https://sputnik-georgia.com/20241220/es-saqartveloze-mizanmimartuli-setevaa-deputati-ass-is-axal-sanqciebs-gamoexmaura-291481808.html
ეს საქართველოზე მიზანმიმართული შეტევაა - დეპუტატი აშშ-ის ახალ სანქციებს გამოეხმაურა
ეს საქართველოზე მიზანმიმართული შეტევაა - დეპუტატი აშშ-ის ახალ სანქციებს გამოეხმაურა
Sputnik საქართველო
ოთხშაბათს შეერთებულმა შტატებმა სანქციები დაუწესა საქართველოს შინაგან საქმეთა მინისტრს და განსაკუთრებულ დავალებათა დეპარტამენტის დირექტორის მოადგილეს 20.12.2024-ს, Sputnik საქართველო
2024-12-20T14:27+0400
2024-12-20T14:27+0400
2024-12-20T14:28+0400
ახალი ამბები
საქართველო
აშშ
აშშ-ის სანქციები საქართველოს მოქალაქეების წინააღმდეგ
https://cdnn1.img.sputnik-georgia.com/img/07e4/0c/1c/250467043_0:0:3072:1728_1920x0_80_0_0_6ffc883446aefecbd821807944ff2cb0.jpg
თბილისი, 20 დეკემბერი — Sputnik. საქართველოს წინააღმდეგ აშშ-ის სანქციების შემოღება არის მიზანმიმართული შეტევა, რომელიც მიზნად ისახავს ქვეყანაში არსებული სიტუაციის დესტაბილიზაციასა და გამწვავებას, განაცხადა მმართველი პარტია „ქართული ოცნება - დემოკრატიული საქართველოს“ წევრმა, პარლამენტის დეპუტატმა გივი მიქანაძემ.ოთხშაბათს შეერთებულმა შტატებმა ფინანსური სანქციები დაუწესა შინაგან საქმეთა მინისტრ ვახტანგ გომელაურსა და შინაგან საქმეთა სამინისტროს განსაკუთრებულ დავალებათა დეპარტამენტის უფროსის მოადგილეს მირზა კეზევაძეს „მომიტინგეების, ჟურნალისტებისა და პოლიტიკოსების მიმართ სასტიკი მოპყრობისთვის“. განცხადებაში აღნიშნულია, რომ ვაშინგტონმა ეს ნაბიჯი შეათანხმა დიდ ბრიტანეთთან, რომელმაც 19 დეკემბერს ასევე დააწესა სანქციები გომელაურის და კიდევ სხვა ოთხი ძალოვანის წინააღმდეგ.მილევად რეჟიმში მყოფი ბაიდენის ადმინისტრაციას აქვს რეჟიმი, რომელიც, მიქანაძის თქმით, „რასაც ჰქვია ბოლო კუდის მოქნევაა“.„ის ცდილობს ახალი პრეზიდენტის ინაუგურაციამდე, იქ სადაც კიდევ აქვს რაღაც შესაძლებლობა, მოცემული სიტუაცია გაამწვავოს“, - განაცხადა დეპუტატმა.შეერთებულმა შტატებმა გომელაურსა და კეზევაძეს სანქციები დაუწესა „მედიის წარმომადგენლების, ოპოზიციის მოღვაწეების და მომიტინგეების წინააღმდეგ სასტიკ რეპრესიებში მონაწილეობისთვის, მათ შორის 2024 წლის დემონსტრაციების დროს“.სანქციების სიაში შეყვანა (ე.წ მაგნიტსკის სია), სხვა საკითხებთან ერთად, გულისხმობს შეერთებულ შტატებში არსებული აქტივების გაყინვას, შეერთებულ შტატებში შესვლის აკრძალვას, გარდა ამისა აშშ-ს მოქალაქეებსა და ამერიკულ კომპანიებს ეკრძალებათ ფიგურანტებთან ბიზნესის კეთება.