https://sputnik-georgia.com/20241208/elisashvilis-advokatma-sasamartlos-gadawyvetileba-gaasachivra-291294949.html
ელისაშვილის ადვოკატმა თბილისის საქალაქო სასამართლოს გადაწყვეტილება გაასაჩივრა
ელისაშვილის ადვოკატმა თბილისის საქალაქო სასამართლოს გადაწყვეტილება გაასაჩივრა
Sputnik საქართველო
პარლამენტის ყოფილი დეპუტატი თავისუფლების მოედანზე 4 დეკემბერს დააკავეს 08.12.2024-ს, Sputnik საქართველო
2024-12-08T17:00+0400
2024-12-08T17:00+0400
2024-12-08T17:00+0400
საქართველო
პოლიტიკა საქართველოში
საზოგადოება
ქართული ოპოზიცია
ახალი ამბები
https://cdnn1.img.sputnik-georgia.com/img/07e5/03/1e/251324611_0:48:1280:769_1920x0_80_0_0_ebd99f92e361f1f56a073af730bea63f.jpg
თბილისი, 8 დეკემბერი – Sputnik. ოპოზიციური პარტია „მოქალაქეებისა" და კოალიცია „ძლიერი საქართველოს” ერთ-ერთი ლიდერის, ალეკო ელისაშვილის ადვოკატმა გიორგი რეხვიაშვილმა თბილისის საქალაქო სასამართლოს განჩინება სააპელაციო წესით გაასაჩივრა, რომლის თანახმადაც პოლიტიკოსს აღკვეთის ღონისძიების სახით პატიმრობა შეეფარდა.სამართალდამცველებმა ალეკო ელისაშვილი მმართველი პარტია „ქართული ოცნების“ თანადამფუძნებელ ალი ბაბაევზე პოლიტიკური ნიშნით თავდასხმისთვის 4 დეკემბერს დააკავეს. როგორც ელისაშვილის ყოფილმა თანაპარტიელმა, საქართველოს სახალხო დამცველმა ლევან იოსელიანმა განაცხადა, პოლიციელების მხრიდან პოლიტიკოსის დაკავებისას გამოყენებული იქნა არაპროპორციული ძალა - მას სახისა და ზურგის არეში აღენიშნება დაზიანებები, სისხლნაჟღენთები, ნაკაწრები.6 დეკემბერს გამართულ პროცესზე თბილისის საქალაქო სასამართლოს მოსამართლე თამარ მჭედლიშვილმა ელისაშვილს აღკვეთის ღონისძიების სახით პატიმრობა შეუფარდა. პოლიტიკოსს ბრალდება სსკ-ის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) წარედგინა, რაც სამ წლამდე ვადით თავისუფლების აღკვეთას ითვალისწინებს.ადვოკატის განცხადებით, სასამართლომ ელისაშვილი პოლიტიკური ნიშნით გაასამართლა. მისი თქმით, საქმეში არსებული მტკიცებულებები დგინდება, რომ პოლიტიკოსი თავდაცვის მიზნით მოგერიების პროცესში იყო.შემთხვევა 2 დეკემბერს თბილისის ცენტრში მოხდა. მედიაში გავრცელებულ კადრებში ჩანს, როგორ უახლოვდება ელისაშვილი ბაბაევს, მამაკაცები ემოციურად საუბარს იწყებენ, შემდეგ კი ოპოზიციონერი ფიზიკურ ძალას მიმართავს.ელისაშვილის დაცვის მხარემ მოსამართლეს 3000-ლარიანი გირაო შესთავაზა, თუმცა მან ადვოკატების შუამდგომლობა არ დააკმაყოფილა.ალეკო ელისაშვილი პარლამენტის ყოფილი დეპუტატია. იგი „ძლიერი საქართველოს" პარტიულ სიაში მე-20 ნომრად იყო წარდგენილი, შესაბამისად, ახალი მოწვევის პარლამენტში ვერ შევიდა.აღნიშნულმა კოალიციამ, რომელშიც შედიან პარტიები „ლელო საქართველოსთვის", „ხალხისთვის" და არასამთავრობო ორგანიზაცია „თავისუფალი მოედანი", 26 ოქტომბრის საპარლამენტო არჩევნების შედეგად 14 მანდატი მოიპოვა.ბარიერგადალახული ოპოზიციური პარტიები უარს აცხადებენ არჩევნების შედეგების აღიარებაზე, აცხადებენ რომ „არალეგიტიმურ პარლამენტს" ლეგიტიმაციას არ მისცემენ და ახალი არჩევნების ჩატარებას მოითხოვენ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საზოგადოება, ქართული ოპოზიცია, ახალი ამბები
საქართველო, პოლიტიკა საქართველოში, საზოგადოება, ქართული ოპოზიცია, ახალი ამბები
ელისაშვილის ადვოკატმა თბილისის საქალაქო სასამართლოს გადაწყვეტილება გაასაჩივრა
პარლამენტის ყოფილი დეპუტატი თავისუფლების მოედანზე 4 დეკემბერს დააკავეს
თბილისი, 8 დეკემბერი – Sputnik. ოპოზიციური პარტია „მოქალაქეებისა" და კოალიცია „ძლიერი საქართველოს” ერთ-ერთი ლიდერის, ალეკო ელისაშვილის ადვოკატმა გიორგი რეხვიაშვილმა თბილისის საქალაქო სასამართლოს განჩინება სააპელაციო წესით გაასაჩივრა, რომლის თანახმადაც პოლიტიკოსს აღკვეთის ღონისძიების სახით პატიმრობა შეეფარდა.
