https://sputnik-georgia.com/20241121/putini-rusetma-ukrainis-samxedro-obieqtebis-winaarmdeg-uaxlesi-iarari-gamoiyena-291040163.html
პუტინი: რუსეთმა უკრაინის სამხედრო ობიექტების წინააღმდეგ უახლესი იარაღი გამოიყენა
პუტინი: რუსეთმა უკრაინის სამხედრო ობიექტების წინააღმდეგ უახლესი იარაღი გამოიყენა
Sputnik საქართველო
რუსეთის პრეზიდენტის თქმით, რუსეთმა არაბირთვული რაკეტა გამოიყენა 21.11.2024-ს, Sputnik საქართველო
2024-11-21T23:01+0400
2024-11-21T23:01+0400
2024-11-21T23:01+0400
მსოფლიო დღეს
ვლადიმირ პუტინი
რუსეთი
უკრაინა
რუსეთ-უკრაინის კონფლიქტი
მსოფლიოს ახალი ამბები
https://cdnn1.img.sputnik-georgia.com/img/07e8/03/17/286996762_0:0:3071:1728_1920x0_80_0_0_eb18fc793a052a597dc4fbb018a34eb3.jpg
თბილისი, 21 ნოემბერი – Sputnik. რუსეთის ჯარებმა უკრაინაში არსებულ უდიდეს სამხედრო კომპლექსს უახლესი ჰიპერბგერითი ბალისტიკური რაკეტა „ორეშნიკით“ შეუტიეს, ამის შესახებ რუსეთის ფედერაციის პრეზიდენტმა ვლადიმირ პუტინმა განაცხადა.მან განმარტა, რომ რუსეთმა არაბირთვული რაკეტა გამოიყენა.რუსეთის პრეზიდენტმა კიდევ ერთხელ გაამახვილა ყურადღება იმაზე, რომ უკრაინას არ შეუძლია გამოიყენოს შორი მოქმედების იარაღი ამ იარაღის მწარმოებელი ქვეყნების სამხედრო სპეციალისტების გარეშე და ეს კარგად არის ცნობილი, მათ შორის ექსპერტებისთვისაც.ვლადიმირ პუტინმა აღნიშნა, რომ მას შემდეგ, რაც დასავლეთის შორი მოქმედების რაკეტებმა კურსკის და ბრიანსკის ოლქებს შეუტია, უკრაინაში მიმდინარე კონფლიქტმა გლობალური ხასიათის ნიშნები მიიღო.ამავდროულად, რუსეთის საჰაერო თავდაცვის სისტემებმა მოიგერიეს დასავლური რაკეტების შეტევა, რის შედეგადაც მოწინააღმდეგემ დასახულ მიზნებს ვერ მიაღწია, აღნიშნა მან.რაკეტა „ორეშნიკი“რუსეთის ლიდერმა ხაზგასმით აღნიშნა, რომ რაკეტა „ორეშნიკის“ საწინააღმდეგო საშუალება მსოფლიოში არ არსებობს. ის შეტევისას ავითარებს 10 მახის სიჩქარეს, რაც წამში 2,5-3 კილომეტრია.„მსოფლიოში არსებული თანამედროვე საჰაერო თავდაცვის სისტემებსა და ევროპაში განთავსებულ ამერიკელების მიერ შექმნილ სარაკეტო თავდაცვით სისტემებს ასეთი რაკეტების ჩაჭერა არ შეუძლიათ. ეს გამორიცხულია“, - განაცხადა სახელმწიფოს მეთაურმა.პუტინის თქმით, რუსეთის ფედერაცია, „ორეშნიკის“ მსგავსი სისტემების შეტევის შემთხვევაში, უკრაინელ სამოქალაქო პირებს და მეგობარი ქვეყნების მოქალაქეებს შესაძლო განადგურების ზონების დატივებას შესთავაზებს.„ჩვენ ამას გავაკეთებთ ჰუმანიტარული მიზეზების გამო - ღიად, საჯაროდ, მტრის წინააღმდეგობის შიშის გარეშე”, - ირწმუნება რუსეთის პრეზიდენტი.
