ქობულეთში 50 წლამდე მამაკაცი გაყინული იპოვეს

© Ozurgeti City Hallდიდთოვლობა
დიდთოვლობა - Sputnik საქართველო, 1920, 25.02.2025
გამოწერა
მამაკაცის გაყინვის ფაქტი ქობულეთის მერიაშიც დაადასტურეს
თბილისი, 25 თებერვალი — Sputnik. ქობულეთის მუნიციპალიტეტის სოფელ ხუცუბანში 50-წლამდე მამაკაცი გაყინული იპოვეს, იუწყება ადგილობრივი გამოცემა „აჭარა თაიმსი“.
გავრცელებული ინფორმაციით, მამაკაცი საკუთარი სახლის ეზოში, კართან მეზობელმა თოვლში გაყინული იპოვა.
ხუთდღიანმა ინტენსიურმა თოვამ დასავლეთ საქართველოს რამდენიმე რეგიონი - აჭარა, სამეგრელო, იმერეთი, გურია დააზარალა - ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხებულია ენერგო და გაზმომარაგება. შეზღუდულ რეჟიმში მუშაობს ბათუმის აეროპორტი. დიდთოვლობის გამო „საქართველოს რკინიგზამ“ დასავლეთ საქართველოს მიმართულებით მატარებლების რეისები გააუქმა.
დიდთოვლობას ოზურგეთის მუნიციპალიტეტში მსხვერპლიც მოჰყვა - სოფელ კონჭკათში 60 წლამდე მამაკაცი მეზობელს სახლის დათოვლილი სახურავის გაწმენდაში ეხმარებოდა, რა დროსაც სახურავი ჩაინგრა და მამაკაცს.ე.წ. სინკარი დაეცა - იგი ადგილზევე გარდაიცვალა.
შექმნილ ვითარებაში საგანგებო რეჟიმში მუშაობენ შესაბამისი სამსახურები. პრემიერის ბრძანებით, დიდთოვლობის შედეგად დაზარალებული მოსახლეობის დახმარების პროცესში სამხედროებიც ჩაერთნენ.
გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი თვის ბოლომდე შენარჩუნდება. სინოპტიკოსების პროგნოზით ყინვა, თოვლი და ქარბუქი ნავარაუდევია როგორც აღმოსავლეთ, ისე დასავლეთ საქართველოს ტერიტორიაზე.
ყველა ახალი ამბავი
0