https://sputnik-georgia.com/20250226/mzia-amaglobels-sapatimroshi-daabruneben-292259028.html
მზია ამაღლობელს დღეს საპატიმროში დააბრუნებენ
მზია ამაღლობელს დღეს საპატიმროში დააბრუნებენ
Sputnik საქართველო
ამაღლობელმა დაკავების პროტესტის ნიშნად 38-დღიანი შიმშილობა 18 თებერვალს შეწყვიტა. 26.02.2025-ს, Sputnik საქართველო
2025-02-26T16:39+0400
2025-02-26T16:39+0400
2025-02-26T16:39+0400
საქართველო
საზოგადოება
ახალი ამბები
https://cdnn1.img.sputnik-georgia.com/img/07e5/0a/04/260181200_59:54:1280:741_1920x0_80_0_0_f2476d7bec160f23b314a41f2cdb481c.jpg
თბილისი, 26 თებერვალი — Sputnik. ოპოზიციური ინტერნეტ-გამოცემა Netgazeti-სა და Batumelebi-ის დამფუძნებელსა და დირექტორ მზია ამაღლობელს, რომელიც პოლიციელზე თავდასხმის ბრალდებით არის დაკავებული, დღეს კლინიკა „ვივამედიდან“ პენიტენციურ დაწესებულებაში გადაიყვანენ, იუწყება არასამთავრობო ორგანიზაცია „ახალგაზრდა იურისტთა ასოციაცია". მზია ამაღლობელი 11 იანვრის საღამოს ბათუმში, პოლიციის მთავარ სამმართველოსთან საპროტესტო აქციის დროს ადმინისტრაციული წესით დააკავეს, დაახლოებით ორ საათში ის ხელწერილის საფუძველზე სამ პირთან ერთად გაათავისუფლეს. გათავისუფლებიდან რამდენიმე წუთში კი ამაღლობელმა ბათუმის პოლიციის უფროს ირაკლი დგებუაძეს სილა გააწნა, რის შემდეგაც იგი ხელმეორედ დააკავეს. დაკავების პროტესტის ნიშნად ამაღლობელმა შიმშილობა დაიწყო. ამაღლობელმა 38-დღიანი შიმშილობა 18 თებერვალს შეწყვიტა. ჟურნალისტი გართულებული ჯანმრთელობის მდგომარეობის გამო სასჯელაღსრულების დაწესებულებიდან კლინიკა „ვივამედში" გამოკვლევებისთვის 4 თებერვალს გადაიყვანეს და ამ დრომდე კლინიკაში იმყოფება. „ვივამედის“ კლინიკური დირექტორ ზურაბ ჩხაიძის განცხადებით, ამაღლობელის ჯანმრთელობის მდგომარეობა ამ ეტაპზე დამაკმაყოფილებელია. მისი თქმით, პაციენტი თავად ითხოვს სტაციონარიდან გაწერას. „ჩვენ ავუხსენით მოსალოდნელი გართულებების შესახებ, თუმცა რჩება თავის პოზიციაზე და ითხოვს გაწერას. ჩვენ გავცემთ შესაბამის რეკომენდაციებს, რაც გაგრძელდება პენიტენციური დაწესებულების ბაზაზე“, – განაცხადა ზურაბ ჩხაიძემ.ამაღლობელს ბრალი სსკ-ის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს, დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს. 21 იანვარს ქუთაისის სააპელაციო სასამართლომ ოპოზიციური ინტერნეტ-გამოცემების დამფუძნებლის საქმეზე აღკვეთის ღონისძიების სახით შეფარდებული პატიმრობის შესახებ შესული საჩივარი დაუშვებლად ცნო. ამაღლობელისთვის აღკვეთის ღონისძიების გადასინჯვაზე 14 თებერვალს უარი თქვა ბათუმის საქალაქო სასამართლომ. 19 თებერვალს ჟურნალისტის ადვოკატებმა ქუთაისის სააპელაციო სასამართლოში სწორედ აღნიშნული გადაწყვეტილება გაასაჩივრეს. თუმცა სააპელაციო სასამართლომ მზია ამაღლობელისთვის აღკვეთის ღონისძიების შეცვლის თაობაზე ადვოკატთა საჩივარი წარმოებაში კვლავ არ მიიღო. მზია ამაღლობელის პატიმრობიდან გათავისუფლების მოთხოვნით თბილისში, ბათუმსა და ქუთაისში პერმანენტული საპროტესტო აქციები იმართებოდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e5/0a/04/260181200_72:0:1209:853_1920x0_80_0_0_6989f285e87b7fcecc25475c0d35d0cd.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, ახალი ამბები
საქართველო, საზოგადოება, ახალი ამბები
მზია ამაღლობელს დღეს საპატიმროში დააბრუნებენ
ამაღლობელმა დაკავების პროტესტის ნიშნად 38-დღიანი შიმშილობა 18 თებერვალს შეწყვიტა.