კერძოდ, საუბარია 28 ნოემბრიდან საქართველოში დაწყებულ საპროტესტო აქციებზე, საქართველოს ხელისუფლების გადაწყვეტილების შემდეგ, დღის წესრიგიდან ამოიღონ ქვეყნის ევროკავშირში 2028 წლისთვის გაწევრიანების შესახებ მოლაპარაკებების გახსნა.როგორც აშშ-ს ფინანსთა სამინისტროს ვებსაიტზე გავრცელებულ განცხადებაშია აღნიშნული, შინაგან საქმეთა სამინისტროს განსაკუთრებულ დავალებათა დეპარტამენტის უსაფრთხოების ძალებმა საპროტესტო აქციებს არაპროპორციული ძალადობით უპასუხეს, ასევე მიზანმიმართულად ესხმოდნენ ჟურნალისტებს, როდესაც ისინი აშუქებდნენ ძალადობას, და არაერთხელ განახორციელეს ძალადობა დაკავებული მომიტინგეებს წინააღმდეგ.როგორც განცხადებაშია აღნიშნული, 2024 წლის მაისში გდდ ასევე ძალადობრივად დაესხა თავს ოპოზიციის ლიდერებს, ჟურნალისტებს და ახალგაზრდა აქტივისტებს, რომლებიც მშვიდობიანად გამოხატავდნენ თავიანთ აზრს „საგარეო გავლენის გამჭვირვალობის შესახებ“ კანონის მიღების წინააღმდეგ გამართული საპროტესტო აქციების დროს.გარდა ამისა, გდდ-ს წარმომადგენლებმა ჩაიდინეს ძალადობრივი აქტები, მათ შორის სასტიკად უსწორდებოდნენ მშვიდობიანი მომიტინგეებს. გდდ-ს მიერ განხორციელებულ ძალადობას კი გომელაური და კეზევაძე აკვირდებოდნენ, იმ პირების გარდა, რომელთა წინააღმდეგაც აშშ-მა სანქციები უფრო ადრე დააწესა.აშშ-მ 2024 წლის 16 სექტემბერს სანქციები დაუწესა შსს-ის განსაკუთრებულ დავალებათა დეპარტამენტის უფროს ზვიად ხარაზიშვილს (მეტსახელად „ხარება“) და მის მოადგილე მილერი ლაგაზაურს, ასევე მედიაპლატფორმა „ალტ-ინფოს" ლიდერებს, კონსტანტინე მორგოშიასა და ზურაბ მახარაძეს.შეერთებულმა შტატებმა ხარაზიშვილი და ლაგაზაური დაადანაშაულა სასტიკ რეპრესიების მოწყობაში ახალგაზრდა აქტივისტებისა და ოპოზიციის ლიდერების წინააღმდეგ, „საგარეო გავლენის გამჭვირვალობის შესახებ კანონის“ მიღების წინააღმდეგ მშვიდობიანი საპროტესტო აქციების დროს.რაც შეეხება მორგოშიას და მახარაძეს, ისინი, აშშ-ს აზრით, არიან მშვიდობიანი მომიტინგეების და მარგინალიზებული თემების მიმართ ძალადობის მხურვალე მხარდამჭერები.2021-2023 წლებში მორგოშია და მახარაძე ხელს უშლიდნენ უმცირესობათა საპროტესტო აქციებს, დაარწმუნეს ასობით მხარდამჭერი შეჭრილიყვნენ არასამთავრობო ორგანიზაციების ოფისებში და თავს დასხმოდნენ ჟურნალისტებსა და პოლიციელებს.შეერთებული შტატების გადაწყვეტილებით, იბლოკება ზემოაღნიშნული პირების ყველა ქონება და ქონებრივი ინტერესი, რომელიც მდებარეობს შეერთებულ შტატებში ან არის აშშ-ის პირების მფლობელობასა ან კონტროლ ქვეშ. ასევე იბლოკება ის ორგანიზაციები, რომლებიც პირდაპირ ან ირიბად, ინდივიდუალურად ან ერთობლივად, 50%-ით ან მეტით ეკუთვნის ერთ ან რამდენიმე დაბლოკილ პირს.
