https://sputnik-georgia.com/20250224/premieri-shengelia-da-shermadini-brwkinvalebis-ordenze-waradgines-292232286.html
პრემიერი: შენგელია და შერმადინი ბრწყინვალების ორდენზე იქნებიან წარდგენილი
პრემიერი: შენგელია და შერმადინი ბრწყინვალების ორდენზე იქნებიან წარდგენილი
Sputnik საქართველო
სპორტსმენების დაჯილდოების ცერემონია უახლოეს მომავალში გაიმართება. 24.02.2025-ს, Sputnik საქართველო
2025-02-24T19:43+0400
2025-02-24T19:43+0400
2025-02-24T19:43+0400
საქართველო
სპორტი
საქართველოს პრემიერ–მინისტრი
ახალი ამბები
https://cdnn1.img.sputnik-georgia.com/img/07e9/02/16/292213562_0:107:2048:1259_1920x0_80_0_0_dbbf271fd1513e71143d3ae28fa8b9e3.jpg
თბილისი, 24 თებერვალი — Sputnik. მივიღეთ გადაწყვეტილება ჩვენი კალათბურთელების და მთლიანად გუნდის წევრების უმაღლეს სახელმწიფო ჯილდოებზე წარდგენის თაობაზე, განაცხადა საქართველოს პრემიერ-მინისტრმა ირაკლი კობახიძემ მთავრობის სხდომაზე. 21 თებერვალს საქართველოს საკალათბურთო ნაკრებმა „ევრობასკეტი 2025"-ის შესარჩევი ეტაპის მეხუთე ტურის მატჩში დანიის ნაკრები ანგარიშით 62:60 დაამარცხა და ევროპის ჩემპიონატის ფინალური ეტაპის საგზური ოფიციალურად მოიპოვა - ნაკრები ევრობასკეტზე ზედიზედ მეექვსედ იასპარეზებს.პრემიერმა ირაკლი კობახიძემ და პარლამენტის თავმჯდომარე შალვა პაპუაშვილმა საქართველოს ისტორიაში პირველად კალათბურთში მსოფლიო ჩემპიონატის საგზურის მოპოვებისთვის, მსოფლიოს 16 საუკეთესო ნაკრებს შორის მოხვედრისა და კალათბურთში ევროპის ჩემპიონატზე მეექვსედ ასპარეზობის შესაძლებლობისთვის საქართველოს კალათბურთელთა ეროვნული ნაკრები ღირსების ორდენზე წარადგინეს.როგორც პრემიერმა აღნიშნა, საქართველოს კალათბურთის ნაკრების კაპიტანი თორნიკე შენგელია და ნაკრების წევრი გიორგი შერმადინი სპორტში განსაკუთრებული მიღწევებისთვის ასევე ბრწყინვალების საპრეზიდენტო ორდენზე იქნებიან წარდგენილი.პრემიერის თქმით, სპორტსმენების დაჯილდოების ცერემონია უახლოეს მომავალში გაიმართება. 2025 წლის ევროპის ჩემპიონატი კალათბურთი ოთხ ქვეყანაში – ფინეთში, კვიპროსში, პოლონეთსა და ლატვიაში ჩატარდება. გათამაშების ფინალური ეტაპის წილისყრა 27 მარტს რიგაში გაიმართება, ხოლო ტურნირი 27 აგვისტოდან 14 სექტემბრის ჩათვლით შედგება.საქართველოს ეროვნულმა ნაკრებმა ევრობასკეტზე პირველად 2011 წელს იასპარეზა და მე-12 ადგილი მოიპოვა. 2022 წელს კი ჩეხეთთან იტალიასთან და გერმანიასთან ერთად, ჩემპიონატს პირველად უმასპინძლა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, საქართველოს პრემიერ–მინისტრი, ახალი ამბები
საქართველო, სპორტი, საქართველოს პრემიერ–მინისტრი, ახალი ამბები
პრემიერი: შენგელია და შერმადინი ბრწყინვალების ორდენზე იქნებიან წარდგენილი
სპორტსმენების დაჯილდოების ცერემონია უახლოეს მომავალში გაიმართება.