სამართალდამცველებმა ალეკო ელისაშვილი მმართველი პარტია „ქართული ოცნების“ თანადამფუძნებელ ალი ბაბაევზე პოლიტიკური ნიშნით თავდასხმისთვის 4 დეკემბერს დააკავეს. როგორც ელისაშვილის ყოფილმა თანაპარტიელმა, საქართველოს სახალხო დამცველმა ლევან იოსელიანმა განაცხადა, პოლიციელების მხრიდან პოლიტიკოსის დაკავებისას გამოყენებული იქნა არაპროპორციული ძალა - მას სახისა და ზურგის არეში აღენიშნება დაზიანებები, სისხლნაჟღენთები, ნაკაწრები.
6 დეკემბერს გამართულ პროცესზე თბილისის საქალაქო სასამართლოს მოსამართლე თამარ მჭედლიშვილმა ელისაშვილს აღკვეთის ღონისძიების სახით პატიმრობა შეუფარდა. პოლიტიკოსს ბრალდება სსკ-ის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) წარედგინა, რაც სამ წლამდე ვადით თავისუფლების აღკვეთას ითვალისწინებს.
ადვოკატის განცხადებით, სასამართლომ ელისაშვილი პოლიტიკური ნიშნით გაასამართლა. მისი თქმით, საქმეში არსებული მტკიცებულებები დგინდება, რომ პოლიტიკოსი თავდაცვის მიზნით მოგერიების პროცესში იყო.
„სასამართლოს განჩინება დაუსაბუთებელი და პოლიტიკურად მოტივირებულია. მტკიცებულებად წარმოდგენილ ვიდეოჩანაწერში კარგად ჩანს, ალეკო ელისაშვილი რომ ცდილობს განმუხტოს კონფლიქტი... კადრებში ჩანს ბაბაევი მას რკინის ჯოხით როგორ მისდევს და ცდილობს დაზიანება მიაყენოს. ამ შემთხვევაში, ალეკო ელისაშვილი მოქმედებდა აუცილებელი მოგერიების ფარგლებში", - განაცხადა რეხვიაშვილმა.
შემთხვევა 2 დეკემბერს თბილისის ცენტრში მოხდა. მედიაში გავრცელებულ კადრებში ჩანს, როგორ უახლოვდება ელისაშვილი ბაბაევს, მამაკაცები ემოციურად საუბარს იწყებენ, შემდეგ კი ოპოზიციონერი ფიზიკურ ძალას მიმართავს.
ელისაშვილის დაცვის მხარემ მოსამართლეს 3000-ლარიანი გირაო შესთავაზა, თუმცა მან ადვოკატების შუამდგომლობა არ დააკმაყოფილა.
ალეკო ელისაშვილი პარლამენტის ყოფილი დეპუტატია. იგი „ძლიერი საქართველოს" პარტიულ სიაში მე-20 ნომრად იყო წარდგენილი, შესაბამისად, ახალი მოწვევის პარლამენტში ვერ შევიდა.
აღნიშნულმა კოალიციამ, რომელშიც შედიან პარტიები „ლელო საქართველოსთვის", „ხალხისთვის" და არასამთავრობო ორგანიზაცია „თავისუფალი მოედანი", 26 ოქტომბრის საპარლამენტო არჩევნების შედეგად 14 მანდატი მოიპოვა.
ბარიერგადალახული ოპოზიციური პარტიები უარს აცხადებენ არჩევნების შედეგების აღიარებაზე, აცხადებენ რომ „არალეგიტიმურ პარლამენტს" ლეგიტიმაციას არ მისცემენ და ახალი არჩევნების ჩატარებას მოითხოვენ.