საქართველო
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, აშშ , აშშ-ის სანქციები საქართველოს მოქალაქეების წინააღმდეგ
ახალი ამბები, საქართველო, აშშ , აშშ-ის სანქციები საქართველოს მოქალაქეების წინააღმდეგ
ეს საქართველოზე მიზანმიმართული შეტევაა - დეპუტატი აშშ-ის ახალ სანქციებს გამოეხმაურა
14:27 20.12.2024 (განახლებულია: 14:28 20.12.2024) ოთხშაბათს შეერთებულმა შტატებმა სანქციები დაუწესა საქართველოს შინაგან საქმეთა მინისტრს და განსაკუთრებულ დავალებათა დეპარტამენტის დირექტორის მოადგილეს
თბილისი, 20 დეკემბერი — Sputnik. საქართველოს წინააღმდეგ აშშ-ის სანქციების შემოღება არის მიზანმიმართული შეტევა, რომელიც მიზნად ისახავს ქვეყანაში არსებული სიტუაციის დესტაბილიზაციასა და გამწვავებას, განაცხადა მმართველი პარტია „ქართული ოცნება - დემოკრატიული საქართველოს“ წევრმა, პარლამენტის დეპუტატმა გივი მიქანაძემ.
ოთხშაბათს შეერთებულმა შტატებმა ფინანსური
სანქციები დაუწესა შინაგან საქმეთა მინისტრ ვახტანგ გომელაურსა და შინაგან საქმეთა სამინისტროს განსაკუთრებულ დავალებათა დეპარტამენტის უფროსის მოადგილეს მირზა კეზევაძეს „მომიტინგეების, ჟურნალისტებისა და პოლიტიკოსების მიმართ სასტიკი მოპყრობისთვის“. განცხადებაში აღნიშნულია, რომ ვაშინგტონმა ეს ნაბიჯი შეათანხმა დიდ ბრიტანეთთან, რომელმაც 19 დეკემბერს ასევე დააწესა სანქციები გომელაურის და კიდევ სხვა ოთხი ძალოვანის წინააღმდეგ.
„ეს გადაწყვეტილება კიდევ ერთხელ აჩვენებს და ავლენს იმ მიზანმიმართულ შეტევებს, რომლის მიზანია საქართველოში სიტუაცია არა სტაბილიზაციისკენ, არამედ გარკვეულწილად დესტაბილიზაციისკენ წავიდეს“, - აღნიშნა მიქანაძემ.
მილევად რეჟიმში მყოფი ბაიდენის ადმინისტრაციას აქვს რეჟიმი, რომელიც, მიქანაძის თქმით, „რასაც ჰქვია ბოლო კუდის მოქნევაა“.
„ის ცდილობს ახალი პრეზიდენტის ინაუგურაციამდე, იქ სადაც კიდევ აქვს რაღაც შესაძლებლობა, მოცემული სიტუაცია გაამწვავოს“, - განაცხადა დეპუტატმა.
შეერთებულმა შტატებმა გომელაურსა და კეზევაძეს სანქციები დაუწესა „მედიის წარმომადგენლების, ოპოზიციის მოღვაწეების და მომიტინგეების წინააღმდეგ სასტიკ რეპრესიებში მონაწილეობისთვის, მათ შორის 2024 წლის დემონსტრაციების დროს“.
სანქციების სიაში შეყვანა (ე.წ მაგნიტსკის სია), სხვა საკითხებთან ერთად, გულისხმობს შეერთებულ შტატებში არსებული აქტივების გაყინვას, შეერთებულ შტატებში შესვლის აკრძალვას, გარდა ამისა აშშ-ს მოქალაქეებსა და ამერიკულ კომპანიებს ეკრძალებათ ფიგურანტებთან ბიზნესის კეთება.