თბილისი, 24 თებერვალი — Sputnik. მივიღეთ გადაწყვეტილება ჩვენი კალათბურთელების და მთლიანად გუნდის წევრების უმაღლეს სახელმწიფო ჯილდოებზე წარდგენის თაობაზე, განაცხადა საქართველოს პრემიერ-მინისტრმა ირაკლი კობახიძემ მთავრობის სხდომაზე.
21 თებერვალს საქართველოს საკალათბურთო ნაკრებმა „ევრობასკეტი 2025"-ის შესარჩევი ეტაპის მეხუთე ტურის მატჩში დანიის ნაკრები ანგარიშით 62:60 დაამარცხა და ევროპის ჩემპიონატის ფინალური ეტაპის საგზური ოფიციალურად მოიპოვა - ნაკრები ევრობასკეტზე ზედიზედ მეექვსედ იასპარეზებს.
პრემიერმა ირაკლი კობახიძემ და პარლამენტის თავმჯდომარე შალვა პაპუაშვილმა საქართველოს ისტორიაში პირველად კალათბურთში მსოფლიო ჩემპიონატის საგზურის მოპოვებისთვის, მსოფლიოს 16 საუკეთესო ნაკრებს შორის მოხვედრისა და კალათბურთში ევროპის ჩემპიონატზე მეექვსედ ასპარეზობის შესაძლებლობისთვის საქართველოს კალათბურთელთა ეროვნული ნაკრები ღირსების ორდენზე წარადგინეს.
„გაგვახარეს ჩვენმა კალათბურთელებმა, რომლებმაც ზედიზედ უკვე მეექვსედ მოიპოვეს ევროპის ჩემპიონატის საგზური. რა თქმა უნდა, მნიშვნელოვანია ამ წარმატების სათანადოდ დაფასება და ამასთან დაკავშირებით, როგორც მოგეხსენებათ, საქართველოს პრეზიდენტთან კონსულტაციების საფუძველზე, მივიღეთ გადაწყვეტილება ჩვენი კალათბურთელების და მთლიანად გუნდის წევრების უმაღლეს სახელმწიფო ჯილდოებზე წარდგენის თაობაზე“,- განაცხადა ირაკლი კობახიძემ.
როგორც პრემიერმა აღნიშნა, საქართველოს კალათბურთის ნაკრების კაპიტანი თორნიკე შენგელია და ნაკრების წევრი გიორგი შერმადინი სპორტში განსაკუთრებული მიღწევებისთვის ასევე ბრწყინვალების საპრეზიდენტო ორდენზე იქნებიან წარდგენილი.
„ღირსების ორდენზე იქნებიან წარდგენილი ჩვენი ეროვნული საკალათბურთო გუნდის წევრები, ფედერაციის ხელმძღვანელები და, პირველ რიგში, რა თქმა უნდა, კალათბურთელები. გამოვარჩიეთ 2 კალათბურთელი, კაპიტანი თორნიკე შენგელია და ასევე გიორგი შერმადინი, რომლებსაც აქვთ განსაკუთრებული მიღწევები და ისინი იქნებიან წარდგენილი ბრწყინვალების ორდენზე“, – განაცხადა კობახიძემ.
პრემიერის თქმით, სპორტსმენების დაჯილდოების ცერემონია უახლოეს მომავალში გაიმართება.
2025 წლის ევროპის ჩემპიონატი კალათბურთი ოთხ ქვეყანაში – ფინეთში, კვიპროსში, პოლონეთსა და ლატვიაში ჩატარდება. გათამაშების ფინალური ეტაპის წილისყრა 27 მარტს რიგაში გაიმართება, ხოლო ტურნირი 27 აგვისტოდან 14 სექტემბრის ჩათვლით შედგება.
საქართველოს ეროვნულმა ნაკრებმა ევრობასკეტზე პირველად 2011 წელს იასპარეზა და მე-12 ადგილი მოიპოვა. 2022 წელს კი ჩეხეთთან იტალიასთან და გერმანიასთან ერთად, ჩემპიონატს პირველად უმასპინძლა.
