საქართველოს თავდაცვის ძალების რაოდენობა 2025 წელს უცვლელი დარჩება

© photo: Sputnik / Stringerსამხედროები
სამხედროები - Sputnik საქართველო, 1920, 11.12.2024
გამოწერა
ბოლო წლების განმავლობაში სამხედრო მოსამსახურეთა შტატი არ იცვლება - წლიდან წლამდე სამხედრო მოსამსახურეთა რაოდენობა არაუმეტეს 37 ათასი სამხედრო პირით განისაზღვრება.
თბილისი, 11 დეკემბერი — Sputnik. საქართველოს პარლამენტმა „საქართველოს თავდაცვის ძალების რაოდენობის დამტკიცების შესახებ“ დადგენილების პროექტი 87 ხმით დაამტკიცა.
დადგენილების თანახმად, როგორც მიმდინარე წელს, 2025 წელსაც თავდაცვის ძალების რიცხოვნობა არ გადააჭარბებს 37 ათას ადამიანს. ამგვარად, ქართული ჯარის პირადი შემადგენლობის რაოდენობა უცვლელი დარჩება.
ეს შეზღუდვა არ ეხება სამხედრო მდგომარეობას, რეზერვისტებს, საქართველოს თავდაცვის სამინისტროს დროებით საშტატო თანამშრომლებს.
დღეისათვის საქართველოში სამხედრო სამსახური ოთხ კატეგორიად იყოფა, ესენია: სავალდებულო, საკონტრაქტო, საკადრო და სარეზერვო.
ყველა ახალი ამბავი
0