლარიზაციის კოეფიციენტმა 54,32% შეადგინა, რაც 0,36 პროცენტული პუნქტით ნაკლებია 2025 წლის 1 იანვრის მაჩვენებელზე.
დეკემბრის ბოლოს საქართველოში ფუნქციონირებდა 17 კომერციული ბანკი, მათ შორის 13 – საწესდებო კაპიტალში უცხოური კაპიტალის მონაწილეობით.
ყველა ახალი ამბავი
0