https://sputnik-georgia.com/20250218/parlamentis-tavmjdomares-axali-moadgile-hyavs-292167378.html
საქართველოს პარლამენტის თავმჯდომარეს ახალი მოადგილე ჰყავს
საქართველოს პარლამენტის თავმჯდომარეს ახალი მოადგილე ჰყავს
Sputnik საქართველო
პარლამენტის სპიკერატში უმრავლესობისა და ოპოზიციისთვის სამ-სამი კვოტაა განსაზღვრული. 18.02.2025-ს, Sputnik საქართველო
2025-02-18T18:12+0400
2025-02-18T18:12+0400
2025-02-18T18:12+0400
საქართველო
საქართველოს პარლამენტი
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e8/0c/0d/291395307_0:101:1920:1181_1920x0_80_0_0_f47842f6cb27d90623beae5f186a61ae.jpg
თბილისი, 18 თებერვალი — Sputnik. საქართველოოს პარლამენტის სპიკერატში რიგით მეექვსე ვიცე-სპიკერი, ილია ინჯია აირჩიეს.დღევანდელ სხდომაზე საკანონმდებლო ორგანოს თავმჯდომარის პოსტზე წარდგენილ ილია ინჯიას კანდიდატურას 84-მა დეპუტატმა დაუჭირა მხარი. ინჯია ვიცე-სპიკერად პოლიტიკურმა ჯგუფმა „ევროპელი სოციალისტები“ წარადგინა. მან თავმჯდომარის მოადგილის ის ადგილი დაიკავა, რომელიც პარლამენტის რეგლამენტის მიხედვით, საპარლამენტო ოპოზიციას ეკუთვნის. საქართველოს პარლამენტში მეორე პოლიტიკური ჯგუფი - „ევროპელი სოციალისტები“ შექმნეს დეპუტატებმა, რომლებმაც მმართველი პარტია „ქართული ოცნების“ ფრაქცია დატოვეს: ილია ინჯიამ, ვარლამ ლიპარტელიანმა და ნიკა ელისაშვილმა. ისინი პოლიტიკურ ჯგუფ „ხალხის ძალასთან“ ერთად საქართველოს პარლამენტში ოპოზიციას წარმოადგენენ და პარლამენტში ადგილებს ოპოზიციის კვოტით დაიკავებენ.XI მოწვევის პარლამენტის პირველი ვიცე-სპიკერი გიორგი ვოლსკია. ასევე, უმრავლესობის კვოტით არჩეული ვიცე-სპიკერები არიან ნინო წილოსანი, თეა წულუკიანი და გიორგი კახიანი, ხოლო ოპოზიციას პარლამენტის სპიკერატში სოზარ სუბარი და ილია ინჯია წარმოადგენენ. 2023 წელს საქართველოს პარლამენტის რეგლამენტში შევიდა ცვლილებები, რომლის მიხედვით ვიცე-სპიკერების ჯამური რაოდენობა ხუთიდან შვიდ კაცამდე გაიზარდა - პირველი ვიცე-სპიკერი და სამ-სამი ვიცე-სპიკერი უმრავლესობიდან და ოპოზიციიდან. რეგლამენტის თანახმად, პირველ ვიცე-სპიკერს პარლამენტის თავმჯდომარე წარადგენს, სამ ვიცე-სპიკერს საპარლამენტო უმრავლესობით ირჩევენ, ხოლო სამს - ოპოზიციური ფრაქციების წარმომადგენლებიდან. საქართველოს პარლამენტში ამ დროისთვის მხოლოდ 101 დეპუტატია, რომელთაგან 89 „ქართული ოცნების“ სიით აირჩიეს. ოთხი ბარიერგადალახული პარტიიდან სამმა - „კოალიცია ცვლილებისთვის“, „ერთიანობა - ნაციონალური მოძრაობა“ და „ლელო საქართველოსთვის“ - საპარლამენტო არჩევნების შედეგები გააპროტესტა და პარლამენტი დატოვა. მეოთხე პარტიას - „საქართველოსთვის“ - მანდატები ჯერ არ დაუთმია, მაგრამ პარლამენტში მუშაობაზე უარს აცხადებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პარლამენტი, პოლიტიკა საქართველოში, ახალი ამბები
საქართველო, საქართველოს პარლამენტი, პოლიტიკა საქართველოში, ახალი ამბები
საქართველოს პარლამენტის თავმჯდომარეს ახალი მოადგილე ჰყავს
პარლამენტის სპიკერატში უმრავლესობისა და ოპოზიციისთვის სამ-სამი კვოტაა განსაზღვრული.
