საქართველოში დიდი ოდენობით კონტრაბანდული ოქროს სამკაულების შემოტანა აღკვეთეს

© Investigation Service of the Ministry of Finance of Georgiaოქროს ნაკეთობები
ოქროს ნაკეთობები - Sputnik საქართველო, 1920, 19.02.2025
გამოწერა
აღმოჩენილი არადეკლარირებული ოქროს ნივთების წონა 1.565,4 გრამია.
თბილისი, 19 თებერვალი — Sputnik. „სარფის“ საბაჟო-გამშვებ პუნქტშიბ დიდი ოდენობით არადეკლარირებული ოქროს საიუველირო ნაკეთობების შემოტანის ფაქტი აღკვეთეს, იუწყება ფინანსთა სამინისტროს შემოსავლების სამსახური.
კერძოდ, მებაჟე-ოფიცრებმა ეჭვის საფუძველზე უცხო ქვეყნის მოქალაქის მართვის ქვეშ არსებული ავტომობილის დეტალური დათვალიერების შემდეგ დიდი ოდენობით არადეკლარირებული ოქროს საიუველირო ნაკეთობები (საერთო წონა - 1.565,4 გრამი) გამოავლინეს.
უწყების ცნობით, აღნიშნული ნაკეთობები წინასწარ დამზადებულ მუყაოსა და პლასტმასის ყუთებში, წებოვანი ლენტით იყო შეფუთული.
არადეკლარირებული ოქროს საერთო საბაჟო ღირებულებამ 240.461,09 ლარი შეადგინა.
კანონდამრღვევი მოქალაქის საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.
ყველა ახალი ამბავი
0