https://sputnik-georgia.com/20241124/saqartvelom-pineti-daamarcxa-291067300.html
ევრობასკეტი 2025: საქართველოს ნაკრებმა ფინეთი დაამარცხა
ევრობასკეტი 2025: საქართველოს ნაკრებმა ფინეთი დაამარცხა
Sputnik საქართველო
ევროპის ჩემპიონატის ფინალური ეტაპისკენ მიმავალ გზაზე უმნიშვნელოვანესი შეხვედრა ანგარიშით 81:64 მოიგო. 24.11.2024-ს, Sputnik საქართველო
2024-11-24T21:58+0400
2024-11-24T21:58+0400
2024-11-24T22:14+0400
საქართველო
სპორტი
ახალი ამბები
საზოგადოება
https://cdnn1.img.sputnik-georgia.com/img/07e8/0b/16/291043874_0:74:1440:884_1920x0_80_0_0_54dd627a1cbe3fa6688a38e23e608ff6.jpg
თბილისი, 24 ნოემბერი — Sputnik. საქართველოს კალათბურთელთა ნაკრებმა ევრობასკეტი 2025-ის შესარჩევ ეტაპზე თბილისში ფინეთი დაამარცხა და ევროპის ჩემპიონატის ფინალური ეტაპისკენ მიმავალ გზაზე უმნიშვნელოვანესი გამარჯვება იზეიმა.სერბი სპეციალისტის, ალექსანდრ ჯიკიჩის გუნდმა ფინელებს შესარჩევი ეტაპის მეოთხე ტურის მატჩი 17-ქულიანი სხვაობით მოუგო - 81:64.„თბილისი არენაზე" შექმნილი ტექნიკური ხარვეზის გამო მატჩი 50 წუთით გადაიდო - პრობლემა ჰქონდა დარბაზში დამონტაჟებულ ტაბლოს.საქართველოს ნაკრებში ყველაზე შედეგიანი საქართველოს ნაკრების კაპიტანი თორნიკე შენგელია იყო - მან 25 ქულა, 4 მოხსნა, 2 ჩაჭრა და 6 შედეგიანი გადაცემა მიითვალა. ამერიკელმა ლეგიონერმა კამალ ბოლდუინმა კი ნაკრებს 22 ქულა, 8 მოხსნა, 5 გადაცემა და 3 ჩაჭრა შესძინა. ფინეთის ნაკრების საუკეთესო ბომბარდირი კი მატჩში ნკამუა იყო – 11 ქულა.G ჯგუფში ოთხი გუნდია: საქართველო, სერბეთი, ფინეთი და დანია. ოთხიდან სამი გუნდი შემდეგ ეტაპზე გადის. ვინაიდან ფინეთი ტურნირის მასპინძელი ქვეყანაა, სამ გუნდს ორი შესარჩევი ადგილი აქვს.რადგანაც სერბეთი აშკარა ფავორიტია, საქართველოს ნაკრებმა დანიას უნდა გაუსწროს. ამ მიზნის მისაღწევად კი სასიცოცხლოდ მნიშვნელოვანი იყო ფინეთთან გამარჯვება.ორი გადამწყვეტი ტური თებერვალში გაიმართება. საქართველო დანიას უმასპინძლებს და სერბეთს ეწვევა. საქართველოს ნაკრებს ჯერჯერობით ორი წაგება აქვს.2025 წლის კონტინენტური ჩემპიონატის შესარჩევი ეტაპი სამ ფანჯარაში მიმდინარეობს. პირველი ფანჯარა - 2024 წლის 19 თებერვლიდან 27 თებერვლამდე, მეორე - 2024 წლის 18 ნოემბრიდან 26 ნოემბრამდე და მესამე - 2025 წლის 17 თებერვლიდან 25 თებერვლამდე. გუნდები თითოეულ ფანჯარაში ორ თამაშს ითამაშებენ.ევრობასკეტის ფინალურ ეტაპზე 24 ადგილისთვის 32 ქვეყანა იბრძვის.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, ახალი ამბები, საზოგადოება
საქართველო, სპორტი, ახალი ამბები, საზოგადოება
ევრობასკეტი 2025: საქართველოს ნაკრებმა ფინეთი დაამარცხა
21:58 24.11.2024 (განახლებულია: 22:14 24.11.2024) ევროპის ჩემპიონატის ფინალური ეტაპისკენ მიმავალ გზაზე უმნიშვნელოვანესი შეხვედრა ანგარიშით 81:64 მოიგო.
თბილისი, 24 ნოემბერი — Sputnik. საქართველოს კალათბურთელთა ნაკრებმა ევრობასკეტი 2025-ის შესარჩევ ეტაპზე თბილისში ფინეთი დაამარცხა და ევროპის ჩემპიონატის ფინალური ეტაპისკენ მიმავალ გზაზე უმნიშვნელოვანესი გამარჯვება იზეიმა.
სერბი სპეციალისტის, ალექსანდრ ჯიკიჩის გუნდმა ფინელებს შესარჩევი ეტაპის მეოთხე ტურის მატჩი 17-ქულიანი სხვაობით მოუგო - 81:64.
„თბილისი არენაზე" შექმნილი ტექნიკური ხარვეზის გამო მატჩი 50 წუთით გადაიდო - პრობლემა ჰქონდა დარბაზში დამონტაჟებულ ტაბლოს.
საქართველოს ნაკრებში ყველაზე შედეგიანი საქართველოს ნაკრების კაპიტანი თორნიკე შენგელია იყო - მან 25 ქულა, 4 მოხსნა, 2 ჩაჭრა და 6 შედეგიანი გადაცემა მიითვალა. ამერიკელმა ლეგიონერმა კამალ ბოლდუინმა კი ნაკრებს 22 ქულა, 8 მოხსნა, 5 გადაცემა და 3 ჩაჭრა შესძინა.
ფინეთის ნაკრების საუკეთესო ბომბარდირი კი მატჩში ნკამუა იყო – 11 ქულა.
G ჯგუფში ოთხი გუნდია: საქართველო, სერბეთი, ფინეთი და დანია. ოთხიდან სამი გუნდი შემდეგ ეტაპზე გადის. ვინაიდან ფინეთი ტურნირის მასპინძელი ქვეყანაა, სამ გუნდს ორი შესარჩევი ადგილი აქვს.
რადგანაც სერბეთი აშკარა ფავორიტია, საქართველოს ნაკრებმა დანიას უნდა გაუსწროს. ამ მიზნის მისაღწევად კი სასიცოცხლოდ მნიშვნელოვანი იყო ფინეთთან გამარჯვება.
ორი გადამწყვეტი ტური თებერვალში გაიმართება. საქართველო დანიას უმასპინძლებს და სერბეთს ეწვევა. საქართველოს ნაკრებს ჯერჯერობით ორი წაგება აქვს.
2025 წლის კონტინენტური ჩემპიონატის შესარჩევი ეტაპი სამ ფანჯარაში მიმდინარეობს. პირველი ფანჯარა - 2024 წლის 19 თებერვლიდან 27 თებერვლამდე, მეორე - 2024 წლის 18 ნოემბრიდან 26 ნოემბრამდე და მესამე - 2025 წლის 17 თებერვლიდან 25 თებერვლამდე. გუნდები თითოეულ ფანჯარაში ორ თამაშს ითამაშებენ.
ევრობასკეტის ფინალურ ეტაპზე 24 ადგილისთვის 32 ქვეყანა იბრძვის.