თბილისი, 18 თებერვალი — Sputnik. საქართველოოს პარლამენტის სპიკერატში რიგით მეექვსე ვიცე-სპიკერი, ილია ინჯია აირჩიეს.
დღევანდელ სხდომაზე საკანონმდებლო ორგანოს თავმჯდომარის პოსტზე წარდგენილ ილია ინჯიას კანდიდატურას 84-მა დეპუტატმა დაუჭირა მხარი.
ინჯია ვიცე-სპიკერად პოლიტიკურმა ჯგუფმა „ევროპელი სოციალისტები“ წარადგინა. მან თავმჯდომარის მოადგილის ის ადგილი დაიკავა, რომელიც პარლამენტის რეგლამენტის მიხედვით, საპარლამენტო ოპოზიციას ეკუთვნის.
საქართველოს პარლამენტში მეორე პოლიტიკური ჯგუფი - „ევროპელი სოციალისტები“ შექმნეს დეპუტატებმა, რომლებმაც მმართველი პარტია „ქართული ოცნების“ ფრაქცია დატოვეს: ილია ინჯიამ, ვარლამ ლიპარტელიანმა და ნიკა ელისაშვილმა. ისინი პოლიტიკურ ჯგუფ „ხალხის ძალასთან“ ერთად საქართველოს პარლამენტში ოპოზიციას წარმოადგენენ და პარლამენტში ადგილებს ოპოზიციის კვოტით დაიკავებენ.
XI მოწვევის პარლამენტის პირველი ვიცე-სპიკერი გიორგი ვოლსკია. ასევე, უმრავლესობის კვოტით არჩეული ვიცე-სპიკერები არიან ნინო წილოსანი, თეა წულუკიანი და გიორგი კახიანი, ხოლო ოპოზიციას პარლამენტის სპიკერატში სოზარ სუბარი და ილია ინჯია წარმოადგენენ.
2023 წელს საქართველოს პარლამენტის რეგლამენტში შევიდა ცვლილებები, რომლის მიხედვით ვიცე-სპიკერების ჯამური რაოდენობა ხუთიდან შვიდ კაცამდე გაიზარდა - პირველი ვიცე-სპიკერი და სამ-სამი ვიცე-სპიკერი უმრავლესობიდან და ოპოზიციიდან.
რეგლამენტის თანახმად, პირველ ვიცე-სპიკერს პარლამენტის თავმჯდომარე წარადგენს, სამ ვიცე-სპიკერს საპარლამენტო უმრავლესობით ირჩევენ, ხოლო სამს - ოპოზიციური ფრაქციების წარმომადგენლებიდან.
საქართველოს პარლამენტში ამ დროისთვის მხოლოდ 101 დეპუტატია, რომელთაგან 89 „ქართული ოცნების“ სიით აირჩიეს. ოთხი ბარიერგადალახული პარტიიდან სამმა - „კოალიცია ცვლილებისთვის“, „ერთიანობა - ნაციონალური მოძრაობა“ და „ლელო საქართველოსთვის“ - საპარლამენტო არჩევნების შედეგები გააპროტესტა და პარლამენტი დატოვა. მეოთხე პარტიას - „საქართველოსთვის“ - მანდატები ჯერ არ დაუთმია, მაგრამ პარლამენტში მუშაობაზე უარს აცხადებს.