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ვლადიმირ პუტინი, რუსეთი, უკრაინა , რუსეთ-უკრაინის კონფლიქტი, მსოფლიოს ახალი ამბები
ვლადიმირ პუტინი, რუსეთი, უკრაინა , რუსეთ-უკრაინის კონფლიქტი, მსოფლიოს ახალი ამბები
პუტინი: რუსეთმა უკრაინის სამხედრო ობიექტების წინააღმდეგ უახლესი იარაღი გამოიყენა
რუსეთის პრეზიდენტის თქმით, რუსეთმა არაბირთვული რაკეტა გამოიყენა
თბილისი, 21 ნოემბერი – Sputnik. რუსეთის ჯარებმა უკრაინაში არსებულ უდიდეს სამხედრო კომპლექსს უახლესი ჰიპერბგერითი ბალისტიკური რაკეტა „ორეშნიკით“ შეუტიეს, ამის შესახებ რუსეთის ფედერაციის პრეზიდენტმა ვლადიმირ პუტინმა განაცხადა.
მან განმარტა, რომ რუსეთმა არაბირთვული რაკეტა გამოიყენა.
„ამერიკული და ბრიტანული შორი მოქმედების იარაღის გამოყენების საპასუხოდ, მიმდინარე წლის 21 ნოემბერს რუსეთის შეიარაღებულმა ძალებმა უკრაინის სამხედრო-სამრეწველო კომპლექსის ერთ-ერთ ობიექტზე კომბინირებული დარტყმა განახორციელეს“, - განაცხადა პუტინმა. მან ამ სიტყვებით რუსეთის შეიარაღებული ძალების პირად შემადგენლობას და რუსეთის მოქალაქეებს მიმართა.
რუსეთის პრეზიდენტმა კიდევ ერთხელ გაამახვილა ყურადღება იმაზე, რომ უკრაინას არ შეუძლია გამოიყენოს შორი მოქმედების იარაღი ამ იარაღის მწარმოებელი ქვეყნების სამხედრო სპეციალისტების გარეშე და ეს კარგად არის ცნობილი, მათ შორის ექსპერტებისთვისაც.
ვლადიმირ პუტინმა აღნიშნა, რომ მას შემდეგ, რაც დასავლეთის შორი მოქმედების რაკეტებმა კურსკის და ბრიანსკის ოლქებს შეუტია, უკრაინაში მიმდინარე კონფლიქტმა გლობალური ხასიათის ნიშნები მიიღო.
ამავდროულად, რუსეთის საჰაერო თავდაცვის სისტემებმა მოიგერიეს დასავლური რაკეტების შეტევა, რის შედეგადაც მოწინააღმდეგემ დასახულ მიზნებს ვერ მიაღწია, აღნიშნა მან.
რუსეთის ლიდერმა ხაზგასმით აღნიშნა, რომ რაკეტა „ორეშნიკის“ საწინააღმდეგო საშუალება მსოფლიოში არ არსებობს. ის შეტევისას ავითარებს 10 მახის სიჩქარეს, რაც წამში 2,5-3 კილომეტრია.
„მსოფლიოში არსებული თანამედროვე საჰაერო თავდაცვის სისტემებსა და ევროპაში განთავსებულ ამერიკელების მიერ შექმნილ სარაკეტო თავდაცვით სისტემებს ასეთი რაკეტების ჩაჭერა არ შეუძლიათ. ეს გამორიცხულია“, - განაცხადა სახელმწიფოს მეთაურმა.
პუტინის თქმით, რუსეთის ფედერაცია, „ორეშნიკის“ მსგავსი სისტემების შეტევის შემთხვევაში, უკრაინელ სამოქალაქო პირებს და მეგობარი ქვეყნების მოქალაქეებს შესაძლო განადგურების ზონების დატივებას შესთავაზებს.
„ჩვენ ამას გავაკეთებთ ჰუმანიტარული მიზეზების გამო - ღიად, საჯაროდ, მტრის წინააღმდეგობის შიშის გარეშე”, - ირწმუნება რუსეთის პრეზიდენტი.
