მესტიაში ფესტივალი „გიზ-გიზი“ ტარდება

© Mestia International Short & Mountain Film Festivalსვანეთი
სვანეთი - Sputnik საქართველო, 1920, 22.02.2025
გამოწერა
„გიზ-გიზის“ ფარგლებში სხვადასხვა გასართობი აქტივობა მიმდინარეობს.
თბილისი, 22 თებერვალი - Sputnik. სვანეთი ტურიზმის ეროვნული ადმინისტრაციის პროექტ „გიზ-გიზს“ მასპინძლობს, რომელიც 22-23 თებერვალის პერიოდში გაიმართება.
ფესტივალის ფარგლებში მესტიაში კვების ზონა და სამეწარმეო ბაზარი მოეწყო, სადაც ადგილობრივ მეწარმეებს საშუალება აქვთ, წარმოადგინონ თავიანთი პროდუქტები. ადგილზე მოწყობილია ასევე ფოტო ზონა, მოსასვენებელი და მუსიკალური სივრცეები.
„გიზ-გიზის“ ფარგლებში მიმდინარეობს სხვადასხვა გასართობი აქტივობა, მუსიკალურ გაფორმებაზე კი ქართველი დიჯეები ზრუნავენ.
„გიზ-გიზი“ ზამთრის სათხილამურო კურორტებზე საერთაშორისო ჩემპიონატების პერიოდში ტარდება და საქართველოს სამთო კურორტების პოპულარიზაციას და ტურისტების მოზიდვას ხელს უწყობს. მესტიაში „გიზ-გიზი“ Freeride World Tour-ის პერიოდში მიმდინარეობს.
ტურიზმის ეროვნული ადმინისტრაციის ფესტივალი უკვე მეორე წელია იმართება. დასწრება თავისუფალია.
ფესტივალის მიზანია ზამთრის კურორტების პოპულარიზაცია და მეტი შიდა და უცხოელი ტურისტის მოზიდვა.
ყველა ახალი ამბავი
0