საქართველოს გზებზე შეზღუდვები მოქმედებს

© Courtesy of Roads Department of Georgiaთოვლი გზაზე
თოვლი გზაზე - Sputnik საქართველო, 1920, 18.02.2025
გამოწერა
მცხეთა–სტეფანწმინდა–ლარსის გზა დღეისათვის ერთადერთი სახმელეთო მაგისტრალია, რომელიც საქართველოსა და სომხეთს რუსეთთან აკავშირებს
თბილისი, 18 თებერვალი — Sputnik. საქართველო-რუსეთის საზღვრისკენ მიმავალი გზაზე ზვავსაშიშროების გამო შეზღუდვები დაწესდა, იუწყება საავტომობილო გზების დეპარტამენტი.
სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარის საავტომობილო გზის გუდაური(ფოსტა)–კობის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე დროებით აკრძალულია ყველა სახის ავტოტრანსპორტის მოძრაობა.
უწყების ცნობით, სტეფანწმინდა-ლარსის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში.
თოვისა და ზვავსაშიშროების გამო დროებით აკრძალულია ტრანსპორტის მოძრაობა შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 178-192 (კალა-ლასდილი) კილომეტრ მონაკვეთზეც.
საავტომობილო გზის ჯვარი-კალას (კმ30-კმ177) მონაკვეთზე კი შეზღუდულია მისაბმელიანი, ნახევრადმისაბმელიანი ავტოტრანსპორტის და M3 კატეგორიის 22-ზე მეტი დასაჯდომი ადგილის (მძღოლის ადგილის გარდა) მქონე მგზავრთა გადასაყვანად განკუთვნილი ავტოსატრანსპორტო საშუალებების გადაადგილება, ხოლო დანარჩენი სახის ავტოტრანსპორტის მოძრაობა თავისუფალია.
რაც შეეხება ზუგდიდი-ჯვარის გზას, აღნიშნულ მონაკვეთზე ავტოტრანსპორტის გადაადგილება თავისუფალია.
ყველა ახალი ამბავი
0