https://sputnik-georgia.com/20250225/lanchxutshi-cxeli-xazi-amoqmedda-292250670.html
საჭიროების შემთხვევაში დაგვიკავშირდით: ლანჩხუთში „ცხელი ხაზი" ამოქმედდა
საჭიროების შემთხვევაში დაგვიკავშირდით: ლანჩხუთში „ცხელი ხაზი" ამოქმედდა
Sputnik საქართველო
გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი თვის ბოლომდე შენარჩუნდება. 25.02.2025-ს, Sputnik საქართველო
2025-02-25T22:00+0400
2025-02-25T22:00+0400
2025-02-25T22:00+0400
საქართველო
საქართველოს რეგიონები
საზოგადოება
ახალი ამბები
https://cdnn1.img.sputnik-georgia.com/img/07e9/02/19/292244553_0:67:1280:787_1920x0_80_0_0_f029c46f612838e7c3935063979345b0.jpg
თბილისი, 25 თებერვალი — Sputnik. ლანჩხუთის მუნიციპალიტეტის მერიამ სტიქიით დაზარალებული მოსახლეობისთვის „ცხელი ხაზი" აამოქმედა, ნათქვამია უწყების მიერ გავრცელებულ ინფორმაციაში. მუნიციპალიტეტში შექმნილია საგანგებო შტაბი, რომელიც მერის ალექსანდრე სარიშვილის ხელმძღვანელობით 24-საათიან რეჟიმში მუშაობს. „უამინდობა ლანჩხუთის მუნიციპალიტეტში გრძელდება. სამუშაოები აქტიურად მიმდინარეობს. მობილიზებულია შესაბამისი ტექნიკა... ამოქმედებულია ცხელი ხაზი და საჭიროების შემთხვევაში შეგიძლიათ დარეკოთ: 599 111 437; 591 19 23 66; 599 058700", -აღნიშნულია განცხადებაში.უწყების ცნობით, შესაბამისი სამსახურები უწყვეტ რეჟიმში ახორციელებენ გზის გაწმენდით სამუშაოებს. სპეცტექნიკა მუშაობს აცანა- მამათის, ორმეთის, ლესა-გულიანის, ჩოჩხათის, ქალაქის, ჩიბათის, შუხუთის, სუფსის მიმართულებით. ამ დროისთვის ელექტროენერგია არ მიეწოდება მამათის, აკეთის, ჭანჭათის, ჩოჩხათის, ღრმაღელის, არჩეულის მოსახლეობას. ,,ენერგო პრო ჯორჯიას“ თანამშრომლები საგანგებო რეჟიმში მუშაობენ, რათა უმოკლეს დროში აღდგეს ელექტროენერგიის მიწოდება. პრემიერის ბრძანებით, დიდთოვლობის შედეგად დაზარალებული მოსახლეობის დახმარების პროცესში თავდაცვის ძალები ერთვებიან. მიმდინარეობს დაზარალებული მოსახლეობის უსაფრთხო ადგილზე გადაყვანა. ხუთდღიანმა ინტენსიურმა თოვამ დასავლეთ საქართველოს რამდენიმე რეგიონი - აჭარა, სამეგრელო, იმერეთი, გურია დააზარალა - ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხებულია ენერგო და გაზმომარაგება. შეზღუდულ რეჟიმში მუშაობს ბათუმის აეროპორტი. დიდთოვლობას ოზურგეთის მუნიციპალიტეტში მსხვერპლიც მოჰყვა - სოფელ კონჭკათში 60 წლამდე მამაკაცი მეზობელს სახლის დათოვლილი სახურავის გაწმენდაში ეხმარებოდა, რა დროსაც სახურავი ჩაინგრა და მამაკაცს.ე.წ. სინკარი დაეცა - იგი ადგილზევე გარდაიცვალა. გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი თვის ბოლომდე შენარჩუნდება. სინოპტიკოსების პროგნოზით ყინვა, თოვლი და ქარბუქი ნავარაუდევია როგორც აღმოსავლეთ, ისე დასავლეთ საქართველოს ტერიტორიაზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს რეგიონები, საზოგადოება, ახალი ამბები
საქართველო, საქართველოს რეგიონები, საზოგადოება, ახალი ამბები
საჭიროების შემთხვევაში დაგვიკავშირდით: ლანჩხუთში „ცხელი ხაზი" ამოქმედდა
გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი თვის ბოლომდე შენარჩუნდება.
თბილისი, 25 თებერვალი — Sputnik. ლანჩხუთის მუნიციპალიტეტის მერიამ სტიქიით დაზარალებული მოსახლეობისთვის „ცხელი ხაზი" აამოქმედა, ნათქვამია უწყების მიერ გავრცელებულ ინფორმაციაში.
მუნიციპალიტეტში შექმნილია საგანგებო შტაბი, რომელიც მერის ალექსანდრე სარიშვილის ხელმძღვანელობით 24-საათიან რეჟიმში მუშაობს.
„უამინდობა ლანჩხუთის მუნიციპალიტეტში გრძელდება. სამუშაოები აქტიურად მიმდინარეობს. მობილიზებულია შესაბამისი ტექნიკა... ამოქმედებულია ცხელი ხაზი და საჭიროების შემთხვევაში შეგიძლიათ დარეკოთ: 599 111 437; 591 19 23 66; 599 058700", -აღნიშნულია განცხადებაში.
უწყების ცნობით, შესაბამისი სამსახურები უწყვეტ რეჟიმში ახორციელებენ გზის გაწმენდით სამუშაოებს. სპეცტექნიკა მუშაობს აცანა- მამათის, ორმეთის, ლესა-გულიანის, ჩოჩხათის, ქალაქის, ჩიბათის, შუხუთის, სუფსის მიმართულებით.
ამ დროისთვის ელექტროენერგია არ მიეწოდება მამათის, აკეთის, ჭანჭათის, ჩოჩხათის, ღრმაღელის, არჩეულის მოსახლეობას. ,,ენერგო პრო ჯორჯიას“ თანამშრომლები საგანგებო რეჟიმში მუშაობენ, რათა უმოკლეს დროში აღდგეს ელექტროენერგიის მიწოდება.
პრემიერის ბრძანებით, დიდთოვლობის შედეგად დაზარალებული მოსახლეობის დახმარების პროცესში თავდაცვის ძალები ერთვებიან. მიმდინარეობს დაზარალებული მოსახლეობის უსაფრთხო ადგილზე გადაყვანა.
ხუთდღიანმა ინტენსიურმა თოვამ დასავლეთ საქართველოს რამდენიმე რეგიონი - აჭარა, სამეგრელო, იმერეთი, გურია დააზარალა - ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხებულია ენერგო და გაზმომარაგება. შეზღუდულ რეჟიმში მუშაობს ბათუმის აეროპორტი.
დიდთოვლობას ოზურგეთის მუნიციპალიტეტში მსხვერპლიც მოჰყვა - სოფელ კონჭკათში 60 წლამდე მამაკაცი მეზობელს სახლის დათოვლილი სახურავის გაწმენდაში ეხმარებოდა, რა დროსაც სახურავი ჩაინგრა და მამაკაცს.ე.წ. სინკარი დაეცა - იგი ადგილზევე გარდაიცვალა.
გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი თვის ბოლომდე შენარჩუნდება. სინოპტიკოსების პროგნოზით ყინვა, თოვლი და ქარბუქი ნავარაუდევია როგორც აღმოსავლეთ, ისე დასავლეთ საქართველოს ტერიტორიაზე.
