https://sputnik-georgia.com/20241230/jimi-karteri-gardaicvala-291601956.html
100 წლის ასაკში აშშ-ის ყოფილი პრეზიდენტი ჯიმი კარტერი გარდაიცვალა
100 წლის ასაკში აშშ-ის ყოფილი პრეზიდენტი ჯიმი კარტერი გარდაიცვალა
Sputnik საქართველო
კარტერის პოლიტიკური კარიერა 1962 წელს დაიწყო, როდესაც იგი ჯორჯიის შტატის სენატორად აირჩიეს. 30.12.2024-ს, Sputnik საქართველო
2024-12-30T10:29+0400
2024-12-30T10:29+0400
2024-12-30T10:29+0400
მსოფლიოს ახალი ამბები
აშშ
ახალი ამბები
https://cdnn1.img.sputnik-georgia.com/img/07e6/08/15/269647385_0:160:3073:1888_1920x0_80_0_0_d75544fda9c291c89e5c6f481b3c43fa.jpg
თბილისი, 30 დეკემბერი - Sputnik. აშშ-ის ყოფილი პრეზიდენტი ჯიმი კარტერი 100 წლის ასაკში გარდაიცვალა, იუწყება ამერიკული მედია.ქვეყნის 39-ე პრეზიდენტი 1924 წლის 1-ელ ოქტომბერს ჯორჯიის შტატში, ქალაქ პლეინსში დაიბადა. იგი ფერმის სახლში გაიზარდა.გავრცელებული ინფორმაციით, ექს-პრეზიდენტი ქალაქ პლეინსში, საკუთარ სახლში გარდაიცვალა. მას ბოლო წლებში ჯანმრთელობის პრობლემები ჰქონდა, მათ შორის მელანომა. კარტერი ბოლო 19 თვე პალიატიური ზრუნვის პირობებში იმყოფებოდა.კარტერის პოლიტიკური კარიერა 1962 წელს დაიწყო, როდესაც იგი ჯორჯიის შტატის სენატორად აირჩიეს. ის ასევე აშშ-ის სამხედრო-საზღვაო ძალების ვეტერანი და ჯორჯიის შტატის გუბერნატორი იყო.ჯიმი კარტერი აშშ-ის 39-ე პრეზიდენტი იყო 1977-1981 წლებში „დემოკრატიული პარტიიდან“.კარტერის ადმინისტრაციის მიღწევებს შორისაა კემპ დევიდის შეთანხმება, ისრაელსა და ეგვიპტეს შორის სამშვიდობო ხელშეკრულების გაფორმება. კარტერმა ასევე შექმნა განათლებისა და ენერგიის დეპარტამენტები. თუმცა, მოსახლეობა უკმაყოფილო იყო მისი ეკონომიკური პოლიტიკისა და აშშ-ირანის მძევლების კრიზისის გამო, რის შემდეგაც კარტერი მეორე ვადით აღარ აურჩევიათ - 1981 წლის საპრეზიდენტო არჩევნებში კარტერი „რესპუბლიკელმა" რონალდ რეიგანმა დაამარცხა.კარტერი პრეზიდენტის პოსტის დატოვების შემდეგ გახდა ადამიანის უფლებების, მშვიდობის, დემოკრატიის და გარემოს დამცველი გლობალურ ასპარეზზე. მას იცნობდნენ აშშ-ის პირველ ლიდერად, რომელიც სერიოზულად მოეკიდა კლიმატის ცვლილებების პრობლემას.2002 წელს ჯიმი კარტერს მიენიჭა ნობელის პრემია მშვიდობის დარგში „საერთაშორისო კონფლიქტებისთვის მშვიდობიანი გადაწყვეტილებების გამოსაძებნად, დემოკრატიისა და ადამიანის უფლებების გასაუმჯობესებლად და ეკონომიკური და სოციალური განვითარების ხელშეწყობისთვის გაწეული დაუღალავი ძალისხმევის გამო“.2024 წლის 1-ელ ოქტომბერს ჯიმი კარტერი ამერიკის ისტორიაში გახდა პირველი პრეზიდენტი, რომელსაც 100 წელი შეუსრულდა.