თბილისი, 26 თებერვალი — Sputnik. ოპოზიციური ინტერნეტ-გამოცემა Netgazeti-სა და Batumelebi-ის დამფუძნებელსა და დირექტორ მზია ამაღლობელს, რომელიც პოლიციელზე თავდასხმის ბრალდებით არის დაკავებული, დღეს კლინიკა „ვივამედიდან“ პენიტენციურ დაწესებულებაში გადაიყვანენ, იუწყება არასამთავრობო ორგანიზაცია „ახალგაზრდა იურისტთა ასოციაცია".
მზია ამაღლობელი 11 იანვრის საღამოს ბათუმში, პოლიციის მთავარ სამმართველოსთან საპროტესტო აქციის დროს ადმინისტრაციული წესით დააკავეს, დაახლოებით ორ საათში ის ხელწერილის საფუძველზე სამ პირთან ერთად გაათავისუფლეს. გათავისუფლებიდან რამდენიმე წუთში კი ამაღლობელმა ბათუმის პოლიციის უფროს ირაკლი დგებუაძეს სილა გააწნა, რის შემდეგაც იგი ხელმეორედ დააკავეს. დაკავების პროტესტის ნიშნად ამაღლობელმა შიმშილობა დაიწყო. ამაღლობელმა 38-დღიანი შიმშილობა 18 თებერვალს შეწყვიტა.
„მზია ამაღლობელს დღეს გადაიყვანენ კლინიკა „ვივამედიდან" პენიტენციურ დაწესებულებაში, სადაც დაბრუნება მისი სურვილი იყო როგორც შიმშილობის პერიოდში, ისე ახლაც. მას ასევე სურს, რომ ადვოკატებთან ერთად პირადად მიიღოს მონაწილეობა 4 მარტს ბათუმის საქალაქო სასამართლოში დაგეგმილ პროცესში“, - აღნიშნულია არასამთავრობო ორგანიზაციის ინფორმაციაში.
ჟურნალისტი გართულებული ჯანმრთელობის მდგომარეობის გამო სასჯელაღსრულების დაწესებულებიდან კლინიკა „ვივამედში" გამოკვლევებისთვის 4 თებერვალს გადაიყვანეს და ამ დრომდე კლინიკაში იმყოფება.
„ვივამედის“ კლინიკური დირექტორ ზურაბ ჩხაიძის განცხადებით, ამაღლობელის ჯანმრთელობის მდგომარეობა ამ ეტაპზე დამაკმაყოფილებელია.
„პაციენტს უტარდებოდა კვების აღდგენითი კურსი არსებული გაიდლაინის შესაბამისად. მისი მდგომარეობა დამაკმაყოფილებელია, კურსის მიმდინარეობა გართულების გარეშე წარიმართა“, -აღნიშნა ჩხაიძემ.
მისი თქმით, პაციენტი თავად ითხოვს სტაციონარიდან გაწერას.
„ჩვენ ავუხსენით მოსალოდნელი გართულებების შესახებ, თუმცა რჩება თავის პოზიციაზე და ითხოვს გაწერას. ჩვენ გავცემთ შესაბამის რეკომენდაციებს, რაც გაგრძელდება პენიტენციური დაწესებულების ბაზაზე“, – განაცხადა ზურაბ ჩხაიძემ.
ამაღლობელს ბრალი სსკ-ის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს, დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.
21 იანვარს ქუთაისის სააპელაციო სასამართლომ ოპოზიციური ინტერნეტ-გამოცემების დამფუძნებლის საქმეზე აღკვეთის ღონისძიების სახით შეფარდებული პატიმრობის შესახებ შესული საჩივარი დაუშვებლად ცნო.
ამაღლობელისთვის აღკვეთის ღონისძიების გადასინჯვაზე 14 თებერვალს უარი თქვა ბათუმის საქალაქო სასამართლომ. 19 თებერვალს ჟურნალისტის ადვოკატებმა ქუთაისის სააპელაციო სასამართლოში სწორედ აღნიშნული გადაწყვეტილება გაასაჩივრეს. თუმცა სააპელაციო სასამართლომ მზია ამაღლობელისთვის აღკვეთის ღონისძიების შეცვლის თაობაზე ადვოკატთა საჩივარი წარმოებაში კვლავ არ მიიღო.
მზია ამაღლობელის პატიმრობიდან გათავისუფლების მოთხოვნით თბილისში, ბათუმსა და ქუთაისში პერმანენტული საპროტესტო აქციები იმართებოდა.