უკრაინამ საქართველოს ხელისუფლების წინააღმდეგ სანქციები დააწესა
14:17 05.12.2024 (განახლებულია: 14:20 05.12.2024)
© photo: Sputnik / Maxim Bogodvid
/ გამოწერა
ზელენსკის თქმით, აღნიშნული სანქციები დაუწესდა ხელისუფლების იმ ნაწილის, რომელიც ვაჭრობს საქართველოს ინტერესებით.
თბილისი, 5 დეკემბერი — Sputnik. უკრაინამ მმართველი პარტია „ქართული ოცნების" 19 წევრის, მათ შორის პრემიერ-მინისტრ ირაკლი კობახიძის და პარტიის საპატიო თავმჯდომარე ბიძინა ივანიშვილის წინააღმდეგ სანქციები შემოიღო.
შესაბამის ბრძანებას უკრაინის პრეზიდენტმა ვოლოდიმირ ზელენსკიმ ხელი უკვე მოაწერა. მისი თქმით, აღნიშნული სანქციები დაუწესდა ხელისუფლების იმ ნაწილის, რომელიც ვაჭრობს საქართველოს ინტერესებით.
„ახლახან ხელი მოვაწერე ბრძანებას, რომლის მიხედვითაც ძალაში შევა ეროვნული უშიშროების საბჭოს გადაწყვეტილება სანქციების შესახებ... ჩვენ მოვუწოდებთ ევროპას, ამერიკას, მსოფლიოში ყველას, იმოქმედოს ანალოგიურად, იმოქმედოს პრინციპულად“, - განაცხადა ზელენსკიმ ვიდეომიმართვაში.
დოკუმენტში საუბარია პერსონალური სპეციალური ეკონომიკური და სხვა შემზღუდავი ზომების შემოღებაზე. უკრაინის მიერ დასანქცირებულთა სიაში მოხვდა :
1.
ბიძინა ივანიშვილი - მმართველი პარტია „ქართული ოცნება-დემოკრატიული საქართველოს" დამფუძნებელი, საპატიო თავმჯდომარე2.
ირაკლი კობახიძე - საქართველოს პრემიერ-მინისტრი3.
გრიგოლ ლილუაშვილი - სახელმწიფო უსაფრთხოების სამსახურის უფროსი4.
კახა კალაძე - თბილისი მერი, „ქართული ოცნების" გენმდივანი5.
მიხეილ ჩინჩალაძე - თბილისის სააპელაციო სასამართლოს თავმჯდომარე6.
მამუკა მდინარაძე - პარტია „ქართული ოცნების" აღმასრულებელი მდივანი7.
ვახტანგ გომელაური - შინაგან საქმეთა მინისტრი8.
ოთარ ფარცხალაძე - ბიზნესმენი, ყოფილი გენპროკურორი9.
ირაკლი რუხაძე - ტელეკომპანია „იმედის" მფლობელი10.
ლევან მურუსიძე - თბილისის სააპელაციო სასამართლოს მოსამართლე, იუსტიციის უმაღლესი საბჭოს წევრი11.
ვიქტორ ჯაფარიძე - პარტია „ხალხის ძალის" წევრი, პარლამენტის დეპუტატი12.
დიმიტრი სამხარაძე - პარლამენტის დეპუტატი13.
გიორგი ხაინდრავა - კინორეჟისორი14.
გიორგი კობახიძე - პოლიტიკოსი, პრემიერ ირაკლი კობახიძის მამა15.
ზვიად შალამბერიძე - პარლამენტის დეპუტატი16.
შალვა თადუმაძე - უზენაესი სასამართლოს თავმჯდომარის მოადგილე17.
თეა წულუკიანი - კულტურის ექს-მინისტრი, პარლამენტის დეპუტატი18.
ირაკლი ქარსელაძე - ინფრასტრუქტურისა და რეგიონული განვითარების მინისტრი19.
კახა ბექაური - კომუნიკაციების ეროვნული კომისიის თავმჯდომარე.საქართველო-უკრაინის ურთიერთობები
2020 წელს მიხეილ სააკაშვილის უკრაინის რეფორმების ეროვნული საბჭოს ხელმძღვანელად დანიშვნის გამო საქართველოსა და უკრაინას შორის არსებული ისედაც დაძაბული ურთიერთობა უკრაინაში კონფლიქტის ფონზე კიდევ უფრო გაუარესდა. უკრაინული მხარე მკვეთრად აკრიტიკებს საქართველოს ხელისუფლებას რუსეთის წინააღმდეგ სანქციების დაწესებაზე და ჯანმრთელობის მდგომარეობის მიზეზით მსჯავრდებული სააკაშვილის გათავისუფლებაზე უარის თქმის გამო.
საქართველოს მმართველ პარტიაში აცხადებენ, რომ უკრაინის მაღალი რანგის ოფიციალური პირები ცდილობენ საქართველოს ომში ჩათრევას, რათა საკუთარი მდგომარეობა შეიმსუბუქონ. „ქართული ოცნების" ლიდერების თქმით, ოპოზიციური პარტია „ერთიანი ნაციონალური მოძრაობა" და მისი თანამოაზრეებიც ამისკენ ისწრაფვიან.
ურთიერთობების გაუარესების კიდევ ერთი მიზეზი გახდა უკრაინის მიერ საქართველოს ცალკეული მოქალაქეებისა და კომპანიების მიმართ დაწესებული სანქციები.
პრეზიდენტ ვოლოდიმირ ზელენსკის განკარგულებით, უკრაინამ სანქცირებულთა სიაში შეიყვანა მილიარდერ ბიძინა ივანიშვილის ძმა ალექსანდრე ივანიშვილი, მისი მეუღლე ქეთევან ხარაიძე, ბიზნესმენი უჩა მამაცაშვილი და მისი ვაჟი ტიტე მამაცაშვილი, შემდეგ კი – ქართული ავიაკომპანია Georgian Airways და მისი დამფუძნებელი თამაზ გაიაშვილი.
გარდა ამისა, უკრაინას საქართველოში ელჩი ამ დრომდე არ დაუნიშნავს. ბოლო ელჩმა იგორ დოლგოვმა თანამდებობა 2022 წლის 24 ივნისს დატოვა. საქართველოში უკრაინის დროებით რწმუნებულად ალექსანდრ შულგა დანიშნეს.
უკრაინის პრეზიდენტმა ვოლოდიმირ ზელენსკიმ 2023 წლის 3 ივლისს საგარეო საქმეთა სამინისტროს დაავალა, დაუკავშირდეს საქართველოს ელჩს უკრაინაში გიორგი ზაქარაშვილს, გამოხატოს მიხეილ სააკაშვილთან დაკავშირებით ძლიერი პროტესტი და შესთავაზოს უკრაინის დატოვება 48 საათის განმავლობაში თბილისთან კონსულტაციებისთვის. მან განაცხადა: „ჩვენ არაერთხელ მოვუწოდეთ ოფიციალურ თბილისს, შეწყვიტოს ეს შეურაცხყოფა და დათანხმდეს სააკაშვილის უკრაინაში დაბრუნებას".