კერძოდ, საუბარია 28 ნოემბრიდან საქართველოში დაწყებულ საპროტესტო აქციებზე, საქართველოს ხელისუფლების გადაწყვეტილების შემდეგ, დღის წესრიგიდან ამოიღონ ქვეყნის ევროკავშირში 2028 წლისთვის გაწევრიანების შესახებ მოლაპარაკებების გახსნა.
როგორც აშშ-ს ფინანსთა სამინისტროს ვებსაიტზე გავრცელებულ განცხადებაშია აღნიშნული, შინაგან საქმეთა სამინისტროს განსაკუთრებულ დავალებათა დეპარტამენტის უსაფრთხოების ძალებმა საპროტესტო აქციებს არაპროპორციული ძალადობით უპასუხეს, ასევე მიზანმიმართულად ესხმოდნენ ჟურნალისტებს, როდესაც ისინი აშუქებდნენ ძალადობას, და არაერთხელ განახორციელეს ძალადობა დაკავებული მომიტინგეებს წინააღმდეგ.
როგორც განცხადებაშია აღნიშნული, 2024 წლის მაისში გდდ ასევე ძალადობრივად დაესხა თავს ოპოზიციის ლიდერებს, ჟურნალისტებს და ახალგაზრდა აქტივისტებს, რომლებიც მშვიდობიანად გამოხატავდნენ თავიანთ აზრს „საგარეო გავლენის გამჭვირვალობის შესახებ“ კანონის მიღების წინააღმდეგ გამართული საპროტესტო აქციების დროს.
გარდა ამისა, გდდ-ს წარმომადგენლებმა ჩაიდინეს ძალადობრივი აქტები, მათ შორის სასტიკად უსწორდებოდნენ მშვიდობიანი მომიტინგეებს. გდდ-ს მიერ განხორციელებულ ძალადობას კი გომელაური და კეზევაძე აკვირდებოდნენ, იმ პირების გარდა, რომელთა წინააღმდეგაც აშშ-მა სანქციები უფრო ადრე დააწესა.
აშშ-მ 2024 წლის 16 სექტემბერს სანქციები დაუწესა შსს-ის განსაკუთრებულ დავალებათა დეპარტამენტის უფროს ზვიად ხარაზიშვილს (მეტსახელად „ხარება“) და მის მოადგილე მილერი ლაგაზაურს, ასევე მედიაპლატფორმა „ალტ-ინფოს" ლიდერებს, კონსტანტინე მორგოშიასა და ზურაბ მახარაძეს.
შეერთებულმა შტატებმა ხარაზიშვილი და ლაგაზაური დაადანაშაულა სასტიკ რეპრესიების მოწყობაში ახალგაზრდა აქტივისტებისა და ოპოზიციის ლიდერების წინააღმდეგ, „საგარეო გავლენის გამჭვირვალობის შესახებ კანონის“ მიღების წინააღმდეგ მშვიდობიანი საპროტესტო აქციების დროს.
რაც შეეხება მორგოშიას და მახარაძეს, ისინი, აშშ-ს აზრით, არიან მშვიდობიანი მომიტინგეების და მარგინალიზებული თემების მიმართ ძალადობის მხურვალე მხარდამჭერები.
2021-2023 წლებში მორგოშია და მახარაძე ხელს უშლიდნენ უმცირესობათა საპროტესტო აქციებს, დაარწმუნეს ასობით მხარდამჭერი შეჭრილიყვნენ არასამთავრობო ორგანიზაციების ოფისებში და თავს დასხმოდნენ ჟურნალისტებსა და პოლიციელებს.
შეერთებული შტატების გადაწყვეტილებით, იბლოკება ზემოაღნიშნული პირების ყველა ქონება და ქონებრივი ინტერესი, რომელიც მდებარეობს შეერთებულ შტატებში ან არის აშშ-ის პირების მფლობელობასა ან კონტროლ ქვეშ. ასევე იბლოკება ის ორგანიზაციები, რომლებიც პირდაპირ ან ირიბად, ინდივიდუალურად ან ერთობლივად, 50%-ით ან მეტით ეკუთვნის ერთ ან რამდენიმე დაბლოკილ პირს.