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიოს ახალი ამბები, აშშ , ახალი ამბები
მსოფლიოს ახალი ამბები, აშშ , ახალი ამბები
100 წლის ასაკში აშშ-ის ყოფილი პრეზიდენტი ჯიმი კარტერი გარდაიცვალა
კარტერის პოლიტიკური კარიერა 1962 წელს დაიწყო, როდესაც იგი ჯორჯიის შტატის სენატორად აირჩიეს.
თბილისი, 30 დეკემბერი - Sputnik. აშშ-ის ყოფილი პრეზიდენტი ჯიმი კარტერი 100 წლის ასაკში გარდაიცვალა, იუწყება ამერიკული მედია.
ქვეყნის 39-ე პრეზიდენტი 1924 წლის 1-ელ ოქტომბერს ჯორჯიის შტატში, ქალაქ პლეინსში დაიბადა. იგი ფერმის სახლში გაიზარდა.
გავრცელებული ინფორმაციით, ექს-პრეზიდენტი ქალაქ პლეინსში, საკუთარ სახლში გარდაიცვალა. მას ბოლო წლებში ჯანმრთელობის პრობლემები ჰქონდა, მათ შორის მელანომა. კარტერი ბოლო 19 თვე პალიატიური ზრუნვის პირობებში იმყოფებოდა.
კარტერის პოლიტიკური კარიერა 1962 წელს დაიწყო, როდესაც იგი ჯორჯიის შტატის სენატორად აირჩიეს. ის ასევე აშშ-ის სამხედრო-საზღვაო ძალების ვეტერანი და ჯორჯიის შტატის გუბერნატორი იყო.
ჯიმი კარტერი აშშ-ის 39-ე პრეზიდენტი იყო 1977-1981 წლებში „დემოკრატიული პარტიიდან“.
კარტერის ადმინისტრაციის მიღწევებს შორისაა კემპ დევიდის შეთანხმება, ისრაელსა და ეგვიპტეს შორის სამშვიდობო ხელშეკრულების გაფორმება. კარტერმა ასევე შექმნა განათლებისა და ენერგიის დეპარტამენტები. თუმცა, მოსახლეობა უკმაყოფილო იყო მისი ეკონომიკური პოლიტიკისა და აშშ-ირანის მძევლების კრიზისის გამო, რის შემდეგაც კარტერი მეორე ვადით აღარ აურჩევიათ - 1981 წლის საპრეზიდენტო არჩევნებში კარტერი „რესპუბლიკელმა" რონალდ რეიგანმა დაამარცხა.
კარტერი პრეზიდენტის პოსტის დატოვების შემდეგ გახდა ადამიანის უფლებების, მშვიდობის, დემოკრატიის და გარემოს დამცველი გლობალურ ასპარეზზე. მას იცნობდნენ აშშ-ის პირველ ლიდერად, რომელიც სერიოზულად მოეკიდა კლიმატის ცვლილებების პრობლემას.
2002 წელს ჯიმი კარტერს მიენიჭა ნობელის პრემია მშვიდობის დარგში „საერთაშორისო კონფლიქტებისთვის მშვიდობიანი გადაწყვეტილებების გამოსაძებნად, დემოკრატიისა და ადამიანის უფლებების გასაუმჯობესებლად და ეკონომიკური და სოციალური განვითარების ხელშეწყობისთვის გაწეული დაუღალავი ძალისხმევის გამო“.
2024 წლის 1-ელ ოქტომბერს ჯიმი კარტერი ამერიკის ისტორიაში გახდა პირველი პრეზიდენტი, რომელსაც 100 წელი შეუსრულდა.
